Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Mars 2017

 GBẸZAN KLISTIANI TỌN

Mẹnu lẹ Wẹ to Ojlo Jehovah Tọn Wà to Egbehe?—Lehe Mí Sọgan Yí I Zan Do

Mẹnu lẹ Wẹ to Ojlo Jehovah Tọn Wà to Egbehe?—Lehe Mí Sọgan Yí I Zan Do

Alọnuwe lọ Mẹnu lẹ Wẹ to Ojlo Jehovah Tọn Wà to Egbehe? yin awuwlena na mí nido nọ gbadopọnna ẹn hẹ plọnmẹ Biblu mítọn lẹ to bẹjẹeji kavi vivọnu oplọn dopodopo tọn. * Nupinplọn 1 jẹ 4 na gọalọna nuplọntọ lẹ nado yọ́n omẹ nankọ he mí yin, nupinplọn 5 jẹ 14 na gọalọna yé nado jẹakọ hẹ nuwiwa mítọn lẹ bọ nupinplọn 15 jẹ 28 na gọalọna yé nado yọ́n lehe titobasinanu mítọn nọ yinuwa do. E na yọ́n hugan nado gbadopọnna nupinplọn lọ lẹ debọdo-dego adavo nupinplọn de dọhodo nuhudo niyaniya tọn de ji. Nupinplọn lọ lẹ ma nọ dite hú weda dopo bo sọgan yin hodọdeji to paa mẹ hẹ suhugan nuplọntọ lẹ tọn to nukunwhiwhe atọ́n kavi ao gblamẹ.

  • Nọ dọ̀n ayidonugo wá kanbiọ he yin hosọ nupinplọn lọ tọn ji

  • Mì nọ hia nupinplọn lọ blebu kavi má ẹn do kleunkleun whẹpo do dọhodeji

  • Mì nọ dọhodopọ do nuhe mì ṣẹṣẹ hia ji. Nọ yí kanbiọ he to odò weda lọ tọn lẹ po yẹdide lẹ po zan. Mì nọ hia wefọ he yin dide lẹ bo nọ dọhodopọ deji, eyin e biọ domọ. Nọ zinnudeji dọ hóvila lọ lẹ na gblọndo hosọ lọ tọn

  • Eyin mì mọ apotin “Dindonanu Dogọ” tọn de, mì nọ hia ẹ, enẹgodo nọ na tuli nuplọntọ lọ nado yí ayinamẹ lọ do yizan mẹ

^ huk. 3 Zinjẹgbonu he to Intẹnẹt ji wẹ bẹ vọjlado agọe tọn alọnuwe lọ tọn lẹ hẹn.