Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN MARS 2016

 NUHỌAKUẸ LẸ SỌN OHÓ JIWHEYẸWHE TỌN MẸ | JOB 1–5

Job Hẹn Tenọgligo to Whlepọn Glọ

Job Hẹn Tenọgligo to Whlepọn Glọ

Job nọ Uzi to ojlẹ he mẹ Islaelivi lẹ yin kanlinmọ to Egipti. Dile etlẹ yindọ Job ma yin Islaelivi, sinsẹ̀n-basitọ nugbo Jehovah tọn de wẹ ewọ yin. E tindo whẹndo daho, adọkun susu, bosọ diyin to lẹdo etọn mẹ. Ayinamẹtọ he yè nọ na sisi taun po whẹdatọ he ma nọ homẹnukuntapọn de po wẹ ewọ yin. E nọ tlúalọ hlan wamọnọ lẹ po agbátọnọ lẹ po. Tenọgligo-hẹntọ wẹ Job yin.

Job dohia hezeheze dọ Jehovah wẹ yin Omẹ nujọnu tọn hugan to gbẹzan etọn mẹ

1:8-11, 22; 2:2-5

  • Satani doayi tenọgli Job tọn go. E ma jẹagọdo tonusise Job tọn na Jehovah, kakatimọ, mẹwhinwhàn etọn lẹ go wẹ e fọ́n ayihaawe dote gando

  • Satani dọ dọ ṣejannabi wutu wẹ Job do to Jehovah sẹ̀n

  • Nado na gblọndo whẹsadokọnamẹ Satani tọn, Jehovah na ẹn dotẹnmẹ nado whlé dawe nugbonọ enẹ pọ́n. Satani hẹn nuhe Job tindo lẹpo gble

  • To whenue Job hẹn tenọgli etọn go, Satani fọ́n ayihaawe dote gando tenọgli mẹlẹpo tọn go

  • Job ma waylando kavi sawhẹ nuylankan depope tọn dokọna Jiwheyẹwhe