Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Mars 2016

 AWUWIWLENA LIZỌNYIZỌN KUNNUDEGBE TỌN

Hẹn Lizọnyizọn Towe Pọnte Dogọ—Awuwiwlena Nuzedonukọnnamẹ Towe Titi

Hẹn Lizọnyizọn Towe Pọnte Dogọ—Awuwiwlena Nuzedonukọnnamẹ Towe Titi
AWUSỌHIA
Wekun Lẹ
Yẹdide

NUHEWUTU E DO YIN NUJỌNU: Dile etlẹ yindọ nuzedonukọnnamẹ he to nuplọnwe opli tọn mẹ lẹ yọ́n-na-yizan, apajlẹ de poun wẹ yé yin. A sọgan yí hogbe towe titi lẹ zan. A sọgan yí nuzedonukọnnamẹ devo zan kavi mọdọ hosọ devo na yọ́n-na-yizan hugan to lẹdo mìtọn mẹ. Eyin mọ wẹ, to whenue a ko hia linlinnamẹwe lọ, bo gbadopọnna nuzedonukọnnamẹ lẹ, bosọ pọ́n video nuzedonukọnnamẹ tọn lẹ godo, a sọgan yí ayinamẹ he bọdego lẹ zan nado wleawuna nuzedonukọnnamẹ towe titi.

LEHE A SỌGAN WÀMỌ DO:

Kanse dewe dọ, ‘Be n’jlo na yí dopo to nuzedonukọnnamẹ lọ lẹ mẹ zan wẹ ya?’

MỌWẸ

  • Wleawuna homẹbibiọ towe. To whenue a ko dọnudo mẹlọ sọgbe hẹ aṣa lẹdo lọ tọn godo, dọ nuhe hẹn we wá. (Di apajlẹ: “N’wá mì dè, na . . .”)

  • Lẹnnupọndo lehe a na de wefọ to kanbiọ towe godo do ji, whẹpo do ze linlinnamẹwe lọ donukọnnamẹ. (Di apajlẹ: Nado deanana ẹn yì Biblu mẹ, a sọgan dọ dọ, “Gblọndo kanbiọ enẹ tọn sọawuhia tofi.”)

LALA

  • De hosọ de he a yiwanna to linlinnamẹwe lọ mẹ, he na yọ́n-na-yizan to aigba-denamẹ mìtọn ji

  • De kanbiọ de he na fọnjlodotenamẹ nado bẹ hodọdopọ jẹeji, ṣigba he ma na gbàhundona whétọ lọ. (Di apajlẹ: Kanbiọ he nọ sọawuhia to weda 2tọ linlinnamẹwe lẹ tọn ji lẹ.)

  • De wefọ he a na hia. (Eyin Réveillez-vous! wẹ a to zizedonukọnnamẹ, e ma yin dandan dọ a ni hia wefọ, to whenuena e yindọ mẹhe ma yọ́n nususu gando Biblu go bo tlẹ sọgan tindo ayihaawe gando sinsẹ̀n go lẹ wẹ linlinnamẹwe ehe yin awuwlena.)

  • Wleawuna hodidọ kleun de he na basi zẹẹmẹ lehe whétọ lọ na mọaleyi sọn hosọ lọ mẹ do tọn

WHEPOPONU

  • Wleawuna kanbiọ he a na fọndote bo na na gblọndo etọn to gọyìpọn whenu

  • Basi kandai nado penugo bo flin nuhe a jlo na dọ to whedevonu