Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN MARS 2016

Nuzedonukọnnamẹ Lẹ

Nuzedonukọnnamẹ Lẹ

ATỌ̀HỌ̀-NUHIHỌ́ LỌ TỌN

Kanbiọ: Be mì yọ́n hogbe he mẹsusu nọ saba yizan ehelẹ ya?

Wefọ: Joh 3:16

Nuzedonukọnnamẹ: Zinjẹgbonu Atọ̀họ̀-Nuhihọ́ lọ Tọn ehe dọ lehe yajiji po okú Jesu tọn po sọgan hẹn ale wá na mì do.

ATỌ̀HỌ̀-NUHIHỌ́ LỌ TỌN (wepa godo tọn)

Kanbiọ: Mì pọ́n kanbiọ ehe po gblọndo he mẹdelẹ nọ saba na lẹ po. [Hia kanbiọ tintan po gblọndo he yin sislẹ bọdego lẹ po.] Etẹwẹ mì lẹn?

Wefọ: Mt 4:1-4

Nuzedonukọnnamẹ: To whenuena e yindọ Lẹgba dọho hẹ Jesu bo whlé e pọ́n, ehe dohia dọ e ma yin ohia nuylankan tọn de poun wẹ e yin gba, amọ́ omẹ jọnun de. Nudevo tẹwẹ Biblu sọ dọ gando Lẹgba go? Hosọ ehe basi zẹẹmẹ susu devo lẹ.

OYLỌ-BASINAMẸ OFLIN TỌN

Nuzedonukọnnamẹ: Mí to oylọ-basinamẹwe ehe má na nujijọ vonọtaun de. [Ze oylọ-basinamẹwe dopo na whétọ lọ.] To 23 mars, gbẹtọ livi susu lẹ lẹdo aihọn pé na pli dopọ nado basi hùnwhẹ okú Jesu Klisti tọn bo na sè hodidọ sinai do Biblu ji vọnu de gando ale he okú etọn hẹnwa na mí lẹ go. Gànmẹ po fie e na yin bibasi te to lẹdo mítọn mẹ po tin to oylọ-basinamẹwe ehe ji. Mì jaale bo wá eyin e yọnbasi.

WLEAWUNA NUZEDONUKỌNNAMẸ TOWE TITI

Yí apajlẹ lọ lẹ zan nado wleawuna nuzedonukọnnamẹ towe titi.