Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN MAI 2016

Nuzedonukọnnamẹ Lẹ

Nuzedonukọnnamẹ Lẹ

ATỌ̀HỌ̀-NUHIHỌ́ LỌ TỌN

Kanbiọ: Be mì lẹndọ hogbe ehelẹ sọgan wá mọ hẹndi gbèdopo ya?

Wefọ: Osọ 21:3, 4

Nuzedonukọnnamẹ: Zinjẹgbonu Atọ̀họ̀-Nuhihọ́ lọ Tọn ehe dọ lehe Jiwheyẹwhe na hẹn opagbe enẹ di do po ale he mì sọgan mọyi sọn e mẹ po.

ATỌ̀HỌ̀-NUHIHỌ́ LỌ TỌN (wepa godo tọn)

Kanbiọ: Mì jaale bo doayi kanbiọ ehe go. [Hia kanbiọ tintan po gblọndo voovo he gbẹtọ lẹ nọ na po to weda 16tọ ji.] Etẹwẹ mì lẹn?

Wefọ: Slm 83:18

Nuzedonukọnnamẹ: Hosọ ehe do zẹẹmẹ Biblu tọn devo lẹ gando oyín Jiwheyẹwhe tọn go hia.

BIBLU PLỌN MÍ

Kanbiọ: Mẹdelẹ nọ lẹndọ Jiwheyẹwhe wẹ to anadena aihọn lọ. Ṣigba, be mì yọnẹn dọ e ma yin nuhe Biblu plọn mí niyẹn ya?

Wefọ: 1Jo 5:19

Nuzedonukọnnamẹ: Owe ehe basi zẹẹmẹ he họnwun gando nuhe Biblu plọn mí do hosọ ehe po susu devo lẹ po ji go.

WLEAWUNA NUZEDONUKỌNNAMẸ TOWE TITI

Yí apajlẹ lọ lẹ zan nado wleawuna nuzedonukọnnamẹ towe titi.