Jesu ze apajlẹ de dai na mí nado nọ hodo, titengbe to whenue mí pehẹ whlepọn kavi homẹkẹn. (1Pi 2:21-23) Mahopọnna dọ yè to Jesu zun, e ma zunmẹ, etlẹ yin to whenue e to yaji. (Mk 15:29-32) Etẹwẹ gọalọna ẹn nado doakọnnanu? E magbe nado wà ojlo Jehovah tọn. (Joh 6:38) E sọ ze ayiha do “ayajẹ he yin zizedonukọnna ẹn” lọ ji.—Heb 12:2.

Nawẹ mí nọ yinuwa gbọn to whenue mẹlẹ yinuwa hẹ mí to aliho agọ̀ mẹ, na yise mítọn wutu? Klistiani nugbo lẹ ma “nọ yí oylan do suahọ oylan tọn.” (Lo 12:14, 17) Eyin mí nọ hodo apajlẹ aliho he mẹ Klisti doakọnna yajiji te tọn, mí na yin ayajẹnọ, na mí tindo nukundagbe Jiwheyẹwhe tọn wutu.—Mt 5:10-12; 1Pi 4:12-14.

PỌ́N VIDEO LỌ OYÍN JEHOVAH TỌN WẸ YIN NUJỌNU HUGAN, ENẸGODO NA GBLỌNDO NA KANBIỌ HE BỌDEGO LẸ:

  • Nawẹ Mẹmẹyọnnu Pötzinger * yí whenu etọn zan ganji gbọn to whenue e to gànhọ ṣokẹdẹninọ tọn mẹ?

  • Etẹlẹ wẹ Mẹmẹsunnu po Mẹmẹyọnnu Pötzinger po doakọnna to osla yasanamẹ tọn voovo yetọn lẹ mẹ?

  • Etẹwẹ gọalọna yé nado doakọnnanu?

To whenue a to yaji, nọ hodo afọdòmẹ Klisti tọn lẹ pẹkipẹki

^ huk. 6 Yinkọ lọ sọ nọ yin kinkan dole Poetzinger.