Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN JUIN 2016

 NUHỌAKUẸ LẸ SỌN OHÓ JIWHEYẸWHE TỌN MẸ | SALMU LẸ 34-37

Dejido Jehovah Go bo Nọ Wà Dagbe

Dejido Jehovah Go bo Nọ Wà Dagbe

“A . . . whànwu ylanwatọ lẹ blo”

37:1, 2

  • Ma dike kọdetọn dagbe ojlẹ gli tọn mẹylankan lẹ tọn ni fẹayihasẹna we sọn Jehovah sinsẹ̀n ji blo. Ze ayiha towe do dona po yanwle gbigbọmẹ tọn lẹ po ji

“Dejido Jehovah go bo nọ wà dagbe”

37:3

  • Deji dọ Jehovah na nọgodona we to ayihaawe kavi magbọjẹ depope whenu. E na gọalọna we nado yin nugbonọ

  • Hẹn alọnu towe ján to wẹndagbe Ahọluduta Jiwheyẹwhe tọn lilá mẹ

“Nọ mọ awuvivi susu to Jehovah mẹ”

37:4

  • De whenu dovo nado nọ hia Ohó Jiwheyẹwhe tọn bo nọ lẹnayihamẹpọn deji po yanwle lọ po nado yọ́n Jehovah dogọ

“Jo aliho towe do alọmẹ na Jehovah”

37:5, 6

  • Deji mlẹnmlẹn dọ Jehovah na gọalọna we nado pehẹ nuhahun depope

  • Hẹn walọyizan dagbe go to nukundiọsọmẹ, homẹkẹn, kavi linlin mẹhẹngble tọn lẹ whenu

“Nọ whii to Jehovah nukọn bo nọtepọn ẹn po todido po”

37:7-9

  • Nọ dapana nuyiwa sọmawhe tọn he sọgan hò ayajẹ po hihọ́ gbigbọmẹ tọn towe po yí lẹ

“Homẹmimiọnnọ lẹ wẹ na dugu aigba tọn”

37:10, 11

  • Nọ dín homẹmimiọn, bo yí whiwhẹ do nọtepọn Jehovah nado de mawadodo he a to pipehẹ lẹpo sẹ̀

  • Nọ nọgodona yisenọ hatọ lẹ, bo nọ yí opagbe Jiwheyẹwhe tọn gando aihọn yọyọ he ko sẹpọ pete lọ go do miọnhomẹna mẹhe jẹflumẹ lẹ

Ahọluduta Mẹsia lọ tọn na hẹn dona susu wá