Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Juillet 2016

Nuzedonukọnnamẹ Lẹ

Nuzedonukọnnamẹ Lẹ

ATỌ̀HỌ̀-NUHIHỌ́ LỌ TỌN

Kanbiọ: Be mì ma kọngbedopọ dọ eyin Jiwheyẹwhe dè wẹ Biblu wá sọn, nudepope ma sọgan de e sẹ̀ sọn aimẹ ya?

Wefọ: Isa 40:8

Nuzedonukọnnamẹ: Hosọ voovo ehelẹ dọhodo lehe Biblu luntọ́n kakajẹ egbehe do ji.

ATỌ̀HỌ̀-NUHIHỌ́ LỌ TỌN (wepa godo tọn)

Kanbiọ: Mì jaale bo doayi kanbiọ ehe go. [Hia kanbiọ tintan to weda 16tọ ji.] Mẹdelẹ yise dọ gbẹtọvi lẹ wẹ yin dowatọ sinsẹ̀n tọn. Mẹdevo lẹ nọ lẹndọ Jiwheyẹwhe nọ yí sinsẹ̀n zan nado dọ̀n mí sẹpọ ede. Etẹwẹ mì lẹn?

Wefọ: Jak 1:27, odò.

Nuzedonukọnnamẹ: Hosọ ehe do nudevo he Biblu dọ do whẹho ehe ji lẹ hia. E na vivi na mi nado lẹkọwa na mí nido dọhodo nuagokun hosọ ehe tọn devo lẹ ji.

WẸNDAGBE DE SỌN JIWHEYẸWHE DÈ!

Kanbiọ: Mẹdelẹ nọ mọdọ dọdai he to Biblu mẹ lẹ hihia nọ taidi linlinwe de hihia. Detẹ to ninọmẹ he yin didọdai ehelẹ mẹ go wẹ mì ko sèhó gando kavi mọ?

Wefọ: 2Ti 3:1-5

Nuzedonukọnnamẹ: Linlinnamẹwe ehe dọ nuhewutu ninọmẹ ehe nkọ lẹ yin wẹndagbe de na mẹhe yiwanna Jiwheyẹwhe lẹ. [Zinnudo nupinplọn 1, kanbiọ 2tọ ji.]

WLEAWUNA NUZEDONUKỌNNAMẸ TOWE TITI

Yí apajlẹ lọ lẹ zan nado wleawuna nuzedonukọnnamẹ towe titi.