Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN JANVIER 2016

 GBẸZAN KLISTIANI TỌN

Hẹn Lizọnyizọn Towe Pọnte Dogọ—Dodonu Zizedai Na Gọyìpọn

Hẹn Lizọnyizọn Towe Pọnte Dogọ—Dodonu Zizedai Na Gọyìpọn

NUHEWUTU E DO YIN NUJỌNU:

Ojlo mítọn wẹ nado nọ húsinna okún nugbo lọ tọn he mí do lẹ. (1Kọ 3:6) To whenue mí mọ mẹde he do ojlo hia, onú dagbe wẹ e yin dọ mí ni nọ fọ́n kanbiọ de dote, ehe ji mí sọgan dọhodo to whenue mí na lẹkọyi mẹlọ dè. Ehe na zọ́n bọ mẹlọ na to jejeji dọ mí ni lẹkọwa, podọ awuwiwle mítọn na gọyìpọn lọ nasọ bọawu. To whenue mí lẹkọyi, mí sọgan dọna ẹn dọ mí wá nado na gblọndo kanbiọ he mí fọndote to whenue mí dla ẹ pọ́n wayi tọn.

LEHE MÍ SỌGAN WÀMỌ DO:

  • To whenue a to awuwlena nuzedonukọnnamẹ he a na yizan sọn whédegbè jẹ whédegbè lẹ, nọ wleawuna kanbiọ de he a na na gblọndo etọn to gọyìpọn he bọdego. E sọgan yin kanbiọ de he gblọndo etọn tin to owe he mì to zizedonukọnnamẹ lọ mẹ. Kavi e sọgan yin kanbiọ de he gblọndo etọn tin to dopo to owe he mí nọ yí do plọnnu hẹ gbẹtọ lẹ mẹ, ehe a basi tito nado zedonukọnnamẹ to whenue a na lẹkọyi.

  • To whenue a jlo na dotana hodọdopọ towe hẹ mẹde he do ojlo hia, dike ni yọnẹn dọ e na jlo we nado dọho hẹ ẹ to whedevonu. Enẹgodo, dọ kanbiọ he ji mì na wá dọhodo lọ na ẹn. Eyin e yọnbasi, yí sọha alokan etọn tọn.

  • Eyin a dọna ẹn dọ emi na lẹkọwa to ojlẹ tangan de mẹ, yin nugbonọ.Mt 5:37.