Sọn whetẹnu gbọ́n wẹ a ko to tenọpọn wiwá Ahọluduta Jiwheyẹwhe tọn? Be a to akọndonanu po homẹfa po yí do nọtepọn ẹn mahopọnna whlepọn lẹ ya? (Lo 8:25) Klistiani delẹ nọ pehẹ wangbẹna, nuyiwahẹmẹ agọ̀, gànpamẹninọ, bọ yè tlẹ nọ sìn adán nado hù delẹ to yé mẹ. Mẹdevo lẹ nọ doakọnna whlepọn taidi azọ̀n jẹmagbọ kavi yọnhowhe.

Etẹwẹ na gọalọna mí nado nọtepọn ẹn vẹkuvẹku mahopọnna whlepọn depope? Mí dona to yise mítọn hẹn lodo gbọn Biblu hihia egbesọegbesọ po ayihamẹlinlẹnpọn deji po dali. Mí dona ze ayiha do todido mítọn ji. (2Kọ 4:16-18; Heb 12:2) Mí dona nọ vẹ̀ Jehovah to odẹ̀ mẹ nado na mí huhlọn gbọn gbigbọ wiwe etọn gblamẹ. (Luk 11:10, 13; Heb 5:7) Otọ́ owanyinọ mítọn gán gọalọna mí nado “yí homẹfa po ayajẹ po do doakọnnanu to gigọ́ mẹ.”—Kol 1:11.

PỌ́N VIDEO LỌ MÍ DONA “YÍ AKỌNDONANU DO HỌ̀N ALEWEZUN LỌ”​—DEJI DỌ EMI NA MỌ ALE LỌ YÍ, ENẸGODO NA GBLỌNDO NA KANBIỌ HE BỌDEGO LẸ:

  • “Nujijọ madonukun” tẹlẹ wẹ sọgan diọ gbẹzan mítọn? (Yẹ 9:11, Odò.)

  • Nawẹ odẹ̀ nọ gọalọna mí to whlepọn lẹ nukọn gbọn?

  • Eyin mí ma sọgan wà susu ba to sinsẹ̀nzọn Jehovah tọn mẹ, naegbọn mí dona ze ayiha do nuhe mí gán gbẹ́ wà lẹ ji?

  • Nọ ze nukun towe do ale lọ ji

    Etẹwẹ nọ na we jide dọ a na mọ ale lọ yí?