Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN FÉVRIER 2017

 GBẸZAN KLISTIANI TỌN

Nọ Jaya to Todido Towe Mẹ

Nọ Jaya to Todido Towe Mẹ

Todido taidi húnsingàn de. (Heb 6:19) E nọ gọalọna mí nado dapana húnsiọ to gbigbọ-liho eyin mí pehẹ whlepọn he taidi yujẹhọn ohù ji tọn lẹ. (1Ti 1:18, 19) E sọgan yin flumẹjijẹ, agbasanu lẹ hinhẹnbu, azọ̀n jẹmagbọ, okú mẹyiwanna de tọn, kavi nudevo he nọ ze tenọgligo hinhẹn mítọn do owù mẹ.

Yise po todido po nọ gọalọna mí nado mọ ale dopagbe lọ hlan hezeheze. (2Kọ 4:16-18; Heb 11:13, 26, 27) Enẹwutu, vlavo mí tindo todido olọn mẹ tọn kavi aigba ji tọn, mí dona nọ hẹn ẹn lodo to gbesisọ mẹ gbọn ayihamẹlinlẹnpọn do opagbe he tin to Ohó Jiwheyẹwhe tọn mẹ lẹ ji dali. Whenẹnu, eyin mí wá jẹflumẹ na whlepọn lẹ wutu, e na bọawuna mí nado hẹn ayajẹ mítọn go.—1Pi 1:6, 7.

PỌ́N VIDEO LỌ MÌ NỌ JAYA TO TODIDO MẸ, ENẸGODO NA GBLỌNDO KANBIỌ HE BỌDEGO LẸ TỌN:

  • Naegbọn Mose do yin apajlẹ dagbe de na mí?

  • Azọngban tẹwẹ tatọ́ whẹndo tọn lẹ tindo?

  • Hosọ tẹlẹ wẹ mì sọgan gbadopọnna to sinsẹ̀n-bibasi whẹndo tọn whenu?

  • Nawẹ todido sọgan gọalọna we nado pehẹ whlepọn lẹ po jide po gbọn?

  • Etẹlẹ wẹ a to jejeji na?