Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN FÉVRIER 2017

 GBẸZAN KLISTIANI TỌN

Nọ Yí Owe Sinai Do Biblu Ji lẹ Zan Ganji

Nọ Yí Owe Sinai Do Biblu Ji lẹ Zan Ganji

Jesu plọnmẹ dọ: “Vọnu wẹ mì mọyi, vọnu wẹ mì ni namẹ.” (Mt 10:8) Mí nọ hodo anademẹ họnwun enẹ bo ma nọ yí akuẹ to mẹhe yí vọkan Biblu kavi owe sinai do Biblu ji tọn lẹ si. (2Kọ 2:17) Etomọṣo, owe ehelẹ bẹ nugbo họakuẹ lẹ hẹn sọn Ohó Jiwheyẹwhe tọn mẹ. Vivẹnu po akuẹ susu po wẹ e nọ biọ nado zín owe lẹ bo do yé hlan agun lẹ lẹdo aihọn pé. Enẹwutu, dehe mí do hudo etọn lẹ kẹdẹ wẹ mí dona nọ yí.

Nọ yí wuntuntun zan to whenue a to owe lẹ yí na mẹdevo lẹ, etlẹ yin to nọtẹn kunnudide gbangba tọn lẹ. (Mt 7:6) Kakati nado nọ yí owe mítọn lẹ na aligbọntọ lẹpo, nọ tẹnpọn nado dọho hẹ yé nado yọnẹn eyin yé tindo ojlo. Be a sọgan na gblọndo mọwẹ na e whè gbau dopo to kanbiọ he to apotin ehe mẹ lẹ mẹ ya? Eyin a ma penugo nado yọnẹn eyin mẹde tindo ojlo, e na yọ́n hugan nado yí alọnuwe pẹvi de na ẹn. Nugbo wẹ dọ eyin ewọ biọ linlinnamẹwe kavi owe devo, mí na yí na ẹn.—Hwh 3:27, 28.