Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN FÉVRIER 2017

 NUHỌAKUẸ LẸ SỌN OHÓ JIWHEYẸWHE TỌN MẸ | ISAIA 58-62

Nọ “Lá Owhe Ojlo Dagbe Jehovah Tọn”

Nọ “Lá Owhe Ojlo Dagbe Jehovah Tọn”

“Owhe ojlo dagbe Jehovah tọn” ma yin owhe paa de gba

61:1, 2

  • Ojlẹ de wẹ, ehe mẹ Jehovah na dotẹnmẹ homẹmimiọnnọ lẹ nado kẹalọyi owẹ̀n tundote tọn etọn

  • To owhe kanweko tintan whenu, owhe ojlo dagbe tọn lọ bẹjẹeji to whenue Jesu bẹ lizọnyizọn etọn jẹeji to owhe 29 W.M. bo zindonukọn kakajẹ “azán ahọsuyi” Jehovah tọn whenu, to whenue Jelusalẹm yin vivasudo to owhe 70 W.M.

  • To ojlẹ mítọn mẹ, owhe ojlo dagbe tọn lọ bẹjẹeji to whenue Jesu yin zizedo ofìn ji to olọn mẹ to 1914 bo na wá vivọnu to nukunbibia daho lọ whenu

Jehovah nọ yí “atin daho dodowiwa tọn lẹ” do dona omẹ etọn lẹ

61:3, 4

  • Atin he yiji hugan to aihọn lọ mẹ lẹ nọ saba whẹ́n dopọ to zungbo lẹ mẹ bo nọ na huhlọn ode awetọ

  • Adọ̀ yetọn lẹ nọ ján do yede mẹ, ehe nọ zọ́n bọ atin lọ lẹ nọ lodo bo nọ lùn yujẹhọn lẹ tọ́n

  • Atin he yiji lẹ nọ na yẹtẹn atinvu lẹ bọ amà he flẹ lẹ nọ na núdùdù aigba he ji yé te

Hagbẹ agun Klistiani lẹ tọn lẹpo lẹdo aihọn pé nọ mọaleyi sọn godonọnamẹ po hihọ́ “atin daho dodowiwa tọn lẹ” tọn po mẹ, enẹ wẹ pipotọ mẹyiamisisadode lẹ tọn