Paulu po Sila po yí ohàn do pà Jehovah to gànpamẹ. (Ow 16:25) Matin ayihaawe, hànjiji yetọn zọ́n bọ yé mọ huhlọn yí nado doakọnnanu. Bọ míwlẹ lo? Ohàn he mí nọ ji nado basi sinsẹ̀n lẹ gọna ohàn he nọ tọ́n to televiziọn sunmẹsunmẹ tọn mẹ lẹ gán na mí tuli bo gọalọna mí nado yin nugbonọ to whlepọn whenu. Humọ, yé nọ pagigona Jehovah. (Slm 28:7) Yè ko na mí tuli nado nọ plọn e whè gbau delẹ to ohàn lọ lẹ mẹ do tamẹ. Be a ko tẹnpọn nado wàmọ ya? Mí gán nọ plọn ohàn lẹ do tamẹ to sinsẹ̀n-bibasi whẹndo tọn whenu.

PỌ́N VIDEO LỌ OVI LẸ NỌ YÍ OHÀN DO PÀ JEHOVAH, ENẸGODO NA GBLỌNDO NA KANBIỌ HE BỌDEGO LẸ:

  • Nawẹ ohàn Ahọluduta lọ tọn lẹ jiji gán nọ yinuwado mí ji to aliho dagbe mẹ gbọn?

  • Nawẹ Azọ́nwatẹn Hoyidokanji tọn nọ wleawuna ohàn lẹ yiyidokanji gbọn?

  • Nawẹ ovi lẹ po whẹndo yetọn lẹ po nọ wleawuna ohàn lẹ yiyidokanji gbọn?

  • Ohàn Ahọluduta tọn tẹlẹ wẹ a yiwanna hugan, podọ etẹwutu?