Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Décembre 2017

 GBẸZAN KLISTIANI TỌN

Hẹn Lizọnyizọn Towe Pọnte Dogọ—Mẹhe to Aigba-Denamẹ Mítọn Ji Lẹpo Dè Jijẹ

Hẹn Lizọnyizọn Towe Pọnte Dogọ—Mẹhe to Aigba-Denamẹ Mítọn Ji Lẹpo Dè Jijẹ

NUHEWUTU E DO YIN NUJỌNU: Zekalia dọ dọdai dọ gbẹtọ lẹ sọn ogbè akọta lẹ tọn lẹpo mẹ na kẹalọyi wẹndagbe lọ. (Zek 8:23) Amọ́, mẹnu lẹ wẹ na plọnnu yé? (Lo 10:13-15) Mí tindo lẹblanulọkẹyi podọ azọngban lọ nado má wẹndagbe lọ hẹ mẹhe tin to aigba-denamẹ mítọn ji lẹpo.—od 84 huk. 10-11.

LEHE MÍ SỌGAN WÀMỌ DO:

  • Nọ wleawu. Eyin a nọ saba dukosọ hẹ mẹhe nọ do ogbè devo lẹ, a sọgan yí JW Language zan nado plọn nuzedonukọnnamẹ kleun de. Kavi a sọgan yí alokan apòmẹ tọn towe kavi nuyizan mọnkọtọn de zan nado dohia yé lehe yé sọgan mọ nudọnamẹ lẹ to ogbè yetọn mẹ to jw.org ji do

  • Yin ayidonugotọ. Eyin a to azọ́nwa sọn whédegbè-jẹ-whédegbè, ma nọ yí nukunpẹvi do pọ́n dotẹnmẹ hundote lọ nado dekunnuna aligbọntọ lẹ po mẹhe to ote to húnglintẹn lẹ po blo. Eyin a to mahẹ tindo to kunnudide gbangba tọn mẹ, nọ ze ayiha do yanwle towe ji, enẹ wẹ nado dekunnu

  • Yin vivẹnudotọ. Nọ tẹnpọn nado lẹkọyi mẹhe a ma mọ to whégbè lẹ dè. Nọ dovivẹnu nado mọ mẹhe to owhé dopodopo gbè, vlavo to ojlẹ devo mẹ to azán lọ ji kavi to azán devo ji. E sọgan biọ dọ yè ni jẹ whétọ delẹ dè gbọn wekanhlanmẹ, alokan, kavi kunnudide tòhomẹ-liho ji tọn gblamẹ

  • Nọ doafọna ojlo. Nọ yawu lẹkọyi mẹhe do ojlo hia de dè. Eyin mẹlọ nọ do ogbè devo, tẹnpọn bo mọ mẹde he sọgan gọalọna ẹn to ogbè etọn mẹ. A dona zindonukọn nado to mẹlọ dlapọn kakajẹ whenue wẹnlatọ he sè ogbè etọn de yin mimọ.—od 94 huk. 39-40

PỌ́N VIDEO LỌ YẸWHEHODIDỌ TO “AWÀ HE DẸN HUGAN AIGBA TỌN LẸ JI,” ENẸGODO GBADOPỌNNA KANBIỌ HE BỌDEGO LẸ:

  • Nawẹ mẹmẹsunnu lẹ po mẹmẹyọnnu lẹ po wleawu gbọn nado jẹ mẹhe to aigba-denamẹ he to olá ji lẹ dè? (1 Kọ 9:22, 23)

  • Avùnnukundiọsọmẹnu tẹlẹ ji wẹ yé dù te?

  • Dona tẹlẹ wẹ yé duvivi etọn?

  • Etẹlẹ wẹ a sọgan wà nado jẹ mẹsusu dè to aigba-denamẹ mìtọn ji?