Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Décembre 2016

 GBẸZAN KLISTIANI TỌN

Nuplọnmẹ Jiwheyẹwhe Tọn Nọ Gbawhàn Nuvẹun Tọn

Nuplọnmẹ Jiwheyẹwhe Tọn Nọ Gbawhàn Nuvẹun Tọn

Jehovah ma nọ homẹnukuntapọn. (Ow 10:34, 35) E nọ kẹalọyi mẹdepope he wá “sọn akọta lẹpo mẹ, sọn hẹnnu lẹpo mẹ, sọn gbẹtọ lẹpo mẹ podọ sọn ogbè lẹpo mẹ.” (Osọ 7:9) Enẹwutu, mí ma dona nọ tindo nuvẹun kavi homẹnukuntapọn to agun Klistiani tọn mẹ. (Jak 2:1-4) Gbọn nuplọnmẹ Jiwheyẹwhe tọn gblamẹ, mí nọ duvivi paladisi gbigbọmẹ tọn de tọn, fie mí ko mọ bọ gbẹtọ lẹ diọ gbẹzan yetọn te. (Isa 11:6-9) Mí nọ hodo apajlẹ Jiwheyẹwhe tọn, eyin mí dovivẹnu bo họ̀nadọna nuvẹun depope he mí sọgan tindo.—Efe 5:1, 2.

PỌ́N VIDEO LỌ JOHNY PO GIDEON PO: MÍ YIN KẸNTỌ DAI, AMỌ́ MẸMẸSUNNU LẸ TODIN. ENẸGODO NA GBLỌNDO KANBIỌ HE BỌDEGO LẸ TỌN:

  • Naegbọn nuplọnmẹ Jiwheyẹwhe tọn do yiaga hú vivẹnudido gbẹtọ lẹ tọn nado de kinklan po nuvẹun po sẹ̀?

  • Etẹwẹ nọ jiawu na we to pipli mẹmẹsunnu lẹdo aihọn pé tọn mítọn mẹ?

  • Nawẹ Jehovah nọ yin gigopana gbọn to whenue mí hẹn pọninọ Klistiani tọn go?