Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN DÉCEMBRE 2016

 NUHỌAKUẸ LẸ SỌN OHÓ JIWHEYẸWHE TỌN MẸ | ISAIA 1-5

“Mí Ni Hẹji Yì Osó Jehovah Tọn Ji”

“Mí Ni Hẹji Yì Osó Jehovah Tọn Ji”

2:2, 3

“To azán godo tọn lẹ mẹ”

Ojlẹ he mẹ mí to gbẹnọ te todin

“Osó ohọ̀ Jehovah tọn”

Sinsẹ̀n-bibasi wiwe ṣeke he yiaga Jehovah tọn

“Akọta lẹpo na nọ wọ̀ wá e ji”

Mẹhe kẹalọyi sinsẹ̀n-bibasi wiwe ṣeke lẹ nọ pli dopọ to kọndopọ mẹ

“Mì wá na mí ni hẹji yì osó Jehovah tọn ji”

Sinsẹ̀n-basitọ nugbo lẹ nọ ylọ mẹdevo lẹ nado wá kọnawudopọ hẹ yé

“Ewọ na plọn aliho etọn lẹ mí, bọ mí na nọ zinzọnlin gbọn ali etọn lẹ ji”

Gbọn Ohó Jehovah tọn gblamẹ, ewọ nọ plọn mí bosọ nọ gọalọna mí nado zinzọnlin gbọn ali etọn lẹ ji

2:4

“Yé ma nasọ plọn awhànfunfun ba”

Isaia basi zẹẹmẹ lehe awhànfunnu lẹ na yin didiọ zun azọ́nwanu glepipọ tọn lẹ do tọn, bo dohia dọ omẹ Jehovah tọn lẹ na nọ doafọna jijọho. Etẹlẹ wẹ azọ́nwanu ehelẹ nọtena to azán Isaia tọn gbè?

‘Ohí do tùn glepọnu’

1 Glepọnu yin azọ́nwanu glepipọ tọn de he nọ yin yiyizan nado jlo aigba. Delẹ nọ yin bibasi po ogàn po.—1Sa 13:20

‘Owhán do tùn agbogọdọẹ’

2 Agbogọdọẹ sọgan to alọdlẹndo ohí hihá onù awenọ de he nọ tindo akún. Azọ́nwanu ehe nọ yin yiyizan nado sán alà vẹntin tọn lẹ. —Isa 18:5