Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Avril 2017

 GBẸZAN KLISTIANI TỌN

Nọ Yí Zohunhun Do Dokuavọna Yé

Nọ Yí Zohunhun Do Dokuavọna Yé

Mẹnu lẹ wẹ mí na yí zohunhun do dokuavọna? Mẹdepope he wá opli mítọn lẹ, enẹ wẹ mẹyọyọ lẹ po họntọn hoho lẹ po. (Lo 15:7; Heb 13:2) E sọgan yin yisenọ hatọ de he wá sọn otò devo mẹ kavi mẹhe ko gbọjọ bo wá opli whla tintan to owhe lọ mẹ de. Yí nukun homẹ tọn do pọ́n nuhe na ko yin numọtolanmẹ towe to ninọmẹ enẹlẹ mẹ. Be homẹ towe ma na hùn eyin yè dọnudo we po zohunhun po ya? (Mt 7:12) Enẹwutu, naegbọn mí ma na dovivẹnu nado dọnudo mẹdevo lẹ to plitẹnhọ mẹ jẹnukọnna opli lẹ podọ to vivọnu yetọn? Ehe nọ yidogọna zohunhun po owanyi po bo nọ hẹn gbégbò wá na Jehovah. (Mt 5:16) Na nugbo tọn, e sọgan nọma yọnbasi nado dọnudo mẹhe wá opli lẹpo. Etomọṣo, mẹlẹpo na voawu eyin mímẹpo yí adà mítọn wà. *

E ma yin nuwiwa vonọtaun lẹ, taidi Oflin kẹdẹ whenu wẹ johẹmẹ nọ yin didohia te gba, ṣigba to whelẹponu. Whenue mẹyọyọ lẹ mọ owanyi he tin to Klistiani lẹ ṣẹnṣẹn, e sọgan whàn yé nado pagigona Jiwheyẹwhe bo wá kọnawudopọ hẹ mí to sinsẹ̀n-bibasi wiwe kọ̀n.—Joh 13:35.

^ huk. 3 Nunọwhinnusẹ́n Biblu tọn lẹ ze dogbó de dai na nuyiwa mítọn hẹ mẹdesẹ sọn agun mẹ he wá opli lẹ.—1Kọ 5:11; 2Jo 10.