Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Avril 2017

 GBẸZAN KLISTIANI TỌN

Ohàn Ahọluduta Tọn lẹ Nọ Namẹ Adọgbigbo

Ohàn Ahọluduta Tọn lẹ Nọ Namẹ Adọgbigbo

Paulu po Sila po yí ohàn do pà Jiwheyẹwhe to gànpamẹ. (Ow 16:25) To ojlẹ mítọn mẹ, yisenọ hatọ lẹ jihàn Ahọluduta tọn lẹ to opá yasanamẹ Allemagne Nazi tọn mẹ, to Sachsenhausen, podọ to whenue yé to kanlinmọgbenu to Sibérie. Apajlẹ ehelẹ do lehe ohàn lẹ tindo huhlọn nado na adọgbigbo Klistiani he to pipehẹ whlepọn lẹ do hia.

To madẹnmẹ, ogbè susu devo lẹ na tindo ohanwe yọyọ lọ “Yí Ayajẹ Do Jihàn” Hlan Jehovah. Eyin mí mọ ohanwe lọ yí, mí sọgan tẹnpọn nado plọn hogbe lọ lẹ do tamẹ gbọn ohàn lọ lẹ jiji to sinsẹ̀n-bibasi whẹndo tọn whenu dali. (Efe 5:19) Gbọnmọ dali, gbigbọ wiwe na gọalọna mí nado nọ flin yé to whenue whlepọn lẹ wá. Ohàn Ahọluduta tọn lẹ sọgan gọalọna mí nado ze ayiha do todido mítọn ji. Yé sọgan na mí huhlọn to whlepọn glọ. Podọ to whenue mí to ayajẹ mẹ, hogbe tulinamẹ tọn lọ lẹ na whàn mí nado “yí ayajẹ do jihàn,” na ninọmẹ dagbe ahun mẹ tọn mítọn wutu. (1Ot 15:16; Slm 33:1-3) Mì gbọ mí ni nọ yí ohàn Ahọluduta tọn mítọn lẹ zan ganji!

PỌ́N VIDEO LỌ OHÀN DE NADO NA TULI MẸHE TO AZỌ́N SINSINYẸN WÀ LẸ, PODỌ ENẸGODO, NA GBLỌNDO KANBIỌ HE BỌDEGO LẸ TỌN:

  • Ninọmẹ tẹlẹ wẹ hẹn Mẹmẹsunnu Frost nado pà ohàn de?

  • Nawẹ ohàn na huhlọn mẹmẹsunnu lẹ to opá yasanamẹ tọn Sachsenhausen tọn mẹ gbọn?

  • Ninọmẹ egbesọ tọn tẹlẹ mẹ wẹ ohàn Ahọluduta tọn lẹ sọgan hẹn we lodo te?

  • Ohàn Ahọluduta tọn tẹlẹ wẹ a na plọn do tamẹ?