Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Avril 2016

 GBẸZAN KLISTIANI TỌN

Aliho Yọyọ de Nado Bẹ Hodọdopọ Jẹeji

Aliho Yọyọ de Nado Bẹ Hodọdopọ Jẹeji

Sọn Janvier 2016, hosọ lọ “Etẹwẹ Biblu Plọn Mí?” jẹ awusọhia ji to wepa godo tọn zinjẹgbonu mẹlẹpo tọn Atọ̀họ̀-Nuhihọ́ lọ Tọn ji. Hosọ yọyọ ehe yin awuwlena nado gọalọna mí na mí nido sọgan bẹ hodọdopọ jẹeji sinai do hosọ Biblu tọn lẹ ji. E yin awuwlena dile alọnuwe pẹvi lẹ nọ yin awuwlena do. E bẹ kanbiọ mẹhẹnlẹnnupọn tọn de po gblọndo sinai do Owe-wiwe lẹ ji de po hẹn gọna nujidọhodo devo lẹ.

Hodọdopọ dagbe sinai do Owe-wiwe lẹ ji nọ saba dekọtọn do plọnmẹ Biblu lẹ mẹ. Yí hosọ yọyọ ehe zan nado gọalọna mẹsusu dogọ nado hẹn pekọ wá na huvẹ gbigbọmẹ tọn yetọn.Mt 5:6.

LEHE HOSỌ EHE SỌGAN YIN YIYIZAN DO:

  1. Kàn pọndohlan whétọ lọ tọn sè gando dopo to kanbiọ lọ lẹ mẹ go

  2. Dotoai bo pà ẹ na gblọndo etọn

  3. Hia wefọ he to hosọ lọ “Nuhe Biblu Dọ” glọ, bo kàn nuhe e lẹn gando wefọ lọ go sè e. Eyin whétọ lọ do whenu, yí hosọ lọ “Nudevo Tẹwẹ Mí Sọgan Plọn sọn Biblu Mẹ?” zan nado zindonukọn to hodọdopọ lọ mẹ.

  4. Ze linlinnamẹwe lọ donukọnnamẹ

  5. Basi tito nado lẹkọyi bo dọhodo kanbiọ he bọdego ji