Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

GBẸZAN PO LIZỌNYIZỌN MÍTỌN PO—NUPLỌNWE OPLI TỌN AOÛT 2016

 GBẸZAN KLISTIANI TỌN

Hẹn Lizọnyizọn Towe Pọnte Dogọ—Alọgigọna Nuplọntọ lẹ Nado Klan Yede Do Wiwe bo Yí Baptẹm

Hẹn Lizọnyizọn Towe Pọnte Dogọ—Alọgigọna Nuplọntọ lẹ Nado Klan Yede Do Wiwe bo Yí Baptẹm

NUHEWUTU E DO YIN NUJỌNU: Nado mọ nukundagbe Jehovah tọn, nuplọntọ lẹ dona klan yede do wiwe bo yí baptẹm whẹ́. (1Pi 3:21) Enẹgodo, mẹhe nọgbẹ̀ sọgbe hẹ klandowiwe yetọn lẹ nọ yin hihọ́-basina to gbigbọ-liho. (Slm 91:1, 2) Jehovah wẹ Klistiani de nọ klan ede do wiwe na—e ma yin na gbẹtọ, azọ́n, kavi titobasinanu de. Enẹwutu, nuplọntọ lẹ dona wleawuna owanyi po pinpẹn-nutọn-yinyọnẹn po na Jiwheyẹwhe.—Lo 14:7, 8.

LEHE A SỌGAN WÀMỌ DO:

  • To oplọn lọ whenu, nọ dọhodo nuhe nudọnamẹ lọ lẹ dohia gando Jehovah go ji. Nọ zinnudo Biblu hihia po dẹ̀hiho hlan Jehovah “to whepoponu” po ji.—1Tẹ 5:17; Jak 4:8

  • Nọ na tuli nuplọntọ towe nado yí klandowiwe po baptẹm po do basi yanwle. Sọ gọalọna ẹn nado jẹ yanwle kleunkleun devo lẹ kọ̀n ga, taidi gblọndo nina to opli lẹ ji kavi kunnudidena kọmẹnu po azọ́nwatọgbẹ́ lẹ po. Flindọ Jehovah ma nọ hẹn mẹde gánnugánnu nado sẹ̀n ẹn. Nudide mẹdetiti tọn wẹ klandowiwe yin.—De 30:19, 20

  • Whàn nuplọntọ towe nado basi diọdo he jẹ lẹ nado hẹn homẹ Jehovah tọn hùn bo pegan na baptẹm. (Hwh 27:11) Na jijọ po aṣa ylankan delẹ po nọ vẹawu nado jodo wutu, e sọgan biọ dọ yè ni to alọgọna Biblu plọntọ de zọnmii na e nido sọgan klọ́n gbẹtọ-yinyin hoho lọ dai bo ze yọyọ lọ do. (Efe 4:22-24) Nọ dọhodopọ hẹ ẹ do hosọ lọ “Biblu Nọ Diọ Gbẹzan Mẹtọn” he nọ tọ́n to Atọ̀họ̀-Nuhihọ́ lọ Tọn mẹ lẹ ji

  • Nọ dọ ayajẹ he a ko tindo to Jehovah sinsẹ̀n mẹ lẹ na ẹn.Isa 48:17, 18