Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Zekalia 9:1-17

NUHE E BẸHẸN LẸ

  • Whẹdida Jiwheyẹwhe tọn do akọta lẹ ji (1-8)

  • Wiwá ahọlu Ziọni tọn (9, 10)

    • Ahọlu whiwhẹnọ de hẹ kẹtẹkẹtẹ ji (9)

  • Omẹ Jehovah tọn lẹ na yin tuntundote (11-17)

9  Nulila de: “Ohó Jehovah tọn tin sọta aigba Hadlaki tọn,Podọ Damasku ji wẹ e ja*+—Na nukun Jehovah tọn to gbẹtọvi lẹ ji+Podọ to hẹnnu Islaeli tọn lẹpo ji—   Podọ sọta Hamati,+ he to dogbó etọn ji,Gọna Tile+ po Sidoni+ po, na yé yọnnuin taun.+   Tile wleawuna adó gángán* de na ede. Ewọ bẹ fataka pli taidi kọ́guduPodọ sika taidi afínfín tòhomẹ-liho ji tọn.+   Pọ́n! Jehovah na bẹ nutindo etọn lẹ yì,Bo na hù awhànpa etọn dlan hùmẹ;*+Miyọ́n nasọ fiọ ẹ.+   Aṣikelọni na mọ bo nasọ dibu;Gaza na biọ awufiẹsa sinsinyẹn mẹ,Eklọni ga, na todido etọn ko yin winyando. Ahọlu de na dọ̀n to Gaza,Bọ mẹde ma na nọ nọ̀ Aṣikelọni ba.+   Visunnu ayọvi de wẹ na sawhé do Aṣidọdi,Yẹn nasọ doalọtena goyiyi Filisti tọn.+   Yẹn na de nuhe gọ́ na ohùn lẹ sẹ̀ sọn onù etọn mẹPodọ awuhiọnu lẹ sọn adú etọn lẹ ji,Bọ ewọ na yin jijodo taidi pipotọ de na Jiwheyẹwhe mítọn;E nasọ wá taidi ṣeiki* de to Juda,+Podọ Eklọni na taidi Jẹbusinu lọ.+   Yẹn na whèsla do ohọ̀ ṣie kọ̀n taidi hihọ́tọ* de,+Bọ mẹde ma na biọ e mẹ kavi tọ́n sọn e mẹ;Azọ́ngán* de ma nasọ jugbọn e mẹ ba,+Na yẹn ko mọ ẹn* po nukun ṣie lẹ po todin.   Jaya tlala, hiẹ viyọnnu Ziọni tọn E. Dawhá awhàngbigba tọn, hiẹ viyọnnu Jelusalẹm tọn E. Pọ́n! Ahọlu towe ja dè we.+ Ewọ yin dodonọ bo hẹn whlẹngán* ja,E yin whiwhẹnọ+ bo hẹ kẹtẹkẹtẹ de ji,Kẹtẹkẹtẹvu* de, ovi kẹtẹkẹtẹ asiwhe de tọn.+ 10  Yẹn na sukúndona osọ́-kẹkẹ awhàn tọn sọn EflaimiPodọ osọ́ sọn Jelusalẹm. Ogá awhànfunfun tọn na yin kúnsúdona. Ewọ nasọ lá jijọho na akọta lẹ;+Gandudu etọn na yin sọn ohù de kọ̀n jẹ devo kọ̀nPodọ sọn Tọ̀sisa* lọ kọ̀n jẹ opodo aigba tọn lẹ.+ 11  Hiẹ yọnnu E, gbọn ohùn alẹnu towe tọn dali,Yẹn na de gàntọ towe lẹ tọ́n sọn odò he mẹ osin ma te lọ mẹ.+ 12  Mì lẹkọyi figángán lọ mẹ, mì gàntọ he tindo todido lẹ emi.+ Yẹn dọna we to egbé dọ,‘Hiẹ yọnnu E, yẹn na suahọ we do awe ji.+ 13  Na yẹn na dlẹn Juda* taidi ogá ṣie. Yẹn na yí Eflaimi do hẹn ogá lọ gọ́,*Bo na fọ́n visunnu towe lẹ, hiẹ Ziọni E,Do visunnu towe lẹ ji, hiẹ Glẹki E,Yẹn nasọ hẹn we nado taidi ohí awhànfuntọ de tọn.’ 14  E na họnwun dọ Jehovah tin hẹ yé,Bọ ogá etọn na tọ́nyi taidi abì. Oklunọ Nupojipetọ Jehovah na kún azò,+Bo na wá po yujẹhọn hùwaji tọn lẹ po. 15  Jehovah awhànpa lẹ tọn na yiavùnlọna yé,Bọ yé na vúnvún zannu akòtopẹ́ tọn lẹ bo duto yé ji.+ Yé na nù bo na to zingidi ji taidi mẹhe nù ovẹn nkọ;Yé nasọ gọ́ taidi agbán,Yèdọ taidi agosu mẹ agbà lọ tọn lẹ.+ 16  Jehovah Jiwheyẹwhe yetọn na whlẹn yé to azán enẹ gbèTaidi lẹngbọpa omẹ etọn lẹ tọn;+Na yé na taidi zannu akuẹgegenu tọn he to jẹgbakun de go lẹ he to sisẹ́ to aigba etọn ji.+ 17  Na lehe dagbewà etọn sù sọ,+Podọ lehe whanpẹ etọn sù sọ! Jinukun na hẹn jọja sunnu lẹ whẹ́n ganji,Bọ ovẹn yọyọ na hẹn awhli lẹ whẹ́n ganji.”+

Nudọnamẹ Odò Tọn

To paa mẹ, “wẹ gbọjẹtẹn etọn.”
Kavi “figángán.”
Kavi vlavo, “to ohù ji.”
Ṣeiki yin nukọntọ hẹnnu tọn.
Kavi “awhànfun-gbẹ́.”
Kavi “Kọgbidinamẹtọ.”
E họnwun dọ, yajiji omẹ etọn lẹ tọn wẹ.
Kavi “bo yin awhàngbatọ; bo whlẹnmẹ.”
Kavi “Kẹtẹkẹtẹ asu.”
Enẹ wẹ, Euflate.
To paa mẹ, “na tùnafọ Juda ji.”
Enẹ wẹ, taidi ogába.