Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Zekalia 5:1-11

NUHE E BẸHẸN LẸ

  • Numimọ 6: Owe-hihá he to zinzlọn (1-4)

  • Numimọ 7: Nujlẹnu efa tọn (5-11)

    • Yè sisẹ́ yọnnu he nọ yin Kanyinylan (8)

    • Nujlẹnu lọ yin zize yì Ṣinali (9-11)

5  N’sọ pọ́n aga whladopo dogọ bo mọ owe-hihá he to zinzlọn de.  Ewọ kanse mi dọmọ: “Etẹ mọ a te?” Yẹn gblọn dọmọ: “N’mọ owe-hihá he to zinzlọn de he dite na awagbà* 20 bo gblo na awagbà 10.”  Whenẹnu wẹ e dọna mi dọmọ: “Ehe wẹ dẹ̀hodo he to tintọ́n yì nukunmẹ aigba tọn pete ji, na mẹdepope he jẹajo ma nọ yin yasana+ dile e yin kinkan do adà etọn dopo ji do; mẹdepope he sọ whlé whiwhle+ de ma nọ yin yasana dile e yin kinkan do adà etọn awetọ ji do.  ‘N’ko do e hlan jẹgbonu,’ wẹ Jehovah awhànpa lẹ tọn dọ, ‘e nasọ biọ ohọ̀ ajotọ lọ tọn mẹ podọ ohọ̀ mẹhe whlé whiwhle lalo tọn to oyín ṣie mẹ lọ tọn mẹ; e nasọ nọ ohọ̀ enẹ mẹ bo na fiọ ẹ, gọna owhlẹ etọn lẹ po zannu etọn lẹ po.’”  Whenẹnu wẹ angẹli he to hodọ hẹ mi lọ sẹwá nukọn bo dọna mi dọmọ: “Jaale, pọ́n aga bo pọ́n nuhe to tintọ́n yì.”  N’sọ kanse dọmọ: “Etẹwẹ?” E gblọn dọmọ: “Nujlẹnu efa tọn* he to tintọ́n yì lọ wẹ.” E zindonukọn dọmọ: “Awusọhia omẹ ehelẹ tọn niyẹn to aigba pete ji.”  N’sọ mọ bọ nùsu loboto sunmí tọn lọ yin hùnhùn sọn e nù bọ yọnnu de sinai to nujlẹnu lọ mẹ.  Whenẹnu wẹ e dọmọ: “Kanyinylan die.” Enẹgodo, e vọ́ yọnnu lọ sisẹ́ dlan do nujlẹnu efa tọn lọ mẹ bo dlan nùsu pinpẹn sunmí tọn lọ do e nù.  Yẹn sọ pọ́n aga bo mọ yọnnu awe ja bọ yé to zinzlọn to jẹhọn mẹ. Awà yetọn taidi adọwé tọn lẹ. Yé sọ ze nujlẹnu lọ yiaga bọ e to olọn po aigba po ṣẹnṣẹn. 10  Enẹwutu, n’kanse angẹli he to hodọ hẹ mi lọ dọmọ: “Fie wẹ yé ze nujlẹnu efa tọn lọ jei?” 11  E gblọn dọmọ: “Aigba Ṣinali* tọn+ ji wẹ yé ze e jei nado yì gbá ohọ̀ de na ẹn; podọ to whenue e na ko yin awuwlena, e na yin zizedo finẹ to otẹn he jẹna ẹn lọ mẹ.”

Nudọnamẹ Odò Tọn

Awagbà dopo sọzẹn hẹ cm 44,5. Pọ́n Nud. B14.
To paa mẹ, “Nujlẹnu efa tọn,” tofi to alọdlẹndo nujlẹnu kavi ohà de he nọ yin yiyizan taidi ojlẹnu efa tọn. Efa dopo sọzẹn hẹ L 22. Pọ́n Nud. B14.
Enẹ wẹ, Babilọnia.