Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Zekalia 3:1-10

NUHE E BẸHẸN LẸ

  • Numimọ 4: Awù yẹwhenọ daho tọn yin didiọ (1-10)

    • Satani diọnukunsọ Yẹwhenọ Daho Jọṣua (1)

    • ‘Yẹn na hẹn devizọnwatọ ṣie Alà wá!’ (8)

3  E sọ do Jọṣua+ yẹwhenọ daho lọ hia mi bọ e ṣite to angẹli Jehovah tọn nukọn bọ Satani+ ṣite to adusilọ etọn mẹ nado diọnukunsọ ẹ.  Whenẹnu wẹ angẹli Jehovah tọn dọna Satani dọmọ: “Na Jehovah ni wọhẹ we, hiẹ Satani E,+ mọwẹ, na Jehovah, yèdọ mẹhe ko de Jelusalẹm,+ ni wọhẹ we! Be dawe ehe ma yin nake he to jiji bo yin dindọn sọn miyọ́n mẹ ya?”  Todin Jọṣua do awù he kudiho lẹ bo ṣite to nukọnna angẹli lọ.  Angẹli lọ dọna mẹhe ṣite to nukọnna ẹn lẹ dọ, “Mì de awù etọn he kudiho lẹ na ẹn.” Enẹgodo, e dọna ẹn dọ, “Pọ́n, n’ko de nuṣiwa* towe sẹ̀ sọn ji we, awù dagbedagbe* lẹ nasọ yin didona we.”+  Enẹwutu, yẹn dọmọ: “Mì ze tabla he wé de do ota na ẹn.”+ Yé sọ ze tabla he wé de do ota na ẹn bo do awù lẹ na ẹn; angẹli Jehovah tọn sọ ṣite to apá na ẹn.  Whenẹnu wẹ angẹli Jehovah tọn dọna Jọṣua dọmọ:  “Nuhe Jehovah awhànpa lẹ tọn dọ die, ‘Eyin hiẹ zinzọnlin to aliho ṣie lẹ mẹ bo nọ penukundo azọngban towe lẹ go to nukọn ṣie, whenẹnu hiẹ na nọ wadevizọn taidi whẹdatọ to ohọ̀ ṣie+ mẹ bo na nọ penukundo* awánu ṣie lẹ go; yẹn nasọ dike hiẹ ni nọ dọnsẹpọ mẹhe ṣite tofi ehelẹ po awubibọ po.’  “‘Jaale bo sè, hiẹ Yẹwhenọ Daho Jọṣua E, hiẹ po hatọ towe he sinai to nukọn towe lẹ po, na ohia de wẹ omẹ ehelẹ yin; pọ́n! yẹn na hẹn devizọnwatọ+ ṣie he nọ yin Alà+ wá!  Pọ́n zannu he n’ko doai to Jọṣua nukọn! Nukun ṣinawe wẹ tin to zannu dopo ehe lọ ji; yẹn sọ to nudọnamẹ de kàn do e ji,’ wẹ Jehovah awhànpa lẹ tọn dọ, ‘yẹn nasọ de whẹhuhu aigba enẹ tọn sẹ̀ to azán dopo ji.’+ 10  “‘To azán enẹ gbè,’ wẹ Jehovah awhànpa lẹ tọn dọ, ‘Dopodopo mìtọn na nọ ylọ kọmẹnu etọn nado wá vẹntin etọn glọ podọ ovòtin etọn glọ.’”+

Nudọnamẹ Odò Tọn

Kavi “whẹhuhu.”
Kavi “tewu whanpẹnọ.”
Kavi “basi hihọ́na.”