Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Zekalia 2:1-13

NUHE E BẸHẸN LẸ

  • Numimọ 3: Dawe de hẹn nujlẹkàn (1-13)

    • Yè na jlẹ Jelusalẹm (2)

    • Jehovah, “adó miyọ́n tọn de” (5)

    • Alọdido nukunzìn Jiwheyẹwhe tọn go (8)

    • Akọta susu na kọnawudopọ hẹ Jehovah (11)

2  Yẹn sọ pọ́n aga bo mọ dawe de he hẹn nujlẹkàn de+ do alọmẹ.  Enẹwutu, n’kanse dọmọ: “Fie wẹ a jei?” E gblọn dọmọ: “N’jlo na yì jlẹ Jelusalẹm nado yọ́n gbigblo etọn po tedidi etọn po.”+  Podọ pọ́n! angẹli he to hodọ hẹ mi lọ tọ́nyi bọ angẹli devo wá pé e.  E sọ dọna ẹn dọmọ: “Họ̀nwezun yì dọ́n bo dọna jọja sunnu enẹ dọ, ‘“Gbẹtọ lẹ na nọ Jelusalẹm+ mẹ taidi to otò he to nùvo* de mẹ, na gbẹtọ po kanlin-yìnyìn he tin to e mẹ lẹpo po wutu.+  Podọ yẹn na lẹzun adó miyọ́n tọn de lẹdo e pé,”+ wẹ Jehovah dọ, “yẹn nasọ lẹzun gigo to ṣẹnṣẹn etọn.”’”+  “Mì wá! Mì wá! Mì họ̀n sọn aigba agewaji tọn lọ ji,”+ wẹ Jehovah dọ. “Na yẹn ko vúnvún mì pé hlan jẹhọn ẹnẹ olọn tọn lẹ,”+ wẹ Jehovah dọ.  “Ziọni E, wá! Họ̀n, hiẹ mẹhe nọ nọhẹ viyọnnu Babilọni tọn.+  Na nuhe Jehovah awhànpa lẹ tọn he do mi hlan akọta he to nutindo mìtọn bẹ di ogblànnu lẹ dè dọ to whenue ewọ ko yin gigopana godo* die:+ ‘Mẹdepope he doalọ mì go, doalọ nukunzìn ṣie go.+  Na todin, yẹn na mimí alọ ṣie sọta yé bọ yé na lẹzun ogblànnu na afanumẹ yetọn lẹ.’+ E nasọ họnwun na mì dọ Jehovah awhànpa lẹ tọn wẹ do mi hlan. 10  “Yí ayajẹ do dawhá, hiẹ viyọnnu Ziọni tọn E;+ na yẹn na wá+ bo na nọ ṣẹnṣẹn towe,”+ wẹ Jehovah dọ. 11  “Mẹsusu wẹ na kọnawudopọ hẹ Jehovah to azán enẹ gbè+ bo na lẹzun omẹ ṣie lẹ; yẹn nasọ nọ nọ̀ ṣẹnṣẹn towe.” Hiẹ nasọ yọnẹn dọ Jehovah awhànpa lẹ tọn wẹ do mi hlan we. 12  Jehovah na yí Juda taidi mimá etọn to aigba wiwe lọ ji, ewọ nasọ de Jelusalẹm whladopo dogọ.+ 13  Mì nabọẹ to Jehovah nukọn, mì agbasalan* lẹpo emi, na ewọ to nuyiwa sọn fininọ wiwe etọn mẹ.

Nudọnamẹ Odò Tọn

Enẹ wẹ, he ma tindo adó lẹdo pé.
To paa mẹ, “to gigo godo.”
Kavi “gbẹtọvi.”