Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Zekalia 12:1-14

NUHE E BẸHẸN LẸ

  • Jehovah yiavùnlọna Juda po Jelusalẹm po (1-9)

    • Jelusalẹm, “zannu pinpẹn de” (3)

  • Avihàn na mẹhe yè sọnú lọ (10-14)

12  Nulila de: “Ohó Jehovah tọn gando Islaeli go,” wẹ Jehovah dọ, Ewọ he dlẹn olọn,+ Bo do dodonu aigba tọn ai,+ Bosọ wleawuna gbigbọ* he to gbẹtọ homẹ.  “Yẹn na hẹn Jelusalẹm zun kọfo* he nọ hẹn akọta he lẹdo e pé lẹpo nado to sàmù; osla de nasọ yin dido lẹdo Juda podọ lẹdo Jelusalẹm pé.+  To azán enẹ gbè, yẹn na hẹn Jelusalẹm zun zannu pinpẹn* de na akọta lẹpo. E họnwun dọ mẹhe na ze e lẹpo wẹ na gbleawu sinsinyẹn;+ podọ akọta aigba ji tọn lẹpo wẹ na yin bibẹpli dopọ sọta ẹ.+  To azán enẹ gbè,” wẹ Jehovah dọ, “yẹn na dobuna osọ́ lẹpo bo na do tadu kùnkùntọ yetọn lẹ. Nukun ṣie na gbọṣi owhé Juda tọn ji, ṣigba yẹn na và nukun na osọ́ mẹlọ lẹ tọn lẹpo.  Ṣeiki* Juda tọn lẹ nasọ dọ to ahun yetọn mẹ dọ, ‘Huhlọn de wẹ mẹhe nọ nọ̀ Jelusalẹm lẹ yin na mí gbọn Jehovah awhànpa lẹ tọn, yèdọ Jiwheyẹwhe yetọn gblamẹ.’+  To azán enẹ gbè, yẹn na hẹn ṣeiki Juda tọn lẹ nado taidi miyọ́n to atin lẹ ṣẹnṣẹn podọ di zòwhán he to jiji to jinukun he yin sinsánliai do gọnu-gọnu lẹ ṣẹnṣẹn,+ yé nasọ fiọ mẹhe lẹdo yé to adusi po amiyọn po lẹpo;+ podọ whladopo dogọ, gbẹtọ lẹ na nọ nọ̀ Jelusalẹm to otẹn yetọn mẹ,* to Jelusalẹm.+  “Gòhọ Juda tọn lẹ wẹ Jehovah nasọ whlẹn jẹnukọn, bọ whanpẹ* owhé Davidi tọn po whanpẹ* mẹhe nọ nọ̀ Jelusalẹm lẹ tọn po ma na sù gbau na Juda.  To azán enẹ gbè, Jehovah na yin hihọ́ de lẹdo mẹhe nọ nọ̀ Jelusalẹm lẹ;+ to azán enẹ gbè, mẹhe to ahlida* to yé mẹ na taidi Davidi, podọ owhé Davidi tọn na taidi Jiwheyẹwhe, yèdọ taidi angẹli Jehovah tọn he to yìyì to nukọnna yé.+  Podọ to azán enẹ gbè, yẹn na hẹn diun dọ n’và akọta he wá Jelusalẹm ji lẹpo sudo.+ 10  “Yẹn na kọ̀n gbigbọ nukundagbe po vẹvivẹ po tọn do owhé Davidi tọn ji podọ do mẹhe nọ nọ̀ Jelusalẹm lẹ ji, yé nasọ pọ́n mẹlọ he yé sọnú+ bo na doavihàn na etọn wutu taidi mẹhe to avihàndo na visunnu dopo akàn etọn; podọ yé na blawu taun na etọn wutu taidi mẹhe to awubla na visunnu plọnji de. 11  To azán enẹ gbè, avihàn na gbayipe to Jelusalẹm, taidi avihàn to Hadadlimọni to Dankló Mẹgido tọn ji.+ 12  Aigba lọ nasọ doavihàn, yèdọ whẹndo dopodopo do voovo; whẹndo owhé Davidi tọn dovo podọ yọnnu yetọn lẹ dovo; whẹndo owhé Natani+ tọn dovo podọ yọnnu yetọn lẹ dovo; 13  whẹndo owhé Levi+ tọn dovo podọ yọnnu yetọn lẹ dovo; whẹndo Ṣimeinu+ lẹ tọn dovo podọ yọnnu yetọn lẹ dovo; 14  gọna whẹndo he pò lẹpo, yèdọ whẹndo dopodopo dovo podọ yọnnu yetọn lẹ dovo.

Nudọnamẹ Odò Tọn

Kavi “gbọfufu.”
Kavi “agbán.”
Kavi “he pẹnagbànmẹ.”
Ṣeiki yin nukọntọ hẹnnu tọn.
Kavi “otẹn he jẹna yé lọ mẹ.”
Kavi “whanpẹ daho.”
Kavi “whanpẹ daho.”
Kavi “mẹhe yin madogánnọ hugan.”