Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Zekalia 11:1-17

NUHE E BẸHẸN LẸ

  • Kọdetọn lẹngbọhọtọ nugbo gbigbẹdai tọn (1-17)

    • “Yìn lẹngbọ he dona yin hùhù lẹ” (4)

    • Aglọpò 2: Whanpẹ po Pọninọ po (7)

    • Azọ́nkuẹ lẹngbọhọtọ tọn: fataka-kuẹ gbàn (12)

    • Akuẹ yin bibẹ dlan adọkun-sẹdotẹn (13)

11  “Hùn họngbo towe lẹ, Lẹbanọni E, Na miyọ́n nido fiọ kedali towe lẹ.   Doavihàn, hiẹ atin junipeli tọn E, na kedali ko jai; Atin dahodaho lẹ ko yin huhusudo! Mì doavihàn, mì atin oaki Baṣani tọn lẹ emi, Na zungbo daho lọ ko yin hihò liai!   Dotoai! Avihàn lẹngbọhọtọ lẹ tọn, Na gigo daho yetọn ko yin vivasudo. Dotoai! Lìlì kinnikinni winyanwinyan lẹ tọn, Na zungbo titli he tin to Jọdani tó lẹ ko yin vivasudo.  “Nuhe Jehovah Jiwheyẹwhe ṣie dọ die, ‘Yìn lẹngbọ he dona yin hùhù lẹ,+  he hihọ̀tọ yetọn lẹ ko hù+ ṣogan bo ma hùwhẹ. Mẹhe sà yé lẹ+ sọ dọ dọ, “Pipà wẹ na Jehovah, na yẹn na lẹzun adọkunnọ.” Lẹngbọhọtọ yetọn lẹ masọ tindo awuvẹmẹ depope na yé.’+  “‘Na yẹn ma nasọ do awuvẹmẹ hia mẹhe nọ nọ̀ aigba lọ ji lẹ ba,’ wẹ Jehovah dọ. ‘Enẹwutu, yẹn na hẹn mẹdopodopo nado jai jẹ alọ kọmẹnu etọn po ahọlu etọn po tọn mẹ; yé nasọ gídí aigba lọ, ṣogan yẹn ma na whlẹn yé sọn alọ yetọn mẹ.’”  Mì mẹhe nọ yin yasana to lẹngbọpa lọ ṣẹnṣẹn lẹ emi, yẹn ko jẹ lẹngbọ he dona yin hùhù lọ lẹ yìn ji do ota mìtọn mẹ.+ Enẹwutu wẹ yẹn do ze aglọpò awe, bo ylọ dopo dọ Whanpẹ bosọ ylọ awetọ dọ Pọninọ,+ bọ yẹn sọ jẹ lẹngbọ lọ lẹ yìn ji.  N’ko sọ yàn lẹngbọhọtọ atọ̀n to osun dopo gblamẹ, na yẹn* ma sọgan sọ doakọnna yé ba podọ na yé* sọ gbẹwanna mi sinsinyẹn wutu.  Yẹn sọ dọmọ: “Yẹn ma na zindonukọn nado to mì yìn ba. Gbọ dehe jlo na kú ni kú bosọ gbọ dehe jlo na dọ̀n ni dọ̀n. Na nuhe dù dehe pò lẹ, gbọ yé ni tlẹ́n ode awetọ dù.” 10  Enẹwutu, n’ze aglọpò ṣie he nọ yin Whanpẹ+ bo sán ẹn do flinflin bosọ gbọnmọ dali gbà alẹnu he n’ko basi hẹ gbẹtọ lọ lẹpo. 11  Mọ wẹ e yin gbigbà to azán enẹ gbè do, bọ mẹhe to pinpọn mi to mẹhe nọ yin yasana to lẹngbọpa lọ ṣẹnṣẹn lẹ mẹ yọnẹn dọ ohó Jehovah tọn wẹ. 12  Whenẹnu, n’dọna yé dọmọ: “Eyin e yọ́n to nukun mìtọn mẹ, mì na mi azọ́nkuẹ ṣie; ṣigba eyin e ma yinmọ, mì bo tẹ̀ ẹ mi.” Yé sọ sú* azọ́nkuẹ ṣie mi, yèdọ fataka-kuẹ 30.+ 13  Enẹgodo, Jehovah dọna mi dọmọ: “Bẹ ẹ dlan adọkunnu sẹdotẹn lọ mẹ—yèdọ akuẹ daho he yewlẹ mọdọ n’jẹna.”+ Enẹwutu, n’bẹ fataka-kuẹ 30 lọ lẹ dlan adọkunnu-bẹdotẹn lọ mẹ to ohọ̀ Jehovah tọn mẹ.+ 14  Enẹgodo, n’sán aglọpò ṣie awetọ lọ, he nọ yin Pọninọ+ do flinflin bo gbọnmọ dali gbà kanṣiṣa nọvi-nọvi tọn he to Juda po Islaeli po ṣẹnṣẹn.+ 15  Jehovah sọ dọna mi dọmọ: “Todin, ze azọ́nwanu lẹngbọhọtọ nuvọ́nọ de tọn.+ 16  Na yẹn jlo na dike lẹngbọhọtọ de ni fọ́n to aigba lọ ji. Ewọ ma na nọ penukundo lẹngbọ he to dindọn lẹ go;+ e ma na nọ dín lẹngbọvu lẹ kavi dehe gbleawu lẹ mọ,+ mọ e ma na nọ na núdùdù dehe penugo nado nọte na yede lẹ. Kakatimọ, e na nọ tlẹ́n dehe dojó lẹ dù+ bo na nọ sún ofẹ̀n lẹngbọ lẹ tọn sẹ̀.+ 17  Dindọn wẹ na lẹngbọhọtọ nuvọ́nọ ṣie+ he gbẹkọ lẹngbọpa lọ go!+ Ohí de wẹ na yin húhú awà po nukun adusiwhé tọn etọn po. Awà etọn na kúsẹ́ petepete, Podọ nukun adusiwhé tọn etọn na tọ́n* pete.”

Nudọnamẹ Odò Tọn

Kavi “alindọn ṣie.”
Kavi “alindọn yetọn.”
To paa mẹ, “jlẹ.”
To paa mẹ, “dózin.”