Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Zekalia 10:1-12

NUHE E BẸHẸN LẸ

  • Mì biọ jikun Jehovah, e ma yin yẹwhe lalo lẹ (1, 2)

  • Jehovah nọ kọ̀n omẹ etọn lẹ dopọ (3-12)

    • Tatọ́ lọ sọn owhé Juda tọn gbè (3, 4)

10  “Mì nọ biọ jikun sọn Jehovah dè to jikun amakikọ tọn whenu. Jehovah wẹ nọ wleawuna aslọ he súyu lẹ, Bo nọ ja jikun na gbẹtọ lẹ,+ Bosọ nọ hẹn ogbé-mú nado wú to danji na mẹlẹpo.   Na boṣiọ tẹlafimi tọn* lẹ ko dọho oklọ tọn;* Dọṣẹdọtọ lẹ ko sọ mọ numimọ lalo tọn. Yé nọ to odlọ ovọ́ dọ pé, Yé sọ nọ tẹnpọn nado miọnhomẹnamẹ to ovọ́ mẹ. Enẹ wẹ zọ́n bọ yé na nọ to fuflupé taidi lẹngbọ lẹ. Yé na jiya, na lẹngbọhọtọ de ma tin wutu.   Homẹgble ṣie sinyẹn do lẹngbọhọtọ lẹ ji, Yẹn nasọ biọ to nukọntọ* he nọ gbidikọnamẹ lẹ si nado dogbè; Na Jehovah awhànpa lẹ tọn ko lẹ́ ayidonugo etọn hlan lẹngbọpa etọn,+ yèdọ owhé Juda tọn, E ko sọ hẹn yé tin taidi osọ́ huhlọnnọ podọ gigonọ etọn to awhànfunfun mẹ.   Ewọ dè wẹ tatọ́* lọ nọ wá sọn, Ewọ dè wẹ ogán alọgọnamẹtọ* lọ nọ wá sọn, Ewọ dè wẹ ogá awhànfunfun tọn nọ wá sọn; Ewọ dè wẹ nugopọntọ* lẹpo, yèdọ yemẹpo to pọmẹ nọ wá sọn.   Yé nasọ tin taidi awhànfuntọ lẹ, Bo na nọ to afọtùn ogbọ̀n tòhomẹ-liho lẹ tọn ji to awhànfunfun mẹ. Yé na funawhàn, na Jehovah tin hẹ yé wutu;+ Osọ́-kùntọ lẹ nasọ yin winyando.+   N’na na huhlọn owhé Juda tọn, Yẹn nasọ whlẹn owhé Josẹfu tọn.+ Yẹn na hẹn yé gọwá, Na n’na do lẹblanu hia yé;+ E nasọ taidi dọ n’ma ko gbẹ́ yé dai pọ́n gbede wẹ nkọ;+ Na yẹn wẹ Jehovah Jiwheyẹwhe yetọn, n’nasọ siọ yé.   Omẹ Eflaimi tọn lẹ dona tin taidi awhànfuntọ huhlọnnọ de, Yé nasọ nọ jaya to ahun yetọn mẹ taidi mẹhe nù ovẹn nkọ.+ Visunnu yetọn lẹ na mọ ehe bo na jaya; Yé na nọ jaya to ahun yetọn mẹ hlan Jehovah.+   ‘N’na kúnwhé hlan yé bo na bẹ yé pli dopọ; Na yẹn na fli yé gọ̀+ bọ yé na sudeji, Podọ yé na to susudeji mapote.   Dile etlẹ yindọ yẹn vúnvún yé pé gbọn gbẹtọ lẹ ṣẹnṣẹn, Yé na flin mi sọn fidindẹn; To pọmẹ hẹ visunnu yetọn lẹ, yé na gọ̀ huhlọn mọyi bo na lẹkọwa. 10  N’na hẹn yé gọwá sọn aigba Egipti tọn ji Bo na bẹ yé pli sọn Asilia;+ N’na hẹn yé wá aigba Giliadi+ po Lẹbanọni po tọn ji, Otẹn de ma nasọ vò na yé ba.+ 11  E dona jugbọn ohù ji po ayimajai po; E nasọ doalọtena agbówhẹn lẹ to ohù ji;+ Osin sisosiso Nile tọn lẹpo na hú. Goyiyi Asilia tọn na yin dindọn wá odò, Ogánpò Egipti tọn nasọ busẹ.+ 12  Yẹn na hẹn yé zun huhlọnnọ gbọn Jehovah dali,+ Yé nasọ nọ zinzọnlin pé to oyín etọn mẹ,’+ wẹ Jehovah dọ.”

Nudọnamẹ Odò Tọn

Kavi “yẹwhe whédo tọn.”
Kavi “dọho nuhe dabla tọn; dọho nuhe dazi tọn.”
To paa mẹ, “gbọgbọẹ asu.”
To paa mẹ, “atọ̀họ̀ agosu mẹ tọn,” apajlẹ mẹjọmẹ kavi mẹhe diyin de tọn; ogán.
To paa mẹ, “opò tlọ́ntlọ́n,” apajlẹ mẹhe nọ gọalọnamẹ de tọn; ogán de.
Kavi “azọ́ngán.”