Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Zefania 3:1-20

NUHE E BẸHẸN LẸ

  • Jelusalẹm, tòdaho atẹṣitọ he gblezọn de (1-7)

  • Whẹdida po hẹngọwa po (8-20)

    • Ogbè na diọ zun ogbè wiwe-ṣeke (9)

    • Yè na whlẹn whiwhẹnọ po agbátọnọ po (12)

    • Jehovah na doawagun do Ziọni ji (17)

3  Dindọn wẹ na tòdaho lọ he yin atẹṣitọ bo yin hinhẹnflu bosọ yin kọgbidinamẹtọ!+    Ewọ ma setonuna ogbè depope;+ e ma kẹalọyi mẹplọnlọ depope.+ Ewọ ma dejido Jehovah go;+ e ma dọnsẹpọ Jiwheyẹwhe etọn.+   Kinnikinni he to lìlì wẹ ahọvi etọn lẹ yin to ṣẹnṣẹn etọn.+ Whẹdatọ etọn lẹ yin ohla to zánmẹ; Yé ma tlẹ nọ jo ohú dopo tata do nado wá yin gbigbà to afọnnu.   Saklanọ wẹ yẹwhegán etọn lẹ, yèdọ sunnu mẹklọtọ lẹ.+ Yẹwhenọ etọn lẹ nọ hẹn nuhe yin wiwe flu;+ Yé nọ gbàsẹ́n.+   Dodonọ wẹ Jehovah to ṣẹnṣẹn etọn;+ ewọ ma nọ wà oylan depope. Aihọngbè aihọngbè wẹ e nọ hẹn whẹdida etọn lẹ zun yinyọnẹn,+ Taidi hinhọ́n okle tọn he ma nọ gblá. Ṣigba, mawadodonọ ma yọ́n winyan.+   “Yẹn và akọta lẹ sudo; atọ̀họ̀ agosu mẹ tọn yetọn lẹ yin jijodo gbọgbé. N’hẹn tòhomẹ-liho yetọn lẹ jẹvọ́ bọ mẹdepope masọ nọ jugbọn yé ji ba. Tòdaho yetọn lẹ yin gbigbakija, bọ sunnu depope, yèdọ mẹdepope masọ nọ nọ̀ yé mẹ ba.+   Yẹn sọ dọ dọ, ‘E họnwun dọ hiẹ na dibusi mi bo na kẹalọyi mẹplọnlọ,’*+ Na fininọ etọn nikaa yin vivasudo+ —N’dona hẹn ẹn nado dogbè* onú ehe lẹpo tọn. Ṣigba, yemẹpo wẹ gbẹ́ to jejeji dogọ nado yinuwa to aliho gblezọn mẹ.+   ‘Enẹwutu, mì to nukundo mi zọnmii,’*+ wẹ Jehovah dọ, ‘Kakajẹ azán he gbè yẹn na fọ́n nado bẹ ogblànnu,* Na nudide whẹdida tọn ṣie wẹ nado bẹ akọta lẹ pli, nado pli ahọluduta lẹ, Nado kọ̀n homẹgble ṣie jẹgbonu do yé ji, yèdọ homẹgble sinsinyẹn ṣie lẹpo;+ Na aigba pete na yin fifiọ gbọn miyọ́n zohunhun ṣie tọn dali.+   Na to whenẹnu, yẹn na diọ ogbè gbẹtọ lẹ tọn zun ogbè wiwe-ṣeke de, Na yemẹpo nido sọgan nọ dawhá ylọ oyín Jehovah tọn, Nado nọ sẹ̀n ẹn abọ́ to abọ́ go.’*+ 10  Sọn lẹdo tọ̀sisa Etiopia tọn lẹ tọn mẹ, Mẹhe to vẹvẹna mi lẹ, yèdọ viyọnnu omẹ ṣie he yè vúnvún pé lẹ tọn, na hẹn nunina de wá na mi.+ 11  To azán enẹ gbè, mì ma na yin winyando Na walọ mìtọn he mì yí do ṣiatẹ sọta mi lẹpo wutu,+ Na whenẹnu wẹ yẹn na de awagundotọ saklanọ lẹ sẹ̀ sọn ṣẹnṣẹn mìtọn; Mì ma nasọ lẹzun saklanọ gbede ba to osó wiwe ṣie ji.+ 12  Yẹn na dike whiwhẹnọ po agbátọnọ po ni gbọṣi ṣẹnṣẹn towe,+ Yé nasọ nọ dín fibẹtado to oyín Jehovah tọn mẹ. 13  Mẹhe yin pipotọ Islaeli tọn lẹ+ ma na nọ yinuwa po mawadodo po ba;+ Yé ma na nọ dolalo, mọjanwẹ odẹ́ oklọ tọn ma na yin mimọ to onù yetọn mẹ do niyẹn; Yé na nọ dùnú* bo mlọnai bọ mẹde ma na nọ dobuna yé.”+ 14  Viyọnnu Ziọni tọn E, yí ayajẹ do dawhá! Islaeli E, dawhá awhàngbigba tọn!+ Yí ahun towe lẹpo do jaya bo jẹaglin, hiẹ viyọnnu Jelusalẹm tọn E!+ 15  Jehovah ko de whẹdida he tin sọta we lẹ sẹ̀.+ E ko lẹkọna kẹntọ towe.+ Ahọlu Islaeli tọn, yèdọ Jehovah, tin to ṣẹnṣẹn towe.+ Hiẹ ma nasọ nọ dibuna nugbajẹmẹji ba.+ 16  To azán enẹ gbè, e na yin didọna Jelusalẹm dọmọ: “A dibu blo, hiẹ Ziọni E.+ A dike alọ towe lẹ kuyẹ̀ blo. 17  Jehovah Jiwheyẹwhe towe tin to ṣẹnṣẹn towe.+ Taidi Omẹ huhlọnnọ de, ewọ na whlẹnmẹ. Ewọ na yí ayajẹ daho do doawagun gando gowe.+ Ewọ na gbọṣi abọẹ* na pekọ he owanyi etọn didohia we hẹnwa na ẹn wutu. E na yí awhágbe ayajẹ tọn do jẹaglin do ji we. 18  Yẹn na bẹ mẹhe to awubla, na yé ma tin to hùnwhẹ towe lẹ tẹnmẹ wutu lẹ pli dopọ;+ Yé ma tin to finẹ, na yé to oyà vlẹko etọn tọn ji wutu.+ 19  Pọ́n! To ojlẹ enẹ mẹ, yẹn na yinuwa sọta mẹhe to kọgbidina we lẹpo;+ Yẹn na whlẹn mẹhe to ṣinṣọ̀n,+ Yẹn nasọ bẹ mẹhe yè vúnvún pé lẹ pli dopọ.+ Yẹn na hẹn yé zun mẹhe yè na nọ pà podọ mẹhe diyin* To aigba he ji yé ko mọ winyan te wayi lẹpo ji. 20  To ojlẹ enẹ mẹ, yẹn na hẹn mì wá whégbè, To whenue yẹn na bẹ mì pli dopọ. Na yẹn na hẹn mì zun mẹhe diyin* bọ yè na nọ pà mì+ to mẹhe tin to aigba ji lẹpo ṣẹnṣẹn, To whenue yẹn na gọ̀ mẹhe yì kanlinmọgbenu to mì mẹ lẹ bẹpli to nukun mìtọn mẹ,” wẹ Jehovah dọ.+

Nudọnamẹ Odò Tọn

Kavi “wọhẹ.”
Kavi “N’dona sayana ẹn na.”
Kavi “mì yí sọwhiwhe do nọtepọn mi.”
Kavi vlavo, “fọ́n taidi kunnudetọ de.”
Kavi “nọ basi sinsẹ̀n hlan ẹn to pọninọ mẹ.”
Kavi “dù amà.”
Kavi “na nọ whii; na vò.”
To paa mẹ, “tindo oyín de.”
To paa mẹ, “tindo oyín de.”