Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Titu 3:1-15

NUHE E BẸHẸN LẸ

  • Taliai he sọgbe (1-3)

  • Wleawudaina azọ́n dagbe lẹ (4-8)

  • Nọ gbẹ́ nudindọn nulú tọn lẹ dai (9-11)

  • Anademẹ mẹdetiti tọn po nudọdomẹ lẹ po (12-15)

3  Zindonukọn nado nọ flinnu yé nado nọ litai bo nọ setonuna gandudu lẹ po aṣẹpipa lẹ po,+ nado wleawufo na azọ́n dagbe lẹpo,  ma nado nọ dọho ylankan gando mẹdepope go, ma nado yin jlẹwàtọ, ṣigba nado yin lẹnpọn dagbenọ+ bo nọ do walọmimiọn mlẹnmlẹn hia gbẹtọ lẹpo.+  Na to ojlẹ de mẹ wayi mílọsu ko yin gugutọ, tolivẹtọ bo yin hinhẹn danbú bosọ yin afanumẹ na ojlo po gbẹdudu voovo lẹ po, bo nọ nọgbẹ̀ to oylan po nuvẹun po mẹ bosọ nọ yin wangbẹna bo nọ gbẹwanna ode awetọ.  Ṣigba, to whenuena homẹdagbe Mẹwhlẹngántọ mítọn, yèdọ Jiwheyẹwhe tọn+ podọ owanyi etọn na gbẹtọvi lẹ yin didohia  (e ma yin na azọ́n dodowiwa tọn he mí ko wà depope wutu wẹ gba,+ ṣigba na lẹblanu etọn titi wutu wẹ),+ ewọ whlẹn mí gán gbọn klọ́we* he hẹn mí wá ogbẹ̀+ lọ gblamẹ podọ to hinhẹn mí jẹ yọyọ gbọn gbigbọ wiwe dali mẹ.+  E kọ̀n gbigbọ ehe jẹgbonu do mí ji susugege* gbọn Jesu Klisti Mẹwhlẹngántọ mítọn gblamẹ,+  na e nido yindọ, to lilá mí di dodonọ gbọn nukundagbe majẹhẹ omẹ enẹlọ tọn+ dali godo, mí nido sọgan lẹzun gudutọ+ sọgbe hẹ todido ogbẹ̀ madopodo tọn.+  Nugbo wẹ ohó ehelẹ, podọ yẹn jlo dọ hiẹ ni nọ zinnudo onú ehelẹ ji to whepoponu, na mẹhe tindo yise to Jiwheyẹwhe mẹ lẹ nido sọgan nọ ze ayiha yetọn do azọ́n dagbe lẹ wiwà ji. Onú ehelẹ yọ́n bosọ yin alenu na gbẹtọ lẹ.  Ṣigba, dapana nudindọn nulú tọn lẹ gọna nudindọn do kúnkan whẹndo tọn lẹ ji, gbemanọpọ po avùn po do Osẹ́n lọ ji, na ovọ́ po onú tata po wẹ yé.+ 10  Na nuhe dù mẹlọ he nọ hẹn plọngiglọ gbayipe,+ gbẹ́ ewọ dai+ to nugbẹnamẹ* tintan podọ awetọ godo,+ 11  na omẹ mọnkọtọn ko lẹkọ sọn aliho lọ ji bo to ylando wà bosọ to whẹgbledo ede. 12  To whenue yẹn na do Altema kavi Tikiku+ hlan we, wà nuhe go a pé lẹpo nado wá dè e to Nikopoli, na finẹ wẹ yẹn ko basi dide nado yí ojlẹ avivọ-whenu tọn zan te. 13  Yí sọwhiwhe do wleawu nuhe Zena, yèdọ mẹhe yọ́n Osẹ́n lọ ganji, po Apolo po na tindo nuhudo etọn lẹpo tọn na yé, na yé nikaa jẹdò nude tọn to gbejizọnlin yetọn whenu.+ 14  Ṣigba, dike omẹ mítọn lẹ lọsu ni plọn nado nọ wà azọ́n dagbe lẹ nado sọgan nọ gọalọ to ojlẹ nuhudo niyaniya tọn lẹ whenu,+ na yé nido sọgan nọ yin sinsẹ́nnọ to whepoponu.*+ 15  Mẹhe to dè e lẹpo yí nudọdomẹ yetọn lẹ hlan we. Yí nudọdomẹ ṣie lẹ na mẹhe yiwanna mí to yise mẹ lẹ. Na nukundagbe majẹhẹ ni tin hẹ mìmẹpo.

Nudọnamẹ Odò Tọn

To paa mẹ, “awulilẹ̀.”
Kavi “po alọtútlú po.”
Kavi “avase.”
To paa mẹ, “yé nikaa lẹzun madosinsẹ́nnọ.”