Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Obadia 1:1-21

NUHE E BẸHẸN LẸ

  • Edomi saklanọ na yin hinhẹnwa odò (1-9)

  • Danuwiwa Edomi tọn sọta Jakọbu (10-14)

  • Azán Jehovah tọn sọta akọta lẹpo (15, 16)

  • Owhé Jakọbu tọn na yin hinhẹngọwa (17-21)

    • Jakọbu na fiọ Edomi mlẹnmlẹn (18)

    • Jehovah na lẹzun ahọlu (21)

 Numimọ he Obadia* mọ: Nuhe Oklunọ Nupojipetọ Jehovah dọ gando Edomi go die:+ “Mí ko sè linlin de sọn Jehovah dè, Dẹ́mẹnu de ko yin didohlan akọta lẹ ṣẹnṣẹn: ‘Mì fọ́n bo gbọ mí ni wleawudaina awhàn sọta ẹ.’”+   Pọ́n! N’ko hẹn we zun gbẹ́gọ́nu de to akọta lẹ ṣẹnṣẹn; Hiẹ lẹzun mẹhe yè gbẹwanna sinsinyẹn.+   Sakla ahun towe mẹ tọn ko klọ we,+ Hiẹ mẹhe nọ nọ̀ oslò mẹ, Bo nọ nọ̀ ofi yiaga bosọ nọ dọ to ahun towe mẹ dọ, ‘Mẹnu wẹ na hẹn mi wá odò jẹ aigba?’   Eyin a tlẹ hẹn fininọ towe yiaga* taidi akùn, Kavi eyin hiẹ do adọ́ towe do sunwhlẹvu lẹ ṣẹnṣẹn, Yẹn na hẹn we wá odò sọn finẹ,” wẹ Jehovah dọ.   “Eyin ajotọ lẹ wá dè we, yèdọ jaguda lẹ to zánmẹ, (Lehe hiẹ na yin vivasudo pete do sọ!)* Be e ma yin nuhe jlo yé lẹ kẹdẹ wẹ yé na fìn ya? Kavi eyin mẹhe nọ bẹ ovẹn sinsẹ́n pli lẹ wẹ wá, Be yé ma na pò delẹ dai na wélu-wiwe ya?+   Pọ́n lehe yè ko dín Esau do sọ! Lehe yè ko dín adọkunnu whiwhla etọn lẹ do sọ!   Yé ko sisẹ́ we yì dogbó ji. Mẹhe kọngbedopọ* hẹ we lẹpo ko klọ we. Mẹhe tin to jijọho mẹ hẹ we lẹ ko duto ji we. Mẹhe to núdù hẹ we lẹ na tá odọ̀ de do glọ na we, Ṣigba, hiẹ ma na doayi e go.   To azán enẹ gbè,” wẹ Jehovah dọ, “Be yẹn ma na và nuyọnẹntọ lẹ sudo sọn Edomi+ Podọ wuntuntunnọ lẹ sọn lẹdo osó tọn Esau tọn mẹ ya?   Hiẹ Temani+ E, obu na jẹ awhànfuntọ towe lẹ ji,+ Na mẹhe to lẹdo osó tọn Esau tọn mẹ lẹpo wẹ na yin vivasudo to mẹhuhu lọ whenu.+ 10  Na danú he hiẹ wà do Jakọbu nọvisunnu towe wutu,+ Winyan na hù we,+ Bọ hiẹ na dọ̀n kakadoi.+ 11  To azán he gbè a nọte to apadopo, To azán he gbè jonọ lẹ plan awhànpa etọn yì kanlinmọgbenu,+ To whenue jonọ lẹ biọ họngbo etọn mẹ bo de ovò+ do Jelusalẹm ji, Hiẹ yinuwa taidi dopo to yé mẹ. 12  Hiẹ ma dona jẹaglin to azán he gbè nugbajẹmẹji wá nọvisunnu towe ji,+ Hiẹ ma dona jaya to azán he gbè dindọn wá omẹ Juda tọn lẹ ji,+ Mọ a ma dona yí nùgo to azán ayimajai tọn yetọn gbè. 13  Hiẹ ma dona wá biọ họngbo omẹ ṣie lẹ tọn mẹ to azán nugbajẹmẹji tọn yetọn gbè,+ A ma dona jẹaglin na yajiji etọn wutu to azán nugbajẹmẹji tọn etọn gbè,+ Mọ alọ towe ma dona jẹ adọkunnu etọn go to azán nugbajẹmẹji tọn etọn gbè. 14  Hiẹ ma dona nọte to aliklan lẹ ji nado hù omẹ etọn he to hinhọngán lẹ,+ Mọ a ma dona jo omẹ etọn he luntọ́n lẹ do alọ kẹntọ yetọn lẹ tọn mẹ to azán ayimajai tọn gbè.+ 15  Na azán Jehovah tọn sọta akọta lẹpo ko sẹpọ.+ Dile hiẹ ko wà do, mọ wẹ e na yin wiwà na we do niyẹn.+ Hiẹ na yin nuyiwa hẹ to aliho he mẹ a yinuwa hẹ mẹdevo lẹ te. 16  Na aliho he mẹ hiẹ nùmú to osó wiwe ṣie ji te, Mọ wẹ akọta lẹpo na to nùnù mapote do niyẹn.+ Yé na nù in gọ́ho, Bọ e na taidi dọ yé ma nọgbẹ̀ pọ́n wẹ nkọ. 17  Ṣigba, mẹhe họ̀ngán lẹ na tin to Osó Ziọni ji,+ Bọ e na yin osó wiwe;+ Owhé Jakọbu tọn nasọ yí nutindo yetọn lẹ.+ 18  Owhé Jakọbu tọn na lẹzun miyọ́n de, Owhé Josẹfu tọn na lẹzun miyọ́n he to jiji de, Bọ owhé Esau tọn na taidi getin; Yé na domiyọ́n yé bo na fiọ yé, Bọ mẹdepope sọn owhé Esau tọn gbè ma na luntọ́n,+ Na Jehovah lọsu wẹ ko dọ ẹ. 19  Yé na yí Negẹb po lẹdo osó tọn Esau tọn po,+ Gọna Ṣefela po aigba Filistinu lẹ tọn po.+ Yé na yí aigba Eflaimi po Samalia po tọn,+ Bọ Bẹnjamini nasọ yí Giliadi. 20  Na nuhe dù mẹhe yì kanlinmọgbenu sọn adó gángán* ehe mẹ lẹ,+ Yèdọ na omẹ Islaeli tọn lẹ, aigba Kenaninu lẹ tọn kakajẹ Zalefati na yin nutindo yetọn.+ Podọ mẹhe yì kanlinmọgbenu sọn Jelusalẹm bo tin to Sefaladi lẹ nasọ yí tòdaho Negẹb tọn lẹ.+ 21  Podọ mẹwhlẹngántọ lẹ na hẹji yì Osó Ziọni ji Nado dawhẹna lẹdo osó tọn Esau tọn,+ Jehovah nasọ lẹzun ahọlu.”+

Nudọnamẹ Odò Tọn

Zẹẹmẹdo “Devizọnwatọ Jehovah tọn.”
Kavi vlavo, “tlẹ zlọn yiaga.”
Kavi vlavo, “Nawẹ yé na hẹn vasudo wá sọ?”
Kavi “nùalẹ.”
Kavi “figángán.”