Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Nahumi 1:1-15

NUHE E BẸHẸN LẸ

  • Ahọsuyiyi Jiwheyẹwhe tọn sọta kẹntọ lẹ (1-7)

    • Jiwheyẹwhe nọ biọ mẹdezejo mlẹnmlẹn (2)

    • Jehovah nọ doayi mẹhe to fibẹtado dín to ewọ mẹ lẹ go (7)

  • Nineve na yin vivasudo (8-14)

    • Ayimajai ma na fọ́n whla awetọ (9)

  • Wẹndagbe yin lilá na Juda (15)

1  Nulila de sọta Nineve:+ Owe numimọ he Nahumi* Ẹlkoṣinu lọ mọ tọn:   Jehovah yin Jiwheyẹwhe de he nọ biọ mẹdezejo mlẹnmlẹn+ bosọ nọ yiahọsu; Jehovah nọ yiahọsu bosọ nọ wleawufo nado do homẹgble etọn hia.+ Jehovah nọ yiahọsu to kẹntọ etọn lẹ go, Podọ e nọ hlá adi etọn dai na kẹntọ etọn lẹ.   Jehovah nọ whleawu nado gblehomẹ+ bosọ dohuhlọn tlala,+ Ṣigba, Jehovah ma na dọ̀n alọ yasanamẹ he jẹ tọn dogodo to aliho depope mẹ.+ Jẹhọn po yujẹhọn nuhusudo tọn po mẹ wẹ ali etọn tin te, Podọ aslọ lẹ wẹ kọ́gudu afọ etọn lẹ tọn.+   E nọ gbẹnuna ohù+ bo nọ hẹn ẹn hú; E sọ nọ hẹn tọ̀sisa lẹpo nado hú pete.+ Baṣani po Kalmẹli po yọ́,+ Bọ osẹ́ Lẹbanọni tọn lẹ sọ yọ́.   Osó lẹ whàn na ewọ tọn wutu, Bọ okọ́ta lẹ sọ yọ́.+ Na nukunmẹ etọn wutu, aigba na sisọ, Gọna aihọn po mẹhe to e mẹ lẹpo po.+   Mẹnu wẹ sọgan nọte to adi etọn nukọn?+ Podọ mẹnu wẹ sọgan doakọnna homẹgble sinsinyẹn etọn?+ Homẹgble etọn na gbajẹgbonu taidi miyọ́n, Bọ osé lẹ na gbà hányán, na ewọ tọn wutu.   Jehovah yọ́n+ bosọ yin figángán de to azán ayimajai tọn gbè.+ E nọ doayi* mẹhe to fibẹtado dín to ewọ mẹ lẹ go.+   Singigọ he nọ zà nulẹpo sẹ̀ de wẹ e na yí do và otẹn etọn* sudo mlẹnmlẹn, Podọ zinvlu wẹ na yàn kẹntọ etọn lẹ.   Osé tẹwẹ mìwlẹ sọgan blá sọta Jehovah? Ewọ na hẹn vasudo mlẹnmlẹn de wá. Ayimajai ma nasọ fọ́n whla awetọ ba.+ 10  Na yé hizí dopọ taidi owùn lẹ, Bosọ taidi mẹhe nù bia-hàn* mú lẹ; Ṣigba, yé na yin fifiọ taidi getin húhú. 11  Hiẹ mẹ wẹ mẹhe nọ blasé ylankan do Jehovah go na wá sọn, Bo na nọ namẹ ayinamẹ he ma yọ́n-na-yizan. 12  Nuhe Jehovah dọ die: “Mahopọnna dọ yé gbẹ́ tindo huhlọn ganji bosọ sù taun, Etomọṣo, yé na yin sinsánliai bo na juwayi.* N’ko sayana we,* amọ́ n’ma na vọ́ yasana we ba. 13  Podọ todin, yẹn na wẹ́n opò zẹgẹ tọn etọn sọn ji we,+ Bo nasọ wẹ́n gẹdẹ towe lẹ do awe. 14  Jehovah ko degbe gando gowe* dọ, ‘Oyín towe ma na yin hinhẹn gbọṣi aimẹ zọnmii ba. Yẹn na và boṣiọ pipà lẹ po boṣiọ kinkọ̀n lẹ po sudo sọn ohọ̀* yẹwhe towe lẹ tọn mẹ. Yẹn na basi yọdò de na we, na hiẹ ko lẹzun mẹvọ́nu de wutu.’ 15  Pọ́n! Afọ mẹhe hẹn wẹndagbe ja lọ tọn lẹ to osó lẹ ji, Yèdọ mẹhe to jijọho lá.+ Basi hùnwhẹ towe lẹ,+ hiẹ Juda E, depà towe lẹ, Na nuvọ́nọ lọ ma nasọ jugbọn hiẹ mẹ wayi gbede ba. E na yin vivasudo mlẹnmlẹn.”

Nudọnamẹ Odò Tọn

Zẹẹmẹdo “Homẹmiọnnamẹtọ.”
Kavi “nọ penukundo.” To paa mẹ, “yọ́n.”
Enẹ wẹ, Nineve tọn.
Kavi “bia-hàn likun tọn.”
Kavi vlavo, “bọ ewọ na jugbọn e mẹ.”
Enẹ wẹ, Juda.
Enẹ wẹ, Asilia go.
Kavi “tẹmpli.”