Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Mika 7:1-20

NUHE E BẸHẸN LẸ

  • Walọ mawé Islaeli tọn (1-6)

    • Kẹntọ lẹ sọn whédo mẹtọn mẹ (6)

  • ‘N’na yí homẹfa do nọte’ (7)

  • Yè suwhẹna omẹ Jiwheyẹwhe tọn lẹ (8-13)

  • Odẹ̀ Mika tọn po pipà po hlan Jiwheyẹwhe (14-20)

    • Gblọndo Jehovah tọn (15-17)

    • ‘Jiwheyẹwhe tẹwẹ taidi Jehovah?’ (18)

7  Dindọn wẹ na yẹn! Na n’taidi mẹde, He to whenue n’ko bẹ sinsẹ́n alunlun mẹ tọn pli Bo ko wéwélu bọdo jibẹwawhé ovẹn sinsẹ́n tọn go, N’ma mọ ohín ovẹn sinsẹ́n tọn nado dù, Kavi ovò sinsẹ́n tintan he n’nọ* yiwanna.   Nugbonọ ko vọ̀* sọn aigba lọ ji; Mẹhe nọ wà nuhe sọgbe de ma tin to gbẹtọvi lẹ ṣẹnṣẹn.+ Yemẹpo wẹ nọ tọ̀pọwu nado sọ̀n ohùn dai.+ Dopodopo yetọn nọ yí odọ̀-gbó do yangbé nọvisunnu etọn titi tọn.   Alọ yetọn lẹ bikan to nuylankan wiwà mẹ;+ Ahọvi nọ to nubiọ, Whẹdatọ nọ to ale de dín,+ Omẹ nukundeji to nujlomẹ etọn* lẹ hẹn zun yinyọnẹn,+ Bọ yemẹpo wẹ nọ kàn ayiha* dopọ.   Mẹhe pọnte hugan to yé mẹ taidi owùn lẹ, Mẹhe nọ wà nuhe sọgbe hugan to yé mẹ ylanhu pákàn owùnnọ. Azán he nuhọ́tọ towe lẹ dọho etọn po azán lẹnjo tọn towe po na wá.+ Obu nasọ jẹ yé ji to whenẹnu.+   Mì yí hatọ mìtọn sè Kavi dejido họntọn vivẹ́ de go blo.+ Mì họ́ mìde gando nuhe mì na dọna mẹhe nọ mlọnai to akọ́n mìtọn nù go.   Na visunnu nọ vlẹ otọ́ etọn, Viyọnnu nọ fọ́n do onọ̀ etọn ji,+ Bọ ovisi nọ diọnukunsọ asu-nọ̀ etọn;+ Mẹhe tin to whédo mẹtọn mẹ lẹ wẹ yin kẹntọ mẹtọn lẹ.+   Ṣigba na yẹn tọn, n’na họ́ali bo nọtepọn Jehovah.+ N’na yí homẹfa* do nọtepọn Jiwheyẹwhe whlẹngán ṣie tọn.+ Jiwheyẹwhe ṣie na dotoaina mi.+   Hiẹ kẹntọ* ṣie E, a jaya do ji e blo. Dile etlẹ yindọ n’ko jai, n’na fọnṣite; Dile etlẹ yindọ zinvlu mẹ wẹ n’te, Jehovah na yin hinhọ́n ṣie.   Yẹn na jiya homẹgble Jehovah tọn —Na n’ko waylando do e+ Kaka ewọ nado yiavùnlọna mi bo hẹn whẹdida dodo ṣẹ do ota ṣie mẹ. E na plan mi wá hinhọ́n nù; Yẹn na nọ pọ́n dodowiwa etọn hlan. 10  Kẹntọ ṣie lọsu na mọ, Winyan nasọ hù mẹhe dọna mi dọmọ: “Fie wẹ Jehovah Jiwheyẹwhe towe te?”+ Nukun ṣie lẹ na mọ ẹn. Todin, yè na nọ tùnafọ e ji taidi ogbọ̀n to tòhomẹ-liho lẹ ji. 11  E na yin azán de nado do adó zannu tọn towe lẹ; To azán enẹ gbè, dogbó lọ na yin hinhẹn gblodeji.* 12  To azán enẹ gbè, yé na wá dè we Sọn kaka Asilia po tòdaho Egipti tọn lẹ po mẹ, Sọn Egipti kaka yì Tọ̀sisa* lọ kọ̀n; Sọn ohù de kọ̀n jẹ devo kọ̀n podọ sọn osó de kọ̀n jẹ devo kọ̀n.+ 13  Aigba lọ nasọ jẹvọ́, na mẹhe nọ nọ̀ e mẹ lẹ wutu, Taidi kọdetọn nuhe yé ko wà lẹ tọn.* 14  Yí aglọpò towe do yìn omẹ towe lẹ, yèdọ lẹngbọpa ogú towe tọn,+ Enẹ wẹ ewọ he nọ nọ̀ edeṣo to zungbo de mẹ—to ṣẹnṣẹn atin dido lẹ tọn. Dike yé ni dùnú to Baṣani po Giliadi po+ taidi to hohowhenu. 15  “Taidi to azán he gbè hiẹ tọ́njẹgbonu sọn aigba Egipti tọn ji, Yẹn na do nujiawu lẹ hia ẹ.+ 16  Akọta lẹ na mọ bọ winyan na hù yé mahopọnna huhlọn yetọn lẹpo.+ Yé na yí alọ yetọn do sú onù yetọn; Otó yetọn lẹ na sú. 17  Yé na nọ didọ́ kọ́gudu taidi odàn lẹ;+ Taidi kanlin aigba ji tọn he nọ lìn lẹ, yé na tọ́n wá sọn figángán yetọn lẹ mẹ po sisọsisọ po. Yé na wá Jehovah Jiwheyẹwhe mítọn dè po obu po, Yé nasọ nọ dibuna we.”+ 18  Jiwheyẹwhe tẹwẹ taidi hiẹ, He nọ jo nuṣiwa namẹ bo ma nọ flin sẹ́nhẹngba+ pipotọ ogú etọn tọn?+ E ma na tẹdo homẹgble etọn go kakadoi, Na e nọ tindo homẹhunhun to owanyi nugbo mẹ.+ 19  Ewọ na do lẹblanu hia mí whladopo dogọ;+ e na gbawhàn* nuṣiwa mítọn lẹ tọn. Hiẹ na bẹ ylando yetọn lẹpo dlan hùzànmẹ.+ 20  Hiẹ na do nugbonọ-yinyin hia Jakọbu, Owanyi nugbo hia Ablaham, Dile hiẹ whlé hlan tọgbo mítọn lẹ do sọn hohowhenu.+

Nudọnamẹ Odò Tọn

Kavi “he alindọn ṣie nọ.”
Kavi “busẹ.”
Kavi “to nuhe alindọn etọn yiwanna vẹkuvẹku.”
To paa mẹ, “nọ lọ̀n ẹn.”
Kavi “sọwhiwhe.”
To Heblugbe mẹ, hogbe he yin yiyizan na “kẹntọ” yin dehe nọ yin yiyizan na yọnnu.
Kavi vlavo, “osẹ́ndoai lọ na tin to fidindẹn.”
Enẹ wẹ, Euflate.
To paa mẹ, “Na sinsẹ́n walọ yetọn lẹ tọn wutu.”
Kavi “tùnafọ; duto.”