Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Mika 6:1-16

NUHE E BẸHẸN LẸ

  • Jiwheyẹwhe na pé owhẹ̀ hẹ Islaeli (1-5)

  • Etẹwẹ Jehovah to bibiọ? (6-8)

    • Whẹdida dodo, nugbonọ-yinyin, mẹdehihọ́ (8)

  • Islaeli hùwhẹ bo yin yasana (9-16)

6  Mì jaale bo sè nuhe dọ Jehovah te. Mì fọ́n bo hẹn owhẹ̀ mìtọn yì osó lẹ nukọn, Bo gbọ okọ́ta lẹ ni sè ogbè mìtọn.+   Osó lẹ emi, mì sè owhẹ̀ Jehovah tọn, Mì dodonu dolido aigba tọn lẹ emi,+ Na Jehovah tindo owhẹ̀ de hẹ omẹ etọn lẹ; Islaeli wẹ e na pé owhẹ̀ hẹ:+   “Omẹ ṣie lẹ emi, etẹwẹ yẹn wà do mì? Nawẹ n’ko hẹn nuṣikọna mì gbọn?+ Mì dekunnu sọta mi.   Na yẹn wẹ hẹn mì hẹji jẹgbonu sọn aigba Egipti tọn ji,+ Yẹn wẹ fli mì gọ̀ sọn kanlinmọgbenu;+ Yẹn wẹ do Mose, Aalọn po Miliami po hlan nukọn mìtọn.+   Omẹ ṣie lẹ emi, mì jaale bo flin ayinamẹ he Ahọlu Balaki Moabi tọn na,+ Podọ nuhe Balaami visunnu Beoli tọn gblọnna ẹn+ —Yèdọ nuhe jọ sọn Ṣitimi+ jẹ Gilgali+ Na mì nido yọ́n azọ́n dodo tọn Jehovah tọn lẹ.”   Etẹwẹ yẹn na hẹnwa Jehovah nukọn? Etẹwẹ n’na hẹnwa nado dẹ́ do odò to Jiwheyẹwhe he to oji aga nukọn? Be avọ́nunina mimẹ̀ blebu lẹ wẹ n’na hẹnwa nukọn etọn, Yèdọ oyìnvu owhe dopo mẹ tọn lẹ ya?+   Be n’na hẹn homẹ Jehovah tọn hùn po agbò fọtọ́n susu po wẹ, Yèdọ po tọ̀sisa amì tọn fọtọ́n donu ao lẹ po wẹ ya?+ Be n’na ze visunnu plọnji ṣie jo na gufinfọn ṣie wutu wẹ, Yèdọ sinsẹ́n agbasa ṣie tọn na ylando ṣie* wutu wẹ ya?+   Gbẹtọ E, ewọ ko dọ nuhe yin dagbe na we. Podọ etẹwẹ Jehovah to bibiọ sọn asi we? Kiki nado nọ yí whẹdida dodo zan,*+ nado yiwanna nugbodidọ,*+ Podọ nado nọ yí whiwhẹ* do zinzọnlin+ hẹ Jiwheyẹwhe towe!+   Ogbè Jehovah tọn dawhá hlan tòdaho lọ; Mẹhe tindo nuyọnẹn yọ́n-na-yizan lẹ na dibusi oyín towe. Mì na ayidonugo opò lọ po mẹhe do e ai po.+ 10  Be adọkunnu kanyinylan tọn lẹ gbẹ́ pò to owhé mẹylankan lẹ tọn gbè Gọna ojlẹnu efa* tọn mapemape he yè gbẹwanna lọ wẹ ya? 11  Be n’sọgan nọ wiweji to walọyizan-liho* eyin n’tindo nujlẹgàn mawadodo tọn lẹ, Gọna saki he mẹ zannu nujlẹgàn tọn oklọ tọn lẹ tin te wẹ ya?+ 12  Na adọkunnọ etọn lẹ gọ́ na danuwiwa, Mẹhe nọ nọ̀ e mẹ lẹ sọ nọ dolalo;+ Odẹ́ oklọ tọn wẹ tin to onù yetọn mẹ.+ 13  “Enẹwutu, n’na linú we nado gbleawuna we,+ Bo na hẹn we jẹvọ́ na ylando towe lẹ wutu. 14  A na dùnú, ṣigba hiẹ ma na gọ́ho; Homẹ towe na gbẹ́ to ovọ́.+ Hiẹ ma na hẹn nuhe a na bẹ lẹ yì awuyẹyẹ-afọyẹyẹ, Podọ yẹn na jo nuhe a na bẹ yì lẹ hlan ohí. 15  Hiẹ na do okún, ṣigba a ma na gbẹ̀n sinsẹ́n etọn. Hiẹ na tùn olivie lẹ, ṣigba a ma na mọ amì yetọn zan; Podọ hiẹ na wleawuna ovẹn yọyọ, ṣigba a ma na mọ ovẹn depope nù.+ 16  Na mì nọ hodo osẹ́ndoai Omli tọn lẹ po owhé Ahabi tọn sin azọ́n lẹpo po,+ Mì sọ nọ zinzọnlin hodo ayinamẹ yetọn. Enẹ wẹ zọ́n bọ n’na yí nuhe na jọ do gowe do dobuna gbẹtọ lẹ Bọ yè na nọ kúnwhé gando mẹhe nọ nọ̀ e mẹ lẹ go;+ Hiẹ nasọ jiya vlẹko gbẹtọ lẹ tọn.”+

Nudọnamẹ Odò Tọn

Kavi “alindọn ṣie tọn.”
Kavi “nado wà dodo; nado nọ wà nuhe sọgbe.”
Kavi “nado yin homẹdagbenọ po nugbonọ po to owanyi towe mẹ.” To paa mẹ, “nado yiwanna owanyi nugbo.”
Kavi “mẹdehihọ́; dogbó mẹdetiti tọn yinyọnẹn.”
Pọ́n Nud. B14.
Kavi “n’sọgan yin homẹvọnọ.”