Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Mika 3:1-12

NUHE E BẸHẸN LẸ

  • Yè de nukọntọ po yẹwhegán lẹ po gbà (1-12)

    • Gbigbọ Jehovah tọn na huhlọn Mika (8)

    • Yẹwhenọ lẹ nọ plọnmẹ na akuẹ (11)

    • Jelusalẹm na lẹzun gbakija (12)

3  N’dọmọ: “Mì tatọ́ Jakọbu tọn lẹ emi, mì jaale bo sè ehe Gọna mì mẹhe yin awhàngán daho owhé Islaeli tọn lẹ.+ Be e ma jẹ dọ mì ni yọ́n nuhe sọgbe wẹ ya?   Ṣigba, mìwlẹ gbẹwanna nuhe yin dagbe+ bo yiwanna nuhe yin oylan;+ Mì nọ klọ́n ayú sọn omẹ ṣie lẹ go podọ olàn sọn ohú yetọn lẹ go.+   Mì sọ nọ dù olàn omẹ ṣie lẹ tọn+ Bo nọ klọ́n ayú yetọn, Bosọ nọ gbà ohú yetọn lẹ bo nọ gbà yé hányán,+ Taidi nuhe yin didà to nudàzẹ́n* de mẹ, yèdọ taidi olàn to nudàzẹ́n de mẹ.   To ojlẹ enẹ mẹ, yé na dawhá ylọ Jehovah na alọgọ, Ṣigba, e ma na siọ yé. E na whlá nukunmẹ etọn do yé to ojlẹ enẹ mẹ,+ Na nuylankan he yé ko wà lẹ wutu.+   Ehe wẹ Jehovah dọ gando yẹwhegán he nọ hẹn omẹ ṣie lẹ danbú lẹ go,+ Yé mẹhe nọ lá ‘Jijọho!’+ eyin yé mọ nude do aglàn mẹ+ Ṣigba bo nọ lá* awhàn sọta mẹhe ma yí nude do onù yetọn mẹ:   ‘Ozán na kú;+ mì ma na mọ numimọ depope;+ Zinvlu kẹdẹ wẹ mì na tindo, mì ma na dọ dọṣẹ depope. Owhè na yihọ do yẹwhegán lẹ ji, Bọ okle nasọ dózin do yé.+   Numọtọ lẹ na yin winyando,+ Podọ dọṣẹdọtọ lẹ na jẹflumẹ. Yemẹpo na to dandannu glọ nado bu núdo atán* yetọn, Na gblọndo depope ma na wá sọn Jiwheyẹwhe dè wutu.’”   Na yẹn tọn, n’gọ́ na huhlọn gbọn gbigbọ Jehovah tọn dali, Bosọ gọ́ na whẹdida dodo po hlọnhlọn po, Nado dọ gufinfọn Jakọbu tọn na ẹn podọ ylando Islaeli tọn na ẹn.   Mì tatọ́ owhé Jakọbu tọn lẹ emi, mì jaale bo sè ehe Gọna mì awhàngán daho owhé Islaeli tọn lẹ,+ He gbẹwanna whẹdida dodo bo nọ hẹn nuhe jlọ lẹpo gbán,+ 10  Mì mẹhe yí hùnsọndai do gbá Ziọni podọ mawadodo do gbá Jelusalẹm.+ 11  Nukọntọ* etọn lẹ nọ dawhẹ na alọgodo-kuẹ,+ Yẹwhenọ etọn lẹ nọ plọnmẹ na ahọsumẹ,+ Yẹwhegán etọn lẹ sọ nọ dọ dọṣẹ na akuẹ.*+ Etomọṣo, yé nọ ganjẹ Jehovah go* dọmọ: “Be Jehovah ma tin hẹ mí ya?+ Nugbajẹmẹji depope ma na wá mí ji.”+ 12  Enẹwutu, na mìtọn wutu, Ziọni na yin jijlo taidi ogle de, Jelusalẹm na lẹzun okiti gbakija tọn lẹ,+ Osó Ohọ̀* lọ tọn nasọ wá taidi ofi yiaga lẹ to zungbo mẹ.*+

Nudọnamẹ Odò Tọn

Kavi “nudàzẹ́n he onù etọn to gblagada.”
To paa mẹ, “basi klandowiwe na.”
Kavi “ṣinyọnnudo onù.”
To paa mẹ, “Ota.”
Kavi “fataka.”
Kavi “yé nọ sọalọakọ́n nado ganjẹ Jehovah go.”
Kavi “Osó tẹmpli tọn.”
Kavi “taidi okọ́ta he gọ́ na atin.”