Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Mika 2:1-13

NUHE E BẸHẸN LẸ

  • Dindọn na kọgbidinamẹtọ lẹ! (1-11)

  • Islaeli yin vivọ́ bẹpli (12, 13)

    • Aigba lọ na gọ́ na awhágbe lẹ (12)

2  “Dindọn wẹ na mẹhe nọ kàn ayiha nado wà nuylan- kan lẹ, Bo nọ lẹn oylan to adọzan yetọn lẹ ji! Eyin ai họ́n, yé nọ hẹn ẹn di, Na e tin to huhlọn yetọn mẹ wutu.+   Yé nọ jlo ogle lẹ bo nọ hò yé yí;+ Yé nọ jlo owhé lẹ lọsu bo nọ yí yé; Yé nọ yí owhé mẹtọn gbọn mẹhodu dali,+ Yèdọ ogú mẹdevo tọn.   Enẹwutu, nuhe Jehovah dọ die: ‘Yẹn to ayiha nugbajẹmẹji+ he mẹ mì ma sọgan họ̀ngán+ sọn* de tọn kàn sọta whẹndo ehe. Mì ma nasọ nọ yí sakla do zinzọnlin ba,+ na ojlẹ nugbajẹmẹji tọn de wẹ.+   Gbẹtọ lẹ na nọ dọ ohó milomilo de gando mì go to azán enẹ gbè, Yé nasọ nọ doavihàn do mì ji sinsinyẹn.+ Yé na dọmọ: “Mí ko yin huhusudo pete!+ E jo mimá omẹ ṣie lẹ tọn hlan mẹdevo lẹ—lehe e de e sẹ̀ sọn dè e do sọ!+ Mẹhe ma yin nugbonọ wẹ e na aigba mítọn lẹ.”   Enẹwutu, hiẹ ma na mọ mẹde he na dlẹn nujlẹkàn, Nado má aigba lọ to agun Jehovah tọn mẹ.   “Mì dọyẹwheho ba blo!” wẹ yé nọ dọ, “Yé ma dona dọyẹwheho onú ehelẹ tọn; Winyan ma na hù mí!”   Owhé Jakọbu tọn E, mì ko sè bọ gbẹtọ lẹ nọ dọmọ: “Be gbigbọ Jehovah tọn ma nọ whesọ ba wẹ ya? Be nuyiwa etọn lẹ die ya?” Be ohó ṣie titi lẹ ma nọ wà dagbe na mẹhe to zọnlin jijlọ zìn lẹ ya?   Ṣigba, omẹ ṣie titi lẹ ko fọ́n do ji e taidi kẹntọ de to agọe. Mìwlẹ nọ hò aṣọ́donu he yọnwhanpẹ lẹ yí sọn awugbó Mẹhe yí adọgbigbo do juwajei taidi mẹhe lẹkọ sọn awhàn lẹ tọn go.   Mìwlẹ yàn yọnnu omẹ ṣie lẹ tọn sọn owhé yiwanna yetọn lẹ gbè; Mìwlẹ yí whanpẹ daho ṣie sọn ovi yetọn lẹ si kakadoi. 10  Fọ́n bo yì, na file ma yin gbọjẹtẹn de. Na mawé+ wutu, vasudo wẹ tin, yèdọ vasudo sinsinyẹn de.+ 11  Eyin mẹde zinzọnlin hodo jẹhọn po oklọ po bo dolalo ehe dọmọ: “Yẹn na dọyẹwheho na mì gando ovẹn po ahàn sinsinyẹn po go,” Be ewọ wẹ na yin yẹwhehodọtọ omẹ ehelẹ tọn!+ 12  Jakọbu E, e họnwun dọ yẹn na bẹ mìmẹpo pli; E họnwun dọ n’na bẹ pipotọ Islaeli tọn pli dopọ.+ Yẹn na bẹ yé pli to kọndopọ mẹ, taidi lẹngbọ lẹ to apó de mẹ, Taidi lẹngbọpa de to kanlindugbo etọn mẹ;+ E na gọ́ na awhágbe gbẹtọ lẹ tọn.’+ 13  Mẹhe to nulẹ gbà sẹ̀ na to nukọnna yé; Yé na gbà nulẹ sẹ̀ bo na gbọn họngbo lọ nù bo nasọ tọ́n gbọn e nù.+ Ahọlu yetọn na jẹnukọnna yé gbọn họngbo lọ nù, Bọ Jehovah na yin nukọntọ yetọn.”+

Nudọnamẹ Odò Tọn

To paa mẹ, “sọgan de okọ̀ mìtọn sọn.”