Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Matiu 23:1-39

NUHE E BẸHẸN LẸ

  • Mì hodo apajlẹ wekantọ po Falesi lẹ po tọn blo (1-12)

  • Dindọn hlan wekantọ po Falesi lẹ po (13-36)

  • Jesu viavi do Jelusalẹm ji  (37-39)

23  To whenẹnu, Jesu dọhona gbẹtọgun lọ lẹ po devi etọn lẹ po dọmọ:  “Wekantọ lẹ po Falesi lẹ po ko ze yede sinai do aisintẹn Mose tọn mẹ.  Enẹwutu, mì nọ wà bosọ nọ payi nuhe yé dọna mì lẹpo go, ṣigba mì yinuwa kẹdẹdi walọ yetọn lẹ blo, na yé nọ dọ ṣigba yé ma nọ wà nuhe yé dọ.+  Yé nọ blá agbàn pinpẹn lẹ bo nọ ze yé do abọ́ gbẹtọ lẹ tọn ji,+ ṣigba yelọsu lẹ ma nọ jlo nado do alọvi yetọn e go.+  Azọ́n he yé nọ wà lẹpo, yé nọ wà yé na gbẹtọ lẹ nido mọ yé,+ na yé nọ hẹn ayúpò yetọn he mẹ adà Owe-wiwe tọn lẹ nọ yin bibẹdo, ehe yé nọ sìn taidi hihọ́-basinamẹnu lẹ gblodeji,+ bosọ nọ hẹn okẹ̀yẹ̀ awù yetọn tọn lẹ dite dogọ.+  Yé nọ yiwanna otẹn nukundeji lẹ to hùnwhẹ lẹ tẹnmẹ po aisintẹn nukọn tọn* lẹ po to sinagọgu lẹ mẹ+  bosọ nọ jlo nado yin nudọdo po sisi po to ahi lẹ mẹ podọ nado nọ yin yiylọdọ Labi* gbọn gbẹtọ lẹ dali.  Ṣigba mìwlẹ, mì dike yè ylọ mì dọ Labi blo, na mẹdopo wẹ yin Mẹplọntọ mìtọn,+ bọ mìmẹpo yin mẹmẹsunnu lẹ.  Humọ, mì ylọ mẹde dọ otọ́ mìtọn to aigba ji blo, na mẹdopo wẹ yin Otọ́ mìtọn,+ yèdọ Ewọ he to olọn lọ. 10  Mọdopolọ, mì dike yè ylọ mì dọ nukọntọ blo, na Nukọntọ dopo wẹ mì tindo, yèdọ Klisti lọ. 11  Ṣigba, mẹhe klohugan to mì mẹ dona yin lizọnyitọ mìtọn.+ 12  Mẹdepope he ze ede daga wẹ yè na whiwhẹ,+ podọ mẹdepope he whiwhẹ ede wẹ yè na zedaga.+ 13  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ sú ohọ̀n Ahọluduta olọn tọn to gbẹtọ lẹ nukọn; na mìlọsu lẹ ma biọ e mẹ, mọdopolọ mì masọ na dotẹnmẹ mẹhe to na biọ e mẹ lẹ nado biọ e mẹ.+ 14  *—— 15  “Dindọn hlan mì, wekantọ lẹ po Falesi lẹ po, mì yẹnuwatọ lẹ!+ na mì nọ zingbejizọnlin gbọn ohù po aigba-klo po ji nado diọ mẹdopo zun Ju bọ whenue ewọ ko diọ zun Ju de, mì nọ hẹn ẹn nado jẹna Gẹhẹnna* whla awe hú mìlọsu. 16  “Dindọn hlan mì, mì alihiamẹtọ nukuntọ́nnọ lẹ,+ he nọ dọ dọ, ‘Eyin mẹde yí tẹmpli lọ do whlé, e ma yin nude; ṣigba eyin mẹde yí sika tẹmpli lọ tọn do whlé, e to dandannu glọ.’+ 17  Mì nulunọ podọ nukuntọ́nnọ lẹ emi! Detẹ wẹ yin nujọnu hugan taun, sika lọ kavi tẹmpli lọ he klan sika lọ do wiwe? 18  Humọ, mì sọ nọ dọ, ‘Eyin mẹde yí agbà lọ do whlé, e ma yin nude; ṣigba eyin mẹde yí nunina he to e ji do whlé, e to dandannu glọ.’ 19  Mì nukuntọ́nnọ lẹ emi! Detẹ wẹ yin nujọnu hugan taun, nunina lọ kavi agbà lọ he klan nunina lọ do wiwe? 20  Enẹwutu, mẹdepope he yí agbà lọ do whlé to yíyí agbà lọ po nuhe to e ji lẹpo po do whlé; 21  podọ mẹdepope he yí tẹmpli lọ do whlé to yíyí tẹmpli lọ po Mẹhe nọ nọ̀ e mẹ po do whlé;+ 22  podọ mẹdepope he yí olọn do whlé to yíyí ofìn Jiwheyẹwhe tọn po Mẹhe sinai to e ji po do whlé. 23  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ na mado-ao mẹnti, nuwhẹ́nkun aneti po nuwhẹ́nkun kumini po tọn,+ ṣigba mì ko yí nukunpẹvi do pọ́n nuhe yin nujọnu hugan to Osẹ́n lọ mẹ lẹ, yèdọ whẹdida dodo,+ lẹblanu+ po nugbonọ-yinyin po. Onú ehelẹ wiwà wẹ yin dandan, ṣogan yè ma dona yí nukunpẹvi do pọ́n nuhe pò lẹ.+ 24  Mì alihiamẹtọ nukuntọ́nnọ lẹ,+ he nọ hú jẹhli sẹ̀+ bo ka nọ ze kanklosọ́ mì!+ 25  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ klọ́ gbonu kọfo po agbánvla po tọn wé,+ ṣigba to homẹ, yé gọ́ na nukunkẹn*+ po wazẹjlẹgo po.+ 26  Hiẹ Falesi nukuntọ́nnọ, klọ́ homẹ kọfo po agbánvla po tọn wé whẹ́, na gbonu etọn nido lẹzun wiwe ga. 27  “Dindọn hlan mì, wekantọ lẹ po Falesi lẹ po, mì yẹnuwatọ lẹ!+ na mì taidi yọdò he yè sá onú wewe do lẹ,+ ehe na taun tọn, nọ sọawuhia to gbonu di nuhe yọnwhanpẹ ṣigba to homẹ, nọ gọ́ na ohú mẹkúkú lẹ tọn po onú mawé wunmẹ lẹpo po. 28  Mọdopolọ, mì nọ sọawuhia to gbonu di dodonọ to gbẹtọ lẹ nukunmẹ, ṣigba to homẹ, mì gọ́ na yẹnuwiwa po sẹ́nhẹngba po.+ 29  “Dindọn hlan mì, wekantọ lẹ po Falesi lẹ po, mì yẹnuwatọ lẹ!+ na mì nọ do yọdò* yẹwhegán lẹ tọn bo nọ doaṣọ́na yọdò dodonọ lẹ tọn,+ 30  podọ mì nọ dọ dọ, ‘Eyin azán tọgbo mítọn lẹ tọn lẹ gbè wẹ míwlẹ ko nọgbẹ̀ te, mí ma na ko kọnawudopọ hẹ yé to ohùn yẹwhegán lẹ tọn sinsọndai mẹ.’ 31  Gbọnmọ dali, mì to kunnude sọta mìdelẹ dọ ovi mẹhe hù yẹwhegán lẹ tọn lẹ wẹ mì yin.+ 32  Eyọn, mì bo hẹn nujlẹnu tọgbo mìtọn lẹ tọn gọ́ todin. 33  “Mì odàn po ovi amàpoe tọn lẹ po emi,+ nawẹ mì na họ̀ngán sọn whẹdida Gẹhẹnna* tọn mẹ gbọn?+ 34  Na ehe wutu, yẹn to yẹwhegán lẹ,+ nuyọnẹntọ lẹ po nuplọnmẹtọ gbangba tọn lẹ po dohlan mì.+ Mì na hù delẹ to yé mẹ+ bo whè delẹ do pòtin go, podọ mì na hò delẹ to yé mẹ+ to sinagọgu mìtọn lẹ mẹ bo dohomẹkẹn delẹ+ sọn tòdaho de mẹ jẹ tòdaho de mẹ, 35  na ohùn dodonọ lẹ tọn he ko yin sinsọndai to aigba ji lẹpo nido wá mì ji, yèdọ sọn ohùn Abẹli+ dodonọ lọ tọn ji kakajẹ ohùn Zekalia visunnu Balakia tọn ji, mẹhe mìwlẹ hù to fiwiwe lọ po agbà lọ po ṣẹnṣẹn.+ 36  Nugbo wẹ yẹn dọna mì dọ, onú ehe lẹpo na jọ do whẹndo ehe go. 37  “Jelusalẹm, Jelusalẹm E, hiẹ he nọ hù yẹwhegán lẹ bo nọ dlan zannu do mẹhe yin didohlan we lẹ+—whla nẹmu wẹ yẹn ko jlo nado bẹ ovi towe lẹ pli dile koklosi de nọ bẹ ovi etọn lẹ pli do awà etọn lẹ glọ do! Ṣigba, mìwlẹ ma jlo domọ.+ 38  Mì pọ́n! Owhé* mìtọn ko yin jijodai na mì.*+ 39  Na yẹn dọna mì dọ, bẹsọn din, mìwlẹ ma nasọ mọ mi ba kaka mì nado dọ, ‘Donanọ wẹ mẹlọ he ja to oyín Jehovah* tọn mẹ!’”+

Nudọnamẹ Odò Tọn

Kavi “he yọ́n hugan.”
Kavi “Mẹplọntọ.”
Pọ́n Nud. A3.
Pọ́n Zẹm.
Kavi “ogblànnu.”
Kavi “yọdò oflin tọn.”
Pọ́n Zẹm.
To paa mẹ, “Tẹmpli.”
Kavi vlavo, “ko yin jijodai na mì to vọjijẹ mẹ.”
Pọ́n Nud. A5.