Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Matiu 13:1-58

NUHE E BẸHẸN LẸ

  • APAJLẸ LẸ GANDO AHỌLUDUTA LỌ GO (1-52)

    • Nudotọ lọ (1-9)

    • Nuhewutu Jesu yí apajlẹ lẹ zan (10-17)

    • Zẹẹmẹ apajlẹ nudotọ tọn (18-23)

    • Likun lọ po ogbé ylankan lẹ po (24-30)

    • Okún mutaldi tọn po otọ́n po (31-33)

    • Apajlẹ lẹ yiyizan hẹn dọdai di (34, 35)

    • Zẹẹmẹ apajlẹ likun po ogbé ylankan lẹ po tọn (36-43)

    •  Adọkunnu whiwhla po peali dagbedagbe po (44-46)

    • Odọ̀-gbó (47-50)

    • Adọkunnu yọyọ po hoho po (51, 52)

  • Yé gbẹ́ Jesu dai to otò etọn mẹ (53-58)

13  To azán enẹ gbè, Jesu tọ́n sọn whégbè bo sinai to ohù lọ tó.  Gbẹtọgun daho lẹ sọ pli do e dè sọmọ bọ e biọ tọjihun de mẹ bo sinai, bọ gbẹtọgun lọ lẹpo to ote to huto.+  To whenẹnu, e dọ nususu na yé gbọn apajlẹ lẹ dali,+ dọmọ: “Mì pọ́n! Nudotọ de tọ́nyi nado donú.+  Dile e to núdo, okún delẹ flẹ jẹ alitó, bọ ohẹ̀ lẹ wá bo ṣinyan yé dù.+  Devo lẹ flẹ jẹ osé-yigba ji fie okọ́ ma sù te, yé sọ tọ́nkun to afọdopolọji, na okọ́ lọ ma siso wutu.+  Ṣigba, to whenue owhè zẹ̀, yé fiọ, podọ yé hú na yé ma tindo adọ̀ wutu.  Devo lẹ flẹ jẹ owùn lẹ ṣẹnṣẹn, owùn lẹ sọ tọ́n bo gbidikọna yé.+  Ṣogan, devo lẹ flẹ jẹ aigba dagbe ji, podọ yé jẹ sinsẹ́n detọ́n ji, yèdọ ode donu 100, devo 60, podọ devo 30.+  Mì gbọ mẹhe tindo otó ni dotoai.”+ 10  Enẹwutu, devi lẹ wá bo dọna ẹn dọmọ: “Naegbọn hiẹ do nọ dọhona yé gbọn apajlẹ lẹ yiyizan dali?”+ 11  E gblọn dọmọ: “Mìwlẹ wẹ e ko yin nina nado mọnukunnujẹ aṣli wiwe+ Ahọluduta olọn tọn lẹ mẹ, ṣigba e ma ko yin nina yewlẹ gba. 12  Na mẹdepope he tindo, e na yin nina ẹn dogọ bọ ewọ na tindo susugege; ṣigba mẹdepope he ma tindo, yèdọ nuhe e tlẹ tindo na yin yíyí sọn e si.+ 13  Enẹwutu wẹ yẹn do nọ dọhona yé gbọn apajlẹ lẹ yiyizan dali; na, to pinpọn mẹ, yé nọ pọ́n to ovọ́ mẹ, podọ to sisè mẹ, yé nọ sè to ovọ́ mẹ, mọjanwẹ yé masọ nọ mọnukunnujẹ zẹẹmẹ etọn mẹ do niyẹn.+ 14  Podọ dọdai Isaia tọn lọ to hẹndi mọyi gando yé go. E dọmọ: ‘Na nugbo tọn, mìwlẹ na sè, ṣigba mì ma na mọnukunnujẹemẹ to aliho depope mẹ, podọ na nugbo tọn, mìwlẹ na pọ́n, ṣigba mì ma na mọ to aliho depope mẹ.+ 15  Na ahun omẹ ehelẹ tọn ko sinyẹn, podọ yé ko yí otó yetọn lẹ do sè ṣogan bo ma yinuwa, podọ yé ko miọn nukun yetọn lẹ, na yé ma nado yí nukun yetọn lẹ do mọnú bo yí otó yetọn lẹ do sènu bosọ yí ahun yetọn lẹ do mọnukunnujẹemẹ gbede, na yé nikaa lẹkọ bọ yẹn nado hẹnazọ̀ngbọna yé.’+ 16  “Ṣigba, ayajẹnọ wẹ mìwlẹ na nukun mìtọn lẹ mọnú bọ otó mìtọn lẹ sènu.+ 17  Na nugbo wẹ yẹn dọna mì dọ, yẹwhegán po dodonọ susu po wẹ ko jlo nado mọ nuhe mìwlẹ to mimọ ṣigba bo ma mọ,+ podọ nado sè nuhe mìwlẹ to sisè ṣigba bo ma sè. 18  “Todin, mì dotoaina apajlẹ dawe he donú lọ tọn.+ 19  To whenue mẹdepope sè ohó Ahọluduta lọ tọn ṣigba bo ma mọnukunnujẹ zẹẹmẹ etọn mẹ, mẹylankan lọ+ nọ wá bo nọ hò nuhe ko yin dido do ahun etọn mẹ lọ yí; ehe wẹ dehe yin dido do alitó lọ.+ 20  Na nuhe dù dehe yin dido do osé-yigba ji, ehe wẹ mẹhe sè ohó lọ bosọ yí ayajẹ do kẹalọyi i to afọdopolọji.+ 21  Ṣogan, ohó lọ ma doadọ̀do to ewọ mẹ, ṣigba e gbọṣi aimẹ na ojlẹ de, podọ to whenue nukunbibia po homẹkẹn po ko fọ́n na ohó lọ tọn wutu godo, e dahli to afọdopolọji. 22  Na nuhe dù dehe yin dido do owùn lẹ ṣẹnṣẹn, ehe wẹ mẹhe sè ohó lọ, ṣigba magbọjẹ titonu* ehe tọn lẹ+ po huhlọn mẹkiklọ adọkunnu lẹ tọn po gbidikọna ohó lọ, bọ e ma de sinsẹ́n tọ́n.+ 23  Na nuhe dù dehe yin dido do aigba dagbe ji, ehe wẹ mẹhe sè ohó lọ bo mọnukunnujẹ zẹẹmẹ etọn mẹ, bosọ sẹ́n bo de sinsẹ́n tọ́n taun, yèdọ ode donu 100, devo 60, podọ devo 30.”+ 24  E na yé apajlẹ devo dọmọ: “Ahọluduta olọn tọn sọgan yin yiyijlẹdo dawe de go, he do okún dagbe do ogle etọn mẹ. 25  To whenuena gbẹtọ lẹ to amlọndọ, kẹntọ etọn wá bo do ogbé ylankan lẹ do likun lọ lẹ ṣẹnṣẹn bosọ tọ́nyi. 26  To whenue likun lọ tọ́n amà bo de sinsẹ́n tọ́n, to whenẹnu, ogbé ylankan lọ lẹ sọawuhia ga. 27  Enẹwutu, afanumẹ klunọ whédo lọ tọn lẹ wá bo dọna ẹn dọ, ‘Klunọ, be e ma yin okún dagbe wẹ hiẹ do dó ogle towe mẹ ya? To whelọnu lo, nawẹ e wagbọn do tindo ogbé ylankan lẹ?’ 28  E dọna yé dọ, ‘Dawe de, yèdọ kẹntọ de wẹ wà ehe.’+ Afanumẹ lọ lẹ sọ dọna ẹn dọmọ, ‘Todin, be hiẹ jlo dọ mí ni tọ́nyi bo họ̀n yé sẹ̀ ya?’ 29  E dọmọ, ‘Lala, na mì nikaa họ̀nadọna likun lẹ to whenue mì to ogbé ylankan lẹ họ̀n. 30  Mì gbọ awe lẹ ni whẹ́n dopọ jẹ jibẹwawhé whenu, podọ to jibẹwawhé whenu, yẹn na dọna jibẹwawhétọ lẹ dọ: Mì bẹ ogbé ylankan lẹ pli whẹ́ bo blá yé do kọnu-kọnu nado fiọ yé; enẹgodo mì bẹ likun lẹ pli do agbànhọ ṣie mẹ.’”+ 31  E na yé apajlẹ devo dọmọ: “Ahọluduta olọn tọn tin taidi okún mutaldi tọn* de, he dawe de ze bo do dó ogle etọn mẹ.+ 32  Na taun tọn, okún ehe wẹ whè hugan to okún lẹpo mẹ, ṣigba to whenuena e whẹ́n, e nọ klohugan omá lẹpo bo nọ lẹzun atin de, sọmọ bọ ohẹ̀ agahomẹ tọn lẹ nọ wá nọ alà etọn lẹ ji.” 33  E na yé apajlẹ devo dọmọ: “Ahọluduta olọn tọn tin taidi otọ́n, he yọnnu de yí bo yàn ẹn dopọ po linfin he sù sọ nujlẹka daho atọ̀n po kaka linfin lọ pete do fọ́n.”+ 34  Onú ehe lẹpo wẹ Jesu dọna gbẹtọgun lọ lẹ gbọn apajlẹ lẹ dali. Na nugbo tọn, ewọ ma nọ dọho de na yé matin apajlẹ,+ 35  na nuhe yin didọ gbọn yẹwhegán lọ gblamẹ nido sọgan yin hinhẹndi, dọmọ: “Yẹn na yí apajlẹ lẹ do dọho; yẹn na lá nuhe ko yin whiwhla sọn whenue gbọ́n aihọn ko yin didoai lẹ.”+ 36  Enẹgodo, whenuena e ko do gbẹtọgun lẹ hlan godo, e biọ whégbè. Devi etọn lẹ sọ wá e dè bo dọmọ: “Basi zẹẹmẹ apajlẹ ogbé ylankan he to glemẹ lọ lẹ tọn na mí.” 37  E gblọn dọmọ: “Visunnu gbẹtọ tọn wẹ yin nudotọ okún dagbe lọ tọn; 38  ogle lọ wẹ aihọn.+ Na nuhe dù okún dagbe lọ, ehelẹ wẹ ovi Ahọluduta lọ tọn lẹ, ṣigba ogbé ylankan lọ lẹ wẹ ovi mẹylankan lọ tọn lẹ,+ 39  podọ kẹntọ he do yé lọ wẹ Lẹgba. Jibẹwawhé lọ wẹ vivọnu titonu* de tọn, podọ jibẹwawhétọ lọ lẹ wẹ angẹli lẹ. 40  Enẹwutu, kẹdẹdile ogbé ylankan lẹ yin bibẹpli bo yin fifiọ po miyọ́n po do, mọkẹdẹ wẹ e na te do to vivọnu titonu* lọ tọn.+ 41  Visunnu gbẹtọ tọn na do angẹli etọn lẹ hlan bọ yé na bẹ nuhe nọ hẹnmẹ dahli lẹ po mẹhe nọ to sẹ́nhẹngba lẹpo po sẹ̀ sọn Ahọluduta etọn mẹ, 42  podọ yé na dọ̀n yé dlan zòhọ miyọ́n tọn mẹ.+ Finẹ wẹ yé na viavi bo dù adúkúnkún te. 43  To ojlẹ enẹ mẹ, dodonọ lẹ na to sisẹ́ mlanmlan taidi owhè+ to Ahọluduta Otọ́ yetọn tọn mẹ. Mì gbọ mẹhe tindo otó ni dotoai. 44  “Ahọluduta olọn tọn tin taidi adọkunnu de, he yin whiwhla do ogle de mẹ, ehe dawe de mọ bo ze whlá; podọ na ayajẹ he e tindo wutu, e yì bo sà nuhe e tindo lẹpo bosọ họ̀ ogle lọ.+ 45  “Humọ, Ahọluduta olọn tọn tin taidi ajọwatọ tomẹyitọ de he to peali dagbe lẹ dín. 46  To whenuena e mọ peali he họakuẹ tlala de, e yì bo yawu sà nuhe e tindo lẹpo bosọ họ̀ ẹ.+ 47  “Humọ, Ahọluduta olọn tọn tin taidi odọ̀-gbó de he yin yìnyìn do hùmẹ he to whèvi wunmẹ lẹpo bẹpli. 48  To whenue e gọ́, yé dọ̀n ẹn wá agé, podọ to whenue yé sinai, yé bẹ dehe yọ́n lẹ+ do ohà mẹ, ṣigba yé bẹ dehe ma yọ́n lẹ+ dlan. 49  Mọkẹdẹ wẹ e na te do to vivọnu titonu* lọ tọn. Angẹli lẹ na tọ́nyi bo klan mẹylankan lẹ dovo na dodonọ lẹ 50  bo nasọ bẹ mẹylankan lẹ dlan do zòhọ miyọ́n tọn lọ mẹ. Finẹ wẹ yé na viavi bo dù adúkúnkún te. 51  “Be mì mọnukunnujẹ zẹẹmẹ onú ehe lẹpo tọn mẹ ya?” Yé dọna ẹn dọ: “Mọwẹ.” 52  Whenẹnu wẹ e dọna yé dọmọ: “To whelọnu lo, nuplọnmẹtọ gbangba tọn depope he yin nuplọn gando Ahọluduta olọn tọn go tin taidi dawe de, yèdọ klunọ whédo tọn de, he nọ de onú yọyọ lẹ po hoho lẹ po tọ́n sọn adọkunnu sẹdotẹn etọn mẹ.” 53  To whenue Jesu ko dotana apajlẹ ehelẹ, e tọ́nyi sọn finẹ. 54  To whenue e ko wá otò etọn titi mẹ godo,+ e jẹ nuplọn yé ji to sinagọgu yetọn mẹ, sọmọ bọ awuji yé bọ yé dọmọ: “Fie wẹ dawe ehe hẹn nuyọnẹn ehe po azọ́n huhlọnnọ ehelẹ po sọn?+ 55  Be e ma yin visunnu whlẹpatọ lọ tọn die?+ Be e ma yin onọ̀ etọn wẹ nọ yin Malia, podọ nọvisunnu etọn lẹ wẹ Jakọbu, Josẹfu, Simọni po Juda po ya?+ 56  Podọ nọviyọnnu etọn lẹ, be yemẹpo ma tin tofi po mí po ya? To whelọnu lo, fie wẹ e hẹn onú ehe lẹpo sọn?”+ 57  Enẹwutu, yé jẹ ahlida ji, na ewọ tọn wutu.+ Ṣigba, Jesu dọna yé dọmọ: “Yẹwhegán de ma nọ gọ̀n ma doyẹyi adavo to otò etọn titi mẹ podọ to owhé etọn titi gbè.”+ 58  Podọ ewọ ma wà azọ́n huhlọnnọ susu to finẹ, na yise matindo yetọn wutu.

Nudọnamẹ Odò Tọn

Kavi “ojlẹ.” Pọ́n Zẹm.
Okún he whè hugan de he nọ yin mimọ to Palestine. Atin etọn sọgan dite na nudi m 4 bo nọ tindo alà lẹ.
Kavi “ojlẹ.” Pọ́n Zẹm.
Kavi “ojlẹ.” Pọ́n Zẹm.
Kavi “ojlẹ.” Pọ́n Zẹm.