Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Matiu 1:1-25

NUHE E BẸHẸN LẸ

  • Kúnkan whẹndo tọn Jesu Klisti tọn (1-17)

  • Jiji Jesu tọn (18-25)

1  Owe otàn* Jesu Klisti,* visunnu Davidi tọn,+ visunnu Ablaham tọn:+   Ablaham ji Isaki;+ Isaki ji Jakọbu;+ Jakọbu ji Juda+ po nọvisunnu etọn lẹ po;   Juda ji Pelẹzi po Zela+ po gbọn Tamali dali; Pelẹzi ji Hẹzloni;+ Hẹzloni ji Lami;+   Lami ji Aminadabi; Aminadabi ji Naṣọni;+ Naṣọni ji Salmọni;   Salmọni ji Boazi gbọn Lahabi dali;+ Boazi ji Obẹdi gbọn Luti dali;+ Obẹdi ji Jẹsse;+   Jẹsse ji Davidi+ ahọlu lọ. Davidi ji Sọlomọni+ gbọn asi Ulia tọn dali;   Sọlomọni ji Lehoboami;+ Lehoboami ji Abija; Abija ji Asa;+   Asa ji Jehoṣafati;+ Jehoṣafati ji Jeholami;+ Jeholami ji Uzia;   Uzia ji Jotami;+ Jotami ji Ahazi;+ Ahazi ji Hẹzekia;+ 10  Hẹzekia ji Manasse;+ Manasse ji Amọni;+ Amọni ji Josia;+ 11  Josia+ ji Jẹkonia+ po nọvisunnu etọn lẹ po to omẹ lẹ bibẹ sọyi Babilọni whenu.+ 12  To omẹ lẹ bibẹ sọyi Babilọni godo, Jẹkonia ji Ṣealtiẹli; Ṣealtiẹli ji Zelubabẹli;+ 13  Zelubabẹli ji Abiudi; Abiudi ji Eliakimi; Eliakimi ji Azoli; 14  Azoli ji Zadọki; Zadọki ji Akimi; Akimi ji Eliudi; 15  Eliudi ji Eleazali; Eleazali ji Matani; Matani ji Jakọbu; 16  Jakọbu ji Josẹfu he yin asu Malia tọn, mẹhe ji Jesu+ he yin yiylọdọ Klisti lọ.+ 17  Gbọnmọ dali, whẹndo lẹpo sọn Ablaham ji kakajẹ Davidi ji yin whẹndo 14; sọn Davidi ji kakajẹ omẹ lẹ bibẹ sọyi Babilọni whenu yin whẹndo 14; sọn omẹ lẹ bibẹ sọyi Babilọni whenu kakajẹ Klisti ji yin whẹndo 14. 18  Ṣigba, aliho he mẹ Jesu Klisti yin jiji te die. To ojlẹ he mẹ Malia onọ̀ etọn ko dopà alọwle tọn* na Josẹfu, e yin mimọ nado to ohò gbọn gbigbọ wiwe* dali+ whẹpo yé do jẹpọ. 19  Etomọṣo, na asu etọn Josẹfu yin dodonọ bo ma jlo na dowinyan ẹn to gbangba wutu, e lẹn nado gbẹ́ ẹ dai to nuglọ.+ 20  Ṣigba, to whenuena ewọ ko lẹnnupọndo onú ehelẹ ji pó godo, pọ́n! angẹli Jehovah* tọn sọawuhia ẹ to odlọ mẹ, bo dọmọ: “Josẹfu, visunnu Davidi tọn, a dibu nado plan asi towe Malia do whégbè blo, na ohò he e mọ lọ yin gbọn gbigbọ wiwe dali.+ 21  Ewọ na ji visunnu de, podọ hiẹ dona ylọ oyín etọn dọ Jesu,*+ na e na whlẹn omẹ etọn lẹ sọn ylando yetọn lẹ mẹ.”+ 22  Ehe lẹpo jọ na taun tọn, na nuhe Jehovah* ko dọ gbọn yẹwhegán etọn gblamẹ nido yin hinhẹndi, dọmọ: 23  “Pọ́n! Awhli* lọ na mọhò bo na ji visunnu de, bọ yé na ylọ oyín etọn dọ Emmanuẹli,”+ ehe lẹdogbedevomẹ etọn zẹẹmẹdo, “Jiwheyẹwhe Tin hẹ Mí.”+ 24  To enẹgodo, Josẹfu fọ́n sọn amlọn etọn mẹ bo basi kẹdẹdile angẹli Jehovah* tọn ko degbena ẹn do, podọ e plan asi etọn do whégbè. 25  Ṣigba, e ma tindo kọndopọ zanhẹmẹ tọn hẹ ẹ kaka ewọ do ji visunnu de,+ bọ e ylọ oyín etọn dọ Jesu.+

Nudọnamẹ Odò Tọn

Kavi “kúnkan whẹndo tọn.”
Kavi “Mẹsia lọ; Mẹyiamisisadode lọ.”
Kavi “ko yin asi-mọdo-aliji.”
Kavi “huhlọn-yido-wazọ́n.”
Ofi tintan die to ofi voovo 237 he yinkọ Jiwheyẹwhe tọn, Jehovah, sọawuhia te to wefọ Owe-Wiwe Glẹki tọn lẹ mẹ to lẹdogbedevomẹ ehe mẹ. Pọ́n Nud. A5.
Sọgbe hẹ yinkọ Heblugbe tọn lọ Jeṣua, kavi Jọṣua, he zẹẹmẹdo “Jehovah Wẹ Whlẹngán.”
Pọ́n Nud. A5.
Hogbe Glẹkigbe tọn lọ dlẹnalọdo yọnnu de he ma ko yọ́n sunnu pọ́n.
Pọ́n Nud. A5.