Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malku 3:1-35

NUHE E BẸHẸN LẸ

  • Dawe he alọ etọn kúsẹ́ de jẹgangan (1-6)

  • Gbẹtọgun daho de to huto (7-12)

  • Apọsteli 12 lẹ (13-19)

  • Nùzinzan do gbigbọ wiwe go (20-30)

  • Onọ̀ po nọvisunnu Jesu tọn lẹ po (31-35)

3  Whladopo dogọ, e biọ sinagọgu mẹ, podọ dawe de he alọ etọn kúsẹ́ tin to finẹ.+  Enẹwutu, yé to ṣiṣọ́ ẹ sinsinyẹn nado pọ́n eyin e na hẹnazọ̀ngbọna dawe lọ to Gbọjẹzangbe, na yé nido sọgan sawhẹdokọna ẹn.  E sọ dọna dawe he alọ etọn kúsẹ́ lọ dọmọ: “Fọnṣite bo wá ṣẹnṣẹn.”  Enẹgodo, e dọna yé dọmọ: “Be e sọgbe hẹ osẹ́n nado wà dagbe kavi nado wà oylan, nado whlẹn ogbẹ̀* kavi nado hù i to Gbọjẹzangbe ya?”+ Ṣigba, yé ma kẹnù.  Whenue e pọ́n yé hlan lẹdo pé po homẹgble po godo, na sinsinyẹn ahun yetọn tọn wutu,+ e blawu tlala, bọ e dọna dawe lọ dọmọ: “Dlẹnalọ towe.” Ewọ sọ dlẹn ẹn, bọ alọ etọn yin hinhẹn gọ̀ jẹgangan.  Enẹwutu, Falesi lẹ tọ́nyi bo dewé sọta ẹ to afọdopolọji hẹ mẹhe tin to ogbẹ́ Hẹlọdi tọn mẹ lẹ,+ nado hù i.  Ṣigba, Jesu po devi etọn lẹ po tọ́n sọn finẹ yì huto, gbẹtọgun daho de sọn Galili podọ sọn Jude sọ hodo e.+  Gbẹtọgun daho de tlẹ sọ wá e dè sọn Jelusalẹm, sọn Idumia, sọn Jọdani godo podọ sọn lẹdo Tile po Sidoni po tọn mẹ, to whenue yé sè nususu he e to wiwà lẹ.  E sọ dọna devi etọn lẹ nado wleawuna tọjihun pẹvi de dote na ẹn, na gbẹtọgun lọ nikaa doawhàn wá e ji. 10  Na e ko hẹnazọ̀ngbọna mẹsusu wutu, mẹhe to azọ̀n sinsinyẹn jẹ lẹpo to wiwọ̀ wá e dè nado doalọ e go.+ 11  Whedepopenu he gbigbọ mawé lẹ+ lọsu tlẹ mọ ẹn, yé nọ ṣinyọ́n nukunmẹ ai to nukọn etọn, bo nọ dawhá dọmọ: “Hiẹ wẹ Visunnu Jiwheyẹwhe tọn.”+ 12  Ṣigba, e nọ dosẹ́n na yé sinsinyẹn podọ pludopludo ma nado hẹn ewọ zun yinyọnẹn.+ 13  Todin, e yì osó de ji bo ylọ mẹhe jlo e lẹpo,+ yé sọ wá e dè.+ 14  Podọ e wleawuna* pipli omẹ 12 tọn de, he e sọ ylọdọ apọsteli lẹ, mẹhe na nọ zọnhẹ ẹ podọ mẹhe e na nọ dohlan nado dọyẹwheho 15  bo tindo aṣẹ nado nọ yàn aovi lẹ jẹgbonu.+ 16  Podọ pipli omẹ 12 tọn+ he e wleawuna* lọ wẹ Simọni, mẹhe e sọ ylọdọ Pita,+ 17  Jakọbu visunnu Zebede tọn podọ Johanu nọvisunnu Jakọbu tọn (e sọ ylọ yé dọ Boanege, he zẹẹmẹdo “Visunnu Hẹviosò tọn lẹ”),+ 18  Andle, Filipi, Batelemi, Matiu, Tọmasi, Jakọbu visunnu Alfe tọn, Tade, Simọni Kananinu* lọ, 19  podọ Juda Iskaliọti, mẹhe de e hia to godo mẹ. Enẹgodo, e biọ owhé de gbè, 20  gbẹtọgun lọ sọ pli whladopo dogọ, sọmọ bọ yé ma penugo nado tlẹ dùnú. 21  Ṣigba, to whenue hẹnnumẹ etọn lẹ sè ehe, yé tọ́nyi nado wle e, na yé to didọ dọ: “E ko hùnalẹ̀.”+ 22  Humọ, wekantọ lẹ he wá sọn Jelusalẹm to didọmọ: “E tindo Beẹlzebuli,* podọ ogán aovi lẹ tọn wẹ e nọ yí do yàn aovi lẹ jẹgbonu.”+ 23  Enẹwutu, to whenue e ko ylọ yé wá ede dè godo, e yí apajlẹ lẹ do dọhona yé dọmọ: “Nawẹ Satani sọgan yàn Satani jẹgbonu gbọn? 24  Eyin ahọluduta de klan sọta ede, ahọluduta enẹ ma sọgan nọte;+ 25  podọ eyin owhé de klan sọta ede, owhé enẹ ma na penugo nado nọte. 26  Humọ, eyin Satani fọ́n sọta ede bo klan, e ma sọgan nọte, ṣigba e na wá opodo. 27  Na nugbo tọn, mẹdepope he biọ owhé dawe huhlọnnọ de tọn gbè ma sọgan fìn nutindo etọn lẹ, eyin ewọ ma blá dawe huhlọnnọ lọ whẹ́. Enẹgodo wẹ e sọgan bẹ nuhe to owhé etọn gbè lẹ yì. 28  Nugbo wẹ yẹn dọna mì dọ, nulẹpo wẹ na yin jijona gbẹtọ lẹ, mahopọnna ylando depope he yé wà po hogbe nùzinzan tọn he yé yizan lẹ po. 29  Ṣigba, mẹdepope he zánnu do gbigbọ wiwe go ma tindo jona kakadoi,+ ṣigba e hùwhẹ ylando madopodo tọn.”+ 30  E dọ ehe, na yé to didọ dọ: “E tindo gbigbọ mawé de” wutu.+ 31  Todin, onọ̀ etọn po nọvisunnu etọn lẹ po+ wá, podọ dile yé ṣite to gbonu, yé domẹhlan họmẹ nado ylọ ẹ.+ 32  Amọ́, na gbẹtọgun de to aisinsin lẹdo e wutu, yé dọna ẹn dọmọ: “Pọ́n! Onọ̀ towe po nọvisunnu towe lẹ po to dindin we to gbonu.”+ 33  Ṣigba, e gblọnna yé dọmọ: “Mẹnu wẹ yin onọ̀ ṣie po nọvisunnu ṣie lẹ po?” 34  Enẹgodo, e pọ́n mẹhe to aisinsin lẹdo e pé lẹ bo dọmọ: “Pọ́n, onọ̀ ṣie po nọvisunnu ṣie lẹ po die!+ 35  Mẹdepope he wà ojlo Jiwheyẹwhe tọn, omẹ ehe lọ wẹ nọvisunnu, nọviyọnnu po onọ̀ ṣie po.”+

Nudọnamẹ Odò Tọn

Kavi “alindọn.”
Kavi “de.”
Kavi “de.”
Kavi “zohunhunnọ.”
Tẹnmẹ-yinkọ de he yin yiyizan na Satani.