Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malku 16:1-8

NUHE E BẸHẸN LẸ

  • Jesu yin finfọnsọnku (1-8)

16  Enẹwutu, to whenue Gbọjẹzan+ lọ ko wayi, Malia Magdaleni, Malia+ onọ̀ Jakọbu tọn po Salome po họ̀ nuwhẹ́nkun lẹ nado sọgan wá sá na oṣiọ etọn.+  Podọ to afọnnu fuu azán tintan* osẹ lọ tọn, yé wá yọdò* lọ kọ̀n to whenue owhè ko zẹ̀.+  Yé sọ to didọna ode awetọ dọmọ: “Mẹnu wẹ na bli zannu lọ sẹ̀ sọn ohọ̀n yọdò lọ tọn nù na mí?”  Ṣigba, to whenue yé pọ́n nukọn hlan, yé mọdọ zannu lọ ko yin bibli sẹ̀, mahopọnna dọ e klo taun.+  To whenue yé biọ yọwhé lọ mẹ, yé mọ jọja sunnu de to aisinsin to adusi mẹ bo do tewu wewe, avò sọ vò yé tlala.  E dọna yé dọmọ: “Avò vò mì blo.+ Jesu Nazalẹti tọn he yin hùhù do pòtin ji lọ dín wẹ mì te. E ko yin finfọn.+ E ma tofi. Mì pọ́n, fie yé tẹ́ ẹ do dai die.+  Ṣigba, mì yì bo dọna devi etọn lẹ po Pita po dọ, ‘E ko jẹnukọnna mì jei Galili.+ Finẹ wẹ mìwlẹ na mọ ẹn te, kẹdẹdile e ko dọna mì do.’”+  Enẹwutu, to whenue yé tọ́njẹgbonu, yé họ̀n sọn yọwhé lọ bo gọ́ na obu po nupaṣamẹ po. Yé masọ dọ nudepope na mẹde, na yé dibu wutu.*+

Nudọnamẹ Odò Tọn

Enẹ wẹ, azán he nọ yin yiylọ todin dọ Sẹgbe. Na Ju lẹ, e yin azán tintan osẹ tọn.
Kavi “yọdò oflin tọn.”
Sọgbe hẹ alọnuwe dejidego dowhenu tọn lẹ, Wẹndagbe Malku tọn wá vivọnu po hogbe he tin to wf 8 mẹ lẹ po. Pọ́n Nud. A3.