Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malku 15:1-47

NUHE E BẸHẸN LẸ

  • Jesu to Pilati nukọn (1-15)

  • Yin vivlẹko to gbangba (16-20)

  • Yin whiwhè to Gọlgọta (21-32)

  • Okú Jesu tọn (33-41)

  • Ṣiọdidi Jesu tọn (42-47)

15  Tlolo he wunkẹn, yẹwhenọgán lẹ po mẹho lẹ po gọna wekantọ lẹ, yèdọ hagbẹ Whẹdatẹn Daho Ju lẹ tọn* pete, dewé dopọ bo blá Jesu bosọ plan ẹn sọyi bo ze e do alọmẹ na Pilati.+  Enẹwutu, Pilati kanse e dọmọ: “Be hiẹ wẹ Ahọlu Ju lẹ tọn ya?”+ E sọ gblọn dọmọ: “Hiẹ lọsu wẹ dọ ẹ.”+  Ṣigba, yẹwhenọgán lẹ to owhẹ̀ nususu lẹ tọn sadokọna ẹn.  Todin, Pilati sọ vọ́ jẹ kinkanse e ji dọmọ: “Hiẹ ma gblọn nudepope wẹ?+ Pọ́n owhẹ̀ susu he yé to sisadokọna we.”+  Ṣigba, Jesu masọ gblọn nudepope ba, sọmọ bọ e paṣa Pilati.+  Nalete, to hùnwhẹ Juwayi tọn dopodopo whenu, ewọ nọ saba tún gàntọ dopo dote na yé, yèdọ mẹhe yé biọ dọ e ni yin tuntundote.+  To ojlẹ lọ mẹ, dawe he nọ yin Balabas tin to gànmẹ hẹ gufọntọ lẹ, mẹhe to gufinfọn yetọn mẹ, ko hùhlọ̀n.  Enẹwutu, gbẹtọgun lọ wá bo jẹ obiọ yetọn basi ji sọgbe hẹ nuhe Pilati ko nọ saba basi na yé.  E gblọnna yé dọmọ: “Be mìwlẹ jlo dọ yẹn ni tún Ahọlu Ju lẹ tọn lọ dote na mì ya?”+ 10  Na Pilati yọnẹn dọ nuvẹun wutu wẹ yẹwhenọgán lẹ do ze e jo.+ 11  Ṣigba, yẹwhenọgán lẹ hẹn gbẹtọgun lọ nado fọnadán dọ kakatimọ, ewọ ni tún Balabas dote na yé.+ 12  Whladopo dogọ, Pilati sọ gblọnna yé dọmọ: “To whelọnu lo, etẹwẹ yẹn na wà na mẹhe mì ylọdọ Ahọlu Ju lẹ tọn lọ?”+ 13  Whladopo dogọ, yé dawhá dọmọ: “Ewọ ni yin hùhù do pòtin ji!”+ 14  Ṣigba, Pilati sọ vọ́ dọna yé dọmọ: “Etẹwutu? Oylan tẹwẹ e ka wà taun?” Etomọṣo, yé sọ vọ́ dawhá gángán dọmọ: “Ewọ ni yin hùhù do pòtin ji!”+ 15  To whenẹnu, na Pilati jlo nado hẹn pekọ wá na gbẹtọgun lọ wutu, e tún Balabas dote na yé; podọ to whenue e dike Jesu yin hihò pó godo,+ e jo e do alọmẹ na yé nado yin hùhù do pòtin ji.+ 16  Todin, awhànfuntọ lẹ plan ẹn yì awánu he tin to owhé ayimatẹn-gán lọ tọn gbè, yé sọ ylọ awhànfuntọ lọ lẹpo pli.+ 17  Yé sọ yí sopẹ́-vọ̀ do doaṣọ́na ẹn bo lọ̀n jẹgbakun owùn tọn de bosọ ṣinyọ́n na ẹn; 18  yé sọ jẹ didọna ẹn ji dọmọ: “Kudo lewhenu,* hiẹ Ahọlu Ju lẹ tọn!”+ 19  Humọ, yé nọ lì ofánpò de ota na ẹn bo nọ túntán do e go, podọ yé nọ jẹklo bo nọ ṣinyọ́n nukunmẹ ai na* ẹn. 20  To godo mẹ, to whenue yé ko yí i do davlẹ pó godo, yé de sopẹ́-vọ̀ lọ sọn e go bo do awugbó etọn lẹ na ẹn. Yé sọ plan ẹn yì nado whè e do pòtin go.+ 21  Humọ, yé yí huhlọn do hẹn mẹhe juwajei de, yèdọ Simọni Silene tọn, otọ́ Alẹkzandle po Lufu po tọn, he gọ̀ sọn glètoho mẹ nado ze yatin* etọn.+ 22  Enẹwutu, yé plan ẹn jẹ fihe nọ yin Gọlgọta, he lẹdogbedevomẹ etọn zẹẹmẹdo, “Taká Tẹnmẹ.”+ 23  Tofi, yé tẹnpọn nado na ẹn ovẹn he yè yí zuya do hẹn sinyẹn,+ ṣigba e ma nù in. 24  Yé sọ whè e do pòtin go bo má awugbó etọn lẹ gbọn ovò dide dali nado yọ́n dehe mẹdopodopo na mọyi.+ 25  Todin, to gànhiho atọ̀ntọ* mẹ wẹ yé whè e do pòtin go. 26  Podọ yé kàn owhẹ̀ he yin sisadokọna ẹn lọ dọ: “Ahọlu Ju lẹ tọn.”+ 27  Humọ, yé whè jaguda awe do pòtin lẹ go to apá etọn, dopo to adusi etọn mẹ podọ awetọ to amiyọn etọn mẹ.+ 28  *—— 29  Mẹhe juwajei lẹ sọ nọ to zunzun in bo nọ to ota yetọn mimí+ bosọ nọ to didọmọ: “Ṣiọ! Hiẹ he jlo na họ́ tẹmpli lọ liai bo vọ́ ẹ gbá to azán atọ̀n gblamẹ,+ 30  whlẹn dewe gbọn tejijẹ sọn yatin* lọ ji dali.” 31  Mọdopolọ, yẹwhenọgán lẹ po wekantọ lẹ po to yíyí i do davlẹ to yedelẹ ṣẹnṣẹn bo to didọmọ: “E whlẹn mẹdevo lẹ gán; e ma sọgan whlẹn ede gán!+ 32  Gbọ Klisti, Ahọlu Islaeli tọn lọ ni jẹte sọn yatin* ji todin, na míwlẹ nido mọ bo yise.”+ Mẹhe yin whiwhè do pòtin lẹ go to apá etọn lẹ lọsu to vivlẹ ẹ kò.+ 33  To whenue e jẹ gànhiho ṣidopotọ* mẹ, zinvlu ṣinyọ́n aigba lọ lẹpo ji kakajẹ gànhiho ṣinẹnẹtọ* mẹ.+ 34  Podọ to gànhiho ṣinẹnẹtọ mẹ, Jesu dawhá po ogbè lélé po dọmọ: “Eli, Eli, lama sabaktani?” he lẹdogbedevomẹ etọn yin: “Jiwheyẹwhe ṣie, Jiwheyẹwhe ṣie, naegbọn hiẹ do gbẹ́ mi dai?”+ 35  Podọ to whenue delẹ to mẹhe to ote sẹpọ finẹ lẹ mẹ sè ehe, yé jẹ didọ ji dọmọ: “Pọ́n! E to Elija ylọ.” 36  To whenẹnu, dopo to yé mẹ họ̀nwezun bo ylọn hùmẹ-tekan de do ovẹn he vẹsin mẹ, bo ze e do ofánpò de nù bosọ na ẹn nado nù,+ bo dọmọ: “Mì jo e do! Mì gbọ mí ni pọ́n eyin Elija na wá de e jẹte.” 37  Ṣigba, Jesu dawhá po ogbè lélé po, gbigbọ etọn sọ ṣí.*+ 38  Podọ avọ̀ he gbò fiwiwe lọ+ tlẹ́n do awe, sọn aga wá odò.+ 39  Todin, to whenue mẹkanwekowhàngán he to ote pannukọn ẹn lọ mọ ninọmẹ he mẹ e kú te lẹ, e dọmọ: “Matin ayihaawe, Visunnu Jiwheyẹwhe tọn wẹ dawe ehe.”+ 40  Yọnnu lẹ sọ to nupọn sọn olá, delẹ to yé mẹ wẹ, Malia Magdaleni, Malia onọ̀ Jakọbu Pẹvi lọ po Jose po tọn, gọna Salome,+ 41  yé mẹhe nọ saba zọnhẹ ẹ bo nọ yilizọn na ẹn+ dai to whenue e tin to Galili, gọna yọnnu susu devo lẹ he ko zọnpọ hẹ ẹ wá Jelusalẹm. 42  Todin, na tenu ko do, bọ e sọ yin azán Awuwle* tọn, enẹ wẹ, azán he jẹnukọnna Gbọjẹzan wutu, 43  Josẹfu Alimate tọn wá, yèdọ hagbẹ Tòwedegbẹ́* lọ tọn, he yin omẹ nukundeji de, he ewọ lọsu to tenọpọn Ahọluduta Jiwheyẹwhe tọn. E tindo adọgbigbo bo yì Pilati dè bosọ biọ oṣiọ Jesu tọn.+ 44  Ṣigba, Pilati tindo ayihaawe eyin e ko kú nugbo, podọ to whenue e ylọ mẹkanwekowhàngán lọ, e kanse e eyin Jesu ko kú nugbonugbo. 45  Enẹwutu, to whenue e ko sè nugbo lọ sọn mẹkanwekowhàngán lọ dè, e jo oṣiọ lọ na Josẹfu. 46  Whenue ewọ ko họ̀ alavọ dagbedagbe bo ko ze e jẹte godo, e blá ẹ do alavọ dagbedagbe lọ mẹ bo tẹ́ ẹ do yọdò*+ he yin kùnkùn do osé mẹ de mẹ; enẹgodo e bli zannu de do ohọ̀n yọdò lọ tọn nù.+ 47  Ṣigba, Malia Magdaleni po Malia onọ̀ Jose tọn po gbọṣi finẹ bo to fihe e yin titẹ́ do lọ pọ́n.+

Nudọnamẹ Odò Tọn

To paa mẹ, “Sanhedlin.” Pọ́n Zẹm.
Kavi “N’kàn whé biọ.”
Kavi “nọ litaina.”
Pọ́n Zẹm.
Enẹ wẹ, nudi ogàn 9 afọnnu tọn.
Pọ́n Nud. A3.
Pọ́n Zẹm.
Pọ́n Zẹm.
Enẹ wẹ, nudi ogàn 12 whèmẹ tọn.
Enẹ wẹ, nudi ogàn 3 whèmẹ tọn.
Kavi “e gbọ gbigbọ etọn godo tọn.”
Pọ́n Zẹm.
To paa mẹ, “Sanhedlin.” Pọ́n Zẹm.
Kavi “yọdò oflin tọn.”