Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malku 12:1-44

NUHE E BẸHẸN LẸ

  • Apajlẹ glesi hlọnhutọ lọ lẹ tọn (1-12)

  • Jiwheyẹwhe po Sesali po (13-17)

  • Kanbiọ gando fọnsọnku go (18-27)

  • Gbedide awe he klohugan lẹ (28-34)

  • Visunnu Davidi tọn wẹ Klisti ya? (35-37a)

  • Avase gando wekantọ lẹ go (37b-40)

  • Abọgan-kuẹ awe asuṣiọsi wamọnọ lọ tọn (41-44)

12  Enẹgodo, e jẹ apajlẹ lẹ yí do dọhona yé ji dọmọ: “Dawe de do vẹngle de+ bo do pákàn lẹdo e bosọ kùn ovẹn-dò de nado nọ finyọ́n ovẹn bo gbá atọ̀họ̀ de do e mẹ;+ e sọ haya ogle lọ na glesi lẹ bo tọ́nwhẹ̀n yì tògodo.+  To osaa sisọ mẹ, e do afanumẹ de hlan glesi lọ lẹ dè nado mọ delẹ to sinsẹ́n vẹngle lọ tọn lẹ mẹ yí sọn yé si.  Ṣigba, yé wle e bo hò e bosọ do e hlan asigbá-alọgbá.  E sọ do afanumẹ devo hlan yé bọ yé linú ota na ewọ bo dowinyan ẹn.+  Enẹgodo, e do devo hlan bọ yé hù ewọ, e sọ do mẹsusu devo lẹ hlan bọ yé hò delẹ to yé mẹ bo hù devo lẹ.  E tindo mẹdopo dogọ, yèdọ visunnu yiwanna etọn.+ To godo mẹ, e do ewọ hlan yé, bo dọ dọ, ‘Yé na na sisi visunnu ṣie.’  Ṣigba, glesi lọ lẹ dọ to yedelẹ ṣẹnṣẹn dọ, ‘Gudutọ lọ die.+ Mì wá, bo gbọ mí ni hù i bọ ogú lọ na lẹzun mítọn.’  Enẹwutu, yé wle e bo hù i, bosọ dọ̀n ẹn jẹgbonu sọn vẹngle lọ mẹ.+  Etẹwẹ klunọ vẹngle lọ tọn na wà? E na wá bo hù glesi lọ lẹ bo na yí vẹngle lọ na mẹdevo lẹ.+ 10  Be mì ma ko hia adà Owe-wiwe tọn ehe gbede dọ: ‘Zannu he họ̀dotọ lẹ gbẹ́ dai, ehe lọ wẹ ko lẹzun zannu gángánsu họ̀gosu tọn.+ 11  Jehovah* dè wẹ e wá sọn, podọ e jiawu to nukun mítọn lẹ mẹ’?”+ 12  Enẹwutu, na yé yọnẹn dọ emilẹ hodọ wẹ e te to apajlẹ lọ mẹ wutu, yé jlo nado wle e, ṣigba yé dibusi gbẹtọgun lọ. Enẹwutu, yé jo e do bo tọ́nyi.+ 13  Enẹgodo, yé do delẹ to Falesi lẹ po mẹhe tin to ogbẹ́ Hẹlọdi tọn mẹ lẹ po hlan nado sọgan domọwle e to hodidọ etọn mẹ.+ 14  Whenue omẹ ehelẹ wá, yé dọna ẹn dọmọ: “Mẹplọntọ, mí yọnẹn dọ hiẹ nọ dọ nugbo podọ hiẹ ma nọ hò nukunta mẹdepope tọn pọ́n, na hiẹ ma nọ pọ́n awusọhia gbonu tọn gbẹtọ lẹ tọn, ṣigba hiẹ nọ plọnmẹ aliho Jiwheyẹwhe tọn to nugbo mẹ. Be e sọgbe hẹ osẹ́n* nado sú takuẹ hlan Sesali ya kavi lala? 15  Mí ni sú wẹ, kavi mí ni gbọ?” Na e doayi yẹnuwiwa yetọn go wutu, e dọna yé dọmọ: “Naegbọn mìwlẹ do to whiwhle mi pọ́n? Mì hẹn denali* de wá ma pọ́n.” 16  Yé hẹn dopo wá bọ e dọna yé dọmọ: “Yẹdide po nukinkan mẹnu tọn po die?” Yé dọna ẹn dọmọ: “Sesali tọn.” 17  To whenẹnu, Jesu dọmọ: “Mì yí nuhe yin Sesali tọn lẹ na Sesali,+ ṣigba nuhe yin Jiwheyẹwhe tọn lẹ na Jiwheyẹwhe.”+ Awú sọ ji yé. 18  Todin, Sadusi lẹ he nọ dọ dọ fọnsọnku ma tin,+ wá e dè bo kanse e dọmọ:+ 19  “Mẹplọntọ, nuhe Mose kàn dai na mí wẹ yindọ eyin nọvisunnu mẹde tọn kú bo jo asi do ṣigba bo ma jo ovi de do, nọvisunnu etọn dona sọ́n asi lọ bo jivi do nọvisunnu etọn he ko kú lọ tẹnmẹ.+ 20  Nọvisunnu ṣinawe delẹ tin. Tintan dà asi, ṣigba e ma jivi de whẹpo do kú. 21  Awetọ sọ sọ́n yọnnu lọ, ṣigba e ma jivi whẹpo do kú, nudopolọ sọ jọ do atọ̀ntọ go. 22  Podọ yé omẹ ṣinawe lọ lẹpo ma jivi depope. To yemẹpo godo, yọnnu lọ lọsu kú. 23  Asi mẹnu to yé mẹ tọn wẹ e na yin to fọnsọnku whenu? Na yé omẹ ṣinawe lẹ wẹ ko dà ẹ pọ́n di asi.” 24  Jesu dọna yé dọmọ: “Be e ma yin ehe wutu wẹ mì do to nuṣiwa, na mì ma yọ́n Owe-wiwe lẹ kavi huhlọn Jiwheyẹwhe tọn?+ 25  Na whenue yé na fọ́n sọn oṣiọ lẹ mẹ, sunnu lẹ ma na wlealọ mọjanwẹ yọnnu lẹ ma na yin nina to alọwle mẹ do niyẹn, ṣigba yé na tin taidi angẹli lẹ to olọn mẹ.+ 26  Amọ́, gando oṣiọ lẹ go, dọ yé na yin finfọn, be mì ma ko hia to owe Mose tọn mẹ, to kandai he gando wùnkan he to miyọ́n ji go lọ mẹ dọ, Jiwheyẹwhe dọna ẹn dọ: ‘Yẹn wẹ Jiwheyẹwhe Ablaham tọn, Jiwheyẹwhe Isaki tọn podọ Jiwheyẹwhe Jakọbu tọn’?+ 27  Jiwheyẹwhe mẹhe to ogbẹ̀ lẹ tọn wẹ ewọ, e ma yin oṣiọ lẹ tọn gba. Nuṣiwa wẹ mì te taun.”+ 28  Na dopo to wekantọ he wá bo sè bọ yé to nudọn lọ lẹ mẹ yọnẹn dọ e ko na gblọndo yé to aliho dagbe mẹ wutu, ewọ kanse e dọmọ: “Gbedide tẹwẹ yin tintan* to popolẹpo mẹ?”+ 29  Jesu gblọn dọmọ: “Tintan lọ wẹ, ‘Sè hiẹ Islaeli E, Jehovah* Jiwheyẹwhe mítọn, Jehovah* dopo wẹ, 30  podọ hiẹ dona yí ahun towe lẹpo, alindọn* towe lẹpo, ayiha towe lẹpo, podọ huhlọn towe lẹpo do yiwanna Jehovah* Jiwheyẹwhe towe.’+ 31  Awetọ lọ die, ‘Hiẹ dona yiwanna kọmẹnu towe di dewe.’+ Gbedide depope ma klohu ehelẹ.” 32  Wekantọ lọ dọna ẹn dọmọ: “Mẹplọntọ, hiẹ dọ hójọhó he sọgbe hẹ nugbo, ‘Dopo wẹ Ewọ, devo depope ma tin gbọnvona ewọ’;+ 33  podọ yíyí ahun mẹtọn lẹpo, nukunnumọjẹnumẹ mẹtọn lẹpo, podọ huhlọn mẹtọn lẹpo do yiwanna ẹn, podọ nado yiwanna kọmẹnu mẹtọn taidi mẹdetiti, ehelẹ yin nujọnu taun hú avọ́nunina mimẹ̀ po avọ́sinsan lẹpo po.”+ 34  Enẹwutu, na Jesu mọdọ e na gblọndo po zinzin po wutu, e dọna ẹn dọmọ: “Hiẹ ma dẹn do Ahọluduta Jiwheyẹwhe tọn.” Ṣigba, mẹdepope masọ tindo adọgbigbo nado kàn kanbiọ de sè e ba.+ 35  Ṣigba, dile Jesu zindonukọn to mẹpinplọn etọn mẹ to tẹmpli mẹ, e dọmọ: “Naegbọn wekantọ lẹ do dọ dọ Klisti yin visunnu Davidi tọn?+ 36  Davidi lọsu dọ to anademẹ gbigbọ wiwe tọn glọ+ dọ, ‘Jehovah* dọna Oklunọ ṣie dọmọ: “Sinai to adusilọ ṣie mẹ kaka yẹn nado yí kẹntọ towe lẹ do afọ towe lẹ glọ.”’+ 37  Davidi lọsu ylọ ẹ dọ Oklunọ, enẹwutu nawẹ ewọ yin visunnu etọn gbọn lo?”+ Gbẹtọgun daho lọ sọ to todoaina ẹn po homẹhunhun po. 38  Podọ e zindonukọn to mẹpinplọn etọn mẹ dọmọ: “Mì payi wekantọ lẹ go, he nọ jlo nado nọ to yìyì pé to tewu lẹ mẹ bo nọ jlo nado yin nudọdo po sisi po to ahi lẹ mẹ+ 39  bosọ nọ jlo aisintẹn nukọn tọn* lẹ to sinagọgu lẹ mẹ podọ otẹn nukundeji lẹ to hùnwhẹ lẹ tẹnmẹ.+ 40  Yewlẹ wẹ nọ dù owhé* asuṣiọsi lẹ tọn lẹ sudo bo nọ gbọn nsọle-yinyin* dali hodẹ̀ gaa lẹ. Omẹ ehelẹ na mọ whẹdida he sinyẹn hugan de yí.” 41  Ewọ sọ sinai pannukọn adọkun potin+ lọ lẹ bo jẹ pinpọn lehe gbẹtọgun lọ to akuẹ dlan do adọkun potin lọ lẹ mẹ do ji, adọkunnọ susu sọ to abọgan-kuẹ susu dlan do yé mẹ.+ 42  Todin, asuṣiọsi wamọnọ de wá bo dlan abọgan-kuẹ flinflin awe,* he ma họakuẹ sọmọ do e mẹ.+ 43  Enẹwutu, e ylọ devi etọn lẹ wá ede dè bo dọna yé dọmọ: “Nugbo wẹ yẹn dọna mì dọ, asuṣiọsi wamọnọ ehe dlan do e mẹ hú mẹhe to akuẹ dlan do adọkun potin lọ lẹ mẹ lẹpo.+ 44  Na yemẹpo wẹ dlan do e mẹ sọn lánkan yetọn lẹ mẹ, ṣigba ewọ, sọn matindo* etọn mẹ, dlan nuhe e tindo lẹpo, yèdọ nutindo gbẹ̀mẹ tọn etọn lẹpo do e mẹ.”+

Nudọnamẹ Odò Tọn

Pọ́n Nud. A5.
Kavi “e jẹ.”
Pọ́n Nud. B14.
Kavi “titengbe hugan.”
Pọ́n Nud. A5.
Pọ́n Nud. A5.
Pọ́n Zẹm.
Pọ́n Nud. A5.
Pọ́n Nud. A5.
Kavi “he yọ́n hugan.”
Kavi “nutindo.”
Kavi “yẹnuwiwa.”
To paa mẹ, “lẹpta awe,” he nọtena mado 64 azọ́nkuẹ gbèdopo tọn. Pọ́n Nud. B14.
Kavi “ohẹ́n.”