Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malku 1:1-45

NUHE E BẸHẸN LẸ

  • Johanu Baptizitọ dọyẹwheho (1-8)

  • Baptẹm Jesu tọn (9-11)

  • Satani whlé Jesu pọ́n (12, 13)

  • Jesu jẹ yẹwhehodọ ji to Galili (14, 15)

  • Devi tintan lẹ yin yiylọ (16-20)

  • Gbigbọ mawé yin yinyan jẹgbonu (21-28)

  • Jesu hẹnazọ̀ngbọna mẹsusu to Kapẹlnaumi (29-34)

  • Dẹ̀hiho to fie to olá de (35-39)

  • Pòtọnọ de jẹgangan (40-45)

1  Bẹjẹeji wẹndagbe he gando Jesu Klisti, Visunnu Jiwheyẹwhe tọn lọ go tọn:  Kẹdẹdile e ko yin kinkandai to owe yẹwhegán Isaia tọn mẹ do dọmọ: “(Pọ́n! yẹn to wẹnsagun ṣie dohlan jẹnukọnna we,* mẹhe na jla aliho towe do.)*+  Mẹde to awhádo jẹgbonu to danfafa ji dọ: ‘Mì jla aliho Jehovah* tọn lọ do! Mì jlọ omọ́ji etọn lẹ.’”+  Johanu Baptizi tin to danfafa ji, bo to yẹwhehodọ, dọ nuhudo tin na baptẹm he yin ohia lẹnvọjọ tọn na jona ylando lẹ tọn.+  Mẹhe tin to aigba Jude tọn ji lẹpo gọna tòmẹnu Jelusalẹm tọn lẹpo nọ tọ́n wá e dè bo nọ yin bibaptizi to* Tọ̀sisa Jọdani mẹ gbọn ewọ dali, bosọ nọ yigbena ylando yetọn lẹ to gbangba.+  Todin, Johanu do avọ̀ he yè yí ofún kanklosọ́ tọn do basi bo yí gbànnú ayú tọn do blá alinkàn,+ bo nọ dù owẹ̀n lẹ po owín akú po.+  Podọ e nọ dọyẹwheho dọmọ: “Mẹde ja to godo ṣie he dohuhlọn hú mi, afọpakàn mẹhe tọn yẹn ma jẹ nado fẹ̀ yìdo bo tún.+  Yẹn yí osin do baptizi mì, ṣigba ewọ na yí gbigbọ wiwe do baptizi mì.”+  To azán enẹlẹ mẹ, Jesu wá sọn Nazalẹti Galili tọn bo yin bibaptizi to Jọdani mẹ gbọn Johanu dali.+ 10  Podọ dile e tọ́n sọn osin lọ mẹ, to afọdopolọji, e mọ olọn to hunhundonuvo, bọ gbigbọ to tejẹ ja e ji taidi apoe de.+ 11  Ogbè de sọ wá sọn olọn dọmọ: “Hiẹ wẹ Visunnu ṣie, mẹyiwanna lọ; yẹn ko kẹalọyi we.”+ 12  Podọ to afọdopolọji, gbigbọ dọ̀n ẹn yì danfafa ji. 13  Enẹwutu, e gbọṣi danfafa ji na azán 40, bo to yinyin whiwhlepọn gbọn Satani dali.+ Ewọ sọ nọ finẹ hẹ gbekanlin lẹ, ṣigba angẹli lẹ to lizọnyina ẹn.+ 14  Todin, to whenue Johanu ko yin wiwle godo, Jesu tọ́nyi Galili,+ bo to yẹwheho wẹndagbe Jiwheyẹwhe tọn dọ+ 15  bo to didọmọ: “Ojlẹ dide lọ ko wá, podọ Ahọluduta Jiwheyẹwhe tọn ko dọnsẹpọ. Mì lẹnvọjọ+ bo tindo yise to wẹndagbe lọ mẹ.” 16  Dile e to zọnlinzin gbọn Ohù Galili tọn tó, e mọ Simọni po Andle nọvisunnu Simọni tọn po+ to odọ̀ yìn do hùmẹ,+ na whèhutọ wẹ yé.+ 17  Enẹwutu, Jesu dọna yé dọmọ: “Mì hodo mi, yẹn nasọ yí mì do basi whèhutọ gbẹtọ lẹ tọn.”+ 18  Podọ to afọdopolọji, yé jo odọ̀ yetọn lẹ do bo hodo e.+ 19  To whenue e yì nukọn vude dogọ, e mọ Jakọbu visunnu Zebede tọn po nọvisunnu etọn Johanu po, dile yé to tọjihun mẹ bo to odọ̀ yetọn lẹ tọ̀,+ 20  e sọ basi oylọna yé to afọdopolọji. Enẹwutu, yé jo otọ́ yetọn Zebede po azọ́nwatọ lẹ po do tọjihun lọ mẹ bo hodo e. 21  Yé sọ tọ́nyi Kapẹlnaumi. Tlolo he azán Gbọjẹzan tọn bẹjẹeji, e biọ sinagọgu mẹ bo jẹ mẹplọn ji.+ 22  Awú sọ ji yé gando aliho mẹpinplọn tọn etọn go, na e to yé plọn taidi mẹhe tindo aṣẹ, e ma yin taidi wekantọ lẹ gba.+ 23  To ojlẹ enẹ dopolọ mẹ, dawe he to huhlọn gbigbọ mawé tọn de glọ tin to sinagọgu yetọn mẹ, e sọ dawhá dọmọ: 24  “Etẹwẹ míwlẹ tindo nado wà hẹ we, hiẹ Jesu Nazalẹti tọn? Be hiẹ wá nado và mí sudo wẹ?+ Yẹn yọ́n mẹhe hiẹ yin na taun tọn, hiẹ wẹ Omẹ Wiwe Jiwheyẹwhe tọn!”+ 25  Ṣigba, Jesu gbẹnuna gbigbọ mawé lọ dọmọ: “Nabọẹ, bo tọ́n sọn ewọ mẹ!” 26  Podọ gbigbọ mawé lọ, to whenue e ko húnhún dawe lọ gìgìgì bo yí ogbè lélé do dawhá godo, e tọ́n sọn ewọ mẹ. 27  Todin, avò vò gbẹtọ lọ lẹpo bọ yé jẹ hodọdeji to yedelẹ ṣẹnṣẹn ji, dọmọ: “Etẹ die? Nuplọnmẹ yọyọ de! E tlẹ nọ degbedo gbigbọ mawé lẹ, bọ yé nọ setonuna ẹn.” 28  Enẹwutu, linlin he gando ewọ go lọ yawu gbayipe gbọn agbegbe Galili tọn lẹpo ji. 29  Whenẹnu, yé tọ́n sọn sinagọgu mẹ bo yì owhé Simọni po Andle po tọn gbè podọ Jakọbu po Johanu po hodo yé yì.+ 30  Todin, asi-nọ̀ Simọni tọn+ to aimimlọn bo to azọ̀n agbasa-hùnmiyọ́n tọn jẹ, podọ matin gbàndindọn, yé dọ ohó yọnnu lọ tọn na ẹn. 31  To whenue e yì e dè, e hẹn alọ etọn go bo ze e fọ́n. Agbasa-hùnmiyọ́n lọ sọ yì sọn e ji, bọ ewọ sọ jẹ lizọnyina yé ji. 32  To whenue tenu ko do bọ owhè ko yihọ pó godo, gbẹtọ lẹ jẹ awutunọ lẹ po mẹhe tindo gbigbọ aovi tọn lẹ po hẹnwa na ẹn ji;+ 33  podọ tòdaho lọ pete pli do ohọ̀n lọ nukọn. 34  Enẹwutu, e hẹnazọ̀ngbọna mẹsusu he to azọ̀n voovo jẹ lẹ,+ bo yàn aovi susu jẹgbonu, ṣigba e ma nọ dike aovi lẹ ni dọho, na yé yọnẹn dọ ewọ wẹ Klisti* wutu. 35  To afọnnu fuu, whenue ai ma ko họ́n, e fọ́n bo tọ́njẹgbonu yì fihe to olá de, bosọ jẹ dẹ̀ho ji to finẹ.+ 36  Ṣigba, Simọni po mẹhe to e dè lẹ po dín in pé 37  bo mọ ẹn, yé sọ dọna ẹn dọmọ: “Mẹlẹpo wẹ to dindin we.” 38  Ṣigba, e dọna yé dọmọ: “Mì gbọ mí ni yì fidevo, yèdọ tòpẹvi he sẹpọ lẹ mẹ, na yẹn nido dọyẹwheho to finẹ ga, na ehe wutu wẹ yẹn do wá.”+ 39  E sọ to yìyì bo to yẹwhehodọ to sinagọgu yetọn lẹ mẹ lẹdo Galili lẹpo pé bosọ to aovi lẹ yàn jẹgbonu.+ 40  Pòtọnọ de sọ wá e dè to finẹ, bo to vẹvẹna ẹn to oklò ji, bosọ to didọna ẹn dọmọ: “Eyin hiẹ jlo domọ, hiẹ sọgan hẹn mi zun wiwe.”+ 41  Enẹwutu, lẹblanu whàn ẹn, bọ e dlẹnalọ etọn bo doalọ ewọ go bosọ dọna ẹn dọmọ: “Yẹn jlo! Yin hinhẹn zun wiwe.”+ 42  To afọdopolọji, pòzọ̀n lọ busẹ sọn e go, bọ ewọ lẹzun wiwe. 43  Whenẹnu, e dosẹ́n na ẹn sinsinyẹn bo do e hlan to afọdopolọji, 44  bosọ dọna ẹn dọmọ: “A dike bo dọ nude na mẹdepope blo, ṣigba yì bo do dewe hia yẹwhenọ, bosọ na nuhe Mose ko degbe etọn lẹ di nunina de na klọ́we towe,+ taidi kunnudide de hlan yé.”+ 45  Ṣigba, to whenue dawe lọ ko yì godo, e jẹ nuhe ko jọ lọ lá pé ji bosọ hẹn ẹn gbayipe, sọmọ bọ Jesu ma sọgan sọ biọ tòdaho de mẹ to gbangba ba, ṣigba e gbọṣi gbonu to fihe to olá lẹ. Ṣogan, yé gbẹ́ pò to wiwá e dè sọn awà lẹpo ji janwẹ.+

Nudọnamẹ Odò Tọn

To paa mẹ, “nukọn towe.”
Pọ́n Mal 3:1, fihe adà he to glọ̀ndo mẹ lọ yin didesọn.
Pọ́n Nud. A5.
Kavi “yin yinylọ́n do.”
Kavi vlavo, “yé yọ́n mẹhe ewọ yin.”