Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malaki 4:1-6

NUHE E BẸHẸN LẸ

  • Elija na wá jẹnukọnna azán Jehovah tọn (1-6)

    • “Owhè dodowiwa tọn na sẹ́” (2)

4  “Na pọ́n! azán lọ ja bo to jiji taidi zòhọ de,+ yèdọ whenue mẹhe yin saklanọ lẹpo gọna mẹhe nọ yinuwa po kanyinylan po lẹpo na wá tin taidi zinkán nkọ. Na nugbo tọn, azán he ja lọ na hù yé sudo,” wẹ Jehovah awhànpa lẹ tọn dọ, “podọ e ma na jo adọ̀ kavi alà depope do na yé.  Ṣigba, na mì mẹhe nọ gbògbéna* oyín ṣie lẹ, owhè dodowiwa tọn na sẹ́ do mì ji bọ hinhọ́n* etọn na hẹn azọ̀nhẹngbọ wá; mìwlẹ nasọ nọ lọ́n pé taidi oyìnvu he dojó lẹ.”  “Mìwlẹ nasọ nọ zinzọnlin gbọn mẹylankan lẹ ji, na yé na taidi kọ́gudu to afọ mìtọn lẹ glọ to azán he gbè yẹn na yinuwa,” wẹ Jehovah awhànpa lẹ tọn dọ.  “Mì flin Osẹ́n Mose devizọnwatọ ṣie tọn, yèdọ aṣẹdai po whẹdida he yẹn degbe etọn na ẹn to Holẹbi bọ Islaeli pete dona nọ setonuna lẹ po.+  “Pọ́n! Yẹn na do yẹwhegán Elija+ hlan mì whẹpo azán daho he dobu Jehovah tọn nido wá.+  Ewọ nasọ lilẹ́ ahun otọ́ lẹ tọn lẹkọ do visunnu yetọn dè+ podọ ahun visunnu lẹ tọn lẹkọ do otọ́ yetọn dè, na yẹn nikaa wá bo linú aigba lọ bo na và ẹ sudo mlẹnmlẹn.”

Nudọnamẹ Odò Tọn

To paa mẹ, “dibusi.”
To paa mẹ, “awà.”