Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malaki 3:1-18

NUHE E BẸHẸN LẸ

  • Oklunọ nugbo lọ wá nado klọ́ tẹmpli wé (1-5)

    • Wẹnsagun alẹnu lọ tọn (1)

  • Tulinamẹ nado lẹkọwa Jehovah dè (6-12)

    • Jehovah ma nọ diọ (6)

    • “Mì lẹkọwa dè e, yẹn nasọ lẹkọ do mì dè” (7)

    • ‘Mì hẹn mado-ao lọ pete wá, Jehovah na kọ̀n dona do mì ji’ (10)

  • Dodonọ po mẹylankan po (13-18)

    • Owe oflin tọn de yin kinkandai (16)

    • Vogbingbọn to dodonọ po mẹylankan po ṣẹnṣẹn (18)

3  “Pọ́n! Yẹn na do wẹnsagun ṣie hlan bọ ewọ na jla* aliho de do to nukọn ṣie.+ Podọ Oklunọ nugbo he mì to dindin lọ na wá tẹmpli etọn mẹ to ajiji mẹ;+ wẹnsagun alẹnu lọ tọn, mẹhe go mì hùnhomẹ do lọ nasọ wá. Pọ́n! Ewọ na wá dandan,” wẹ Jehovah awhànpa lẹ tọn dọ.  “Ṣigba, mẹnu wẹ sọgan doakọnna azán wiwá etọn tọn, podọ mẹnu wẹ na penugo nado nọte to whenue ewọ na sọawuhia? Na ewọ na taidi miyọ́n gànkọ̀ntọ de tọn podọ taidi adí+ avọ̀yantọ lẹ tọn.  Ewọ nasọ sinai taidi gànkọ̀ntọ de podọ taidi mẹhe nọ klọ́ fataka+ wé bo na klọ́ visunnu Levi tọn lẹ wé; e nasọ hẹn yé sẹ́* taidi sika po fataka po bọ yé nasọ lẹzun mẹhe nọ na avọ́nunina hlan Jehovah to dodowiwa mẹ lẹ.  Avọ́nunina Juda po Jelusalẹm po tọn nasọ nọ hẹn homẹhun* Jehovah taidi azán dindẹn die tọn lẹ podọ taidi owhe hohowhenu tọn lẹ tọn.+  “Yẹn na dọnsẹpọ mì nado dawhẹna mì, yẹn nasọ yin kunnudetọ awuyatọ de sọta owọ́ntọ+ lẹ, ayọdetọ lẹ, mẹhe nọ whlé whiwhle lalo tọn lẹ,+ mẹhe nọ hò pakanọ,+ asuṣiọsi po tọṣiọvi po dù lẹ+ gọna mẹhe nọ gbẹ́ nado gọalọna* jonọ lẹ.+ Omẹ ehelẹ ma dibusi mi,” wẹ Jehovah awhànpa lẹ tọn dọ.  “Na yẹn wẹ Jehovah; n’ma nọ diọ.*+ Podọ mìwlẹ wẹ visunnu Jakọbu tọn lẹ; mì ma ko yin kúnsúdona.  Sọn azán tọgbo mìtọn lẹ tọn lẹ gbè wẹ mì ko lẹhlan apadopo sọn aṣẹdai ṣie lẹ kọ̀n bo ma nọ yìn yé.+ Mì lẹkọwa dè e, yẹn nasọ lẹkọ do mì dè,”+ wẹ Jehovah awhànpa lẹ tọn dọ. Ṣigba, mìwlẹ dọmọ: “Nawẹ mí na lẹkọwa gbọn?”  “Be gbẹtọvi tata de sọgan jẹajo do Jiwheyẹwhe wẹ ya? Ṣigba, mìwlẹ to ajojẹ do mi.” Mì sọ to didọmọ: “Nawẹ mí jẹajo do we gbọn?” “To mado-ao lẹ po nunina lẹ po mẹ.  Mẹhodẹ̀do wẹ mì yin nugbonugbo,* na mìwlẹ to ajojẹ do mi—mọwẹ, akọta lọ pete wẹ to mọwà. 10  Mì hẹn mado-ao lọ pete wá agbànhọ lọ mẹ,+ na núdùdù nido tin to ohọ̀ ṣie mẹ;+ podọ mì jaale bo tẹ́n mi pọ́n to aliho ehe mẹ,” wẹ Jehovah awhànpa lẹ tọn dọ, “bo pọ́n eyin yẹn ma na hùn olọn lẹ+ na mì bo na kọ̀n dona de jẹgbonu* do mì ji kaka bọ nuhudo nudepope tọn ma na tin ba.”+ 11  “Yẹn nasọ gbẹnuna husudotọ* lọ, na mìtọn wutu bọ e ma na nọ hẹn sinsẹ́n aigba mìtọn tọn gble ba, mọ vẹntin he to ogle mìtọn mẹ lẹ ma na nọma de sinsẹ́n tọ́n,”+ wẹ Jehovah awhànpa lẹ tọn dọ. 12  “Akọta lẹpo wẹ na ylọ mì dọ ayajẹnọ,+ na mìwlẹ na lẹzun aigba he nọ hẹn awuvivi wá,” wẹ Jehovah awhànpa lẹ tọn dọ. 13  “Ohó he mìwlẹ dọ sọta mi lẹ sinyẹn,” wẹ Jehovah dọ. Mìwlẹ sọ dọmọ: “Nawẹ míwlẹ dọho sọta we to mídelẹ ṣẹnṣẹn gbọn?”+ 14  “Mìwlẹ dọ dọ, ‘Ale de ma to e mẹ nado sẹ̀n Jiwheyẹwhe.+ Ale tẹwẹ nubiọtomẹsi etọn lẹ yìnyìn podọ awubla didohia na ylando mítọn lẹ wutu to Jehovah awhànpa lẹ tọn nukọn ko hẹnwa na mí? 15  Todin, mí nọ mọ saklanọ lẹ di ayajẹnọ. Humọ, mẹhe nọ yinuwa po kanyinylan po lẹ to kọdetọn dagbe tindo.+ Yé nọ gboadọ bo nọ tẹ́n Jiwheyẹwhe pọ́n bo nọ yì majiya.’” 16  To ojlẹ enẹ mẹ, mẹhe dibusi Jehovah lẹ to hodọ hẹ ode awetọ, yèdọ mẹdopodopo hẹ hatọ etọn bọ Jehovah tuntoai bo to todoai. Owe oflin tọn de sọ yin kinkandai to nukọn etọn+ na mẹhe dibusi Jehovah lẹ podọ na mẹhe nọ lẹnayihamẹpọn do* oyín etọn ji lẹ.+ 17  “Yé nasọ lẹzun ṣie,”+ wẹ Jehovah awhànpa lẹ tọn dọ, “to azán he gbè yẹn na hẹn yé zun nutindo vonọtaun* de.+ Yẹn na do awuvẹmẹ hia yé kẹdẹdile gbẹtọ de nọ do awuvẹmẹ hia visunnu etọn he nọ setonuna ẹn do.+ 18  Whladopo dogọ, mìwlẹ nasọ mọ vogbingbọn to dodonọ po mẹylankan po ṣẹnṣẹn,+ to mẹhe to Jiwheyẹwhe sẹ̀n po mẹhe ma to sinsẹ̀n ẹn po ṣẹnṣẹn.”

Nudọnamẹ Odò Tọn

Kavi “wleawuna.”
Kavi “nasọ klọ́ yé wé.”
Kavi “hẹn pekọ wá na.”
Kavi “nọ tẹ̀ jlọjẹ.”
Kavi “n’ma ko diọ.”
Kavi vlavo, “Dẹ̀hodo de wẹ mì yí do to dẹ̀hodo mi.”
To paa mẹ, “bo na dúdú dona de kọnyinai.”
Ehe na ko to alọdlẹndo azọ̀nylankan wánvú lẹ tọn.
Kavi “lẹnnupọndo.” Kavi vlavo, “yọ́n pinpẹn.”
Kavi “họakuẹ.”