Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Malaki 1:1-14

NUHE E BẸHẸN LẸ

  • Owanyi Jehovah tọn na omẹ etọn lẹ (1-5)

  • Yẹwhenọ lẹ nọ basi avọ́sinsan he ma yọ́n (6-14)

    • Oyín Jiwheyẹwhe tọn na klo to akọta lẹ ṣẹnṣẹn (11)

1  Nulila de: Ohó he Jehovah dọhlan Islaeli gbọn Malaki* gblamẹ:  “Yẹn ko do owanyi hia mì,”+ wẹ Jehovah dọ. Ṣigba, mìwlẹ dọmọ: “Nawẹ hiẹ do owanyi hia mí gbọn?” “Be e ma yin nọvisunnu Jakọbu tọn wẹ Esau yin ya?”+ wẹ Jehovah dọ. “Ṣigba, yẹn yiwanna Jakọbu,  bo gbẹwanna Esau;+ yẹn sọ hẹn osó etọn lẹ gbọgbé+ bo yí ogú etọn na avún gbémẹ tọn he nọ nọ̀ danfafa ji lẹ.”+  “Mahopọnna dọ Edomi to didọ dọ, ‘Mí ko yin gbigbà hányán, amọ́ mí na lẹkọ bo na vọ́ gbakija lọ lẹ gbá,’ nuhe Jehovah awhànpa lẹ tọn dọ die, ‘Yé na gbá, ṣigba yẹn na họliai, yé nasọ nọ yin yiylọdọ “aigba kanyinylan tọn” podọ “mẹhe Jehovah ko gblewhẹdo kakadoi lẹ.”+  Nukun mìtọn titi lẹ na mọ ẹn bọ mì na dọmọ: “Na Jehovah ni yin gigopana to aigba Islaeli tọn ji.”’”  “‘Visunnu nọ gbògbéna otọ́ etọn+ bọ devizọnwatọ nọ gbògbéna ogán etọn. Enẹwutu, eyin otọ́ de wẹ yẹn,+ fie wẹ gbégbò he n’jẹna lọ te?+ Podọ eyin ogán* de wẹ yẹn, fie wẹ budisi* he n’jẹna lọ te?’ wẹ Jehovah awhànpa lẹ tọn dọna mì yẹwhenọ he to oyín ṣie vlẹ lẹ.+ “‘Ṣigba, mì dọmọ: “Nawẹ míwlẹ vlẹ oyín towe gbọn?”’  “‘Gbọn núdùdù* he yin hinhẹnflu yíyí do sanvọ́ to agbà ṣie ji dali.’ “‘Mì sọ dọmọ: “Nawẹ míwlẹ ko hẹn we flu gbọn?”’ “‘Gbọn didọ dali dọmọ: “Nuhe dona yin vivlẹ de wẹ tafo Jehovah tọn.”+  Podọ eyin mì yí kanlin nukuntọ́nnọ do sanvọ́, mì nọ dọmọ: “Nude ma ylan to e mẹ.” Eyin mì sọ hẹn kanlin sẹkunọ kavi awutunọ wá taidi nunina, mì nọ dọmọ: “Nude ma ylan to e mẹ.”’”+ “Mì jaale bo yí yé na ayimatẹn-gán mìtọn bo pọ́n. Be homẹ etọn na hùn do mì go kavi be e na do nukundagbe hia mì wẹ ya?” wẹ Jehovah awhànpa lẹ tọn dọ.  “Podọ todin, mì jaale bo vẹvẹna Jiwheyẹwhe,* na ewọ nido do nukundagbe hia mí. Po avọ́nunina he to alọ mìtọn mẹ enẹlẹ po, be ewọ na do nukundagbe hia depope to mì mẹ ya?” wẹ Jehovah awhànpa lẹ tọn dọ. 10  “Podọ mẹnu to mì mẹ wẹ nọ jlo nado sú ohọ̀n lọ lẹ* vọnu?+ Na mì ma tlẹ nọ flọ miyọ́n do agbà ṣie ji ma yí akuẹ.+ Yẹn ma tindo homẹhunhun depope to mì mẹ,” wẹ Jehovah awhànpa lẹ tọn dọ, “mọ yẹn ma tindo homẹhunhun depope to avọ́nunina mìtọn lẹ mẹ.”+ 11  “Na sọn whèzẹtẹn kaka yì whèyihọ, oyín ṣie na klo to akọta lẹ ṣẹnṣẹn.+ To filẹpo, avọ́nunina lẹ na nọ yin mimẹ̀ podọ avọ́nunina lẹ na nọ yin bibasi hlan oyín ṣie, taidi nunina he wé-ṣeke de; na oyín ṣie na klo to akọta lẹ ṣẹnṣẹn,”+ wẹ Jehovah awhànpa lẹ tọn dọ. 12  “Ṣigba, mìwlẹ to hinhẹn ẹn* flu+ gbọn didọ dali dọ, ‘Tafo Jehovah tọn ko yin hinhẹnflu, bọ sinsẹ́n etọn, enẹ wẹ núdùdù etọn dona yin vivlẹ.’+ 13  Mì sọ nọ dọ ga dọ, ‘Pọ́n! Apọṣimẹnu tẹ die!’ bo nọ gbọn mẹṣanko dali yẹ́n-awọnlín do e,” wẹ Jehovah awhànpa lẹ tọn dọ. “Mì sọ nọ hẹn kanlin finfin, sẹkunọ kavi awutunọ lẹ wá. Mọwẹ, mì nọ hẹn onú mọnkọtọn lẹ wá taidi nunina de! Be yẹn na kẹalọyi yé sọn mì si wẹ ya?”+ wẹ Jehovah dọ. 14  “Mẹhodẹ̀do wẹ ayiha gigẹdẹnọ he tindo kanlin asu he to gángán to lẹngbọpa etọn mẹ, ṣigba bo dopà bosọ yí kanlin he tindo oblọ* do sanvọ́ hlan Jehovah. Na Ahọlu daho de wẹ yẹn,”+ wẹ Jehovah awhànpa lẹ tọn dọ, “oyín ṣie nasọ dobu to akọta lẹ ṣẹnṣẹn.”+

Nudọnamẹ Odò Tọn

Zẹẹmẹdo “Wẹnsagun Ṣie.”
Kavi “ogán daho.”
Kavi “sisi.”
To paa mẹ, “akla.”
Kavi “hẹn nukunmẹ Jiwheyẹwhe tọn bọ̀.”
E họnwun dọ, ohọ̀n tẹmpli tọn lẹ súsú wẹ, taidi azọngban de.
Kavi vlavo, “mi.”
Kavi “he ma to gángán.”