Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Luti 1:1-22

NUHE E BẸHẸN LẸ

  • Whẹndo Elimelẹki tọn sẹtẹn yì Moabi (1, 2)

  • Naomi, Ọlpa po Luti po lẹzun asuṣiọsi (3-6)

  • Luti yin nugbonọ na Naomi po Jiwheyẹwhe po (7-17)

  • Naomi lẹkọyi Bẹtlẹhẹm po Luti po (18-22)

1  Todin, to ojlẹ he mẹ whẹdatọ+ lẹ wẹ to nukọntọ yin,* huvẹ de tọ́n to aigba lọ ji; dawe de sọ sẹtẹn sọn Bẹtlẹhẹm,+ to Juda yì jonọ-gbéji to aigba* Moabi tọn ji,+ yèdọ ewọ po asi etọn po gọna visunnu etọn awe lẹ.  Dawe lọ nọ yin Elimelẹki,* asi etọn nọ yin Naomi* podọ yinkọ visunnu etọn awe lẹ tọn wẹ Malọni* po Kiliọni* po. Eflatinu lẹ wẹ yé bo wá sọn Bẹtlẹhẹm, to Juda. Yé sọ sẹtẹn wá aigba Moabi tọn ji bo gbọṣi finẹ.  To ojlẹ de godo, Elimelẹki, asu Naomi tọn kú bọ e pò yọnnu lọ po visunnu etọn awe lẹ po kẹdẹ.  To nukọn mẹ, visunnu awe lọ lẹ dà yọnnu Moabinu lẹ; dopo nọ yin Ọlpa bọ awetọ nọ yin Luti.+ Yé gbọṣi finẹ na nudi owhe ao.  Enẹgodo, visunnu awe lọ lẹ, yèdọ Malọni po Kiliọni po sọ kú bọ e pò yọnnu lọ kẹdẹ to okú ovi etọn awe lẹ po asu etọn po tọn godo.  Enẹwutu, ewọ po ovisi etọn lẹ po bẹ gbejizọnlin jẹeji sọn aigba Moabi tọn ji nado lẹkọyi whé, na e sè to Moabi dọ Jehovah ko lẹ́ ayidonugo etọn hlan omẹ etọn lẹ bo ko na yé núdùdù.*  E dedo sọn fihe ewọ po ovisi etọn awe lẹ po nọ nọ̀. Dile yé to gbejizọnlinzin to aliji nado lẹkọyi aigba Juda tọn ji,  Naomi dọna ovisi etọn awe lẹ dọmọ: “Dopodopo mìtọn ni lẹkọyi owhé onọ̀ etọn tọn gbè. Na Jehovah ni do owanyi nugbo hia mì+ kẹdẹdile mì ko do e hia sunnu he kú lọ lẹ po yẹnlọsu po do.  Na Jehovah ni na dopodopo mìtọn hihọ́* to owhé asu etọn tọn gbè.”+ Enẹgodo, e donùnùgo na yé bọ yé viavi daga. 10  Yé sọ tẹkudeji dọmọ: “Lala, ṣigba mí na hodo we yì omẹ towe lẹ dè.” 11  Amọ́, Naomi dọmọ: “Mì lẹkọ, viyọnnu ṣie lẹ emi. Naegbọn mì nado hodo mi yì? Be n’gbẹ́ sọgan ji visunnu lẹ he na wá lẹzun asu na mì wẹ ya?+ 12  Mì lẹkọ, viyọnnu ṣie lẹ emi. Mì yì, na n’ko poyọnho gbau nado dà asu. Eyin n’tlẹ tindo todido nado mọ asu to egbé whèjai bosọ sọgan ji visunnu lẹ, 13  be mìwlẹ na nọtepọn yé kakajẹ whenue yé na wá whẹ́n mẹho wẹ ya? Be mìwlẹ na gbẹ́ asu dà, na yewlẹ tọn wutu wẹ ya? Lala, viyọnnu ṣie lẹ emi, eyin n’flin mì, gbẹzan ṣie nọ gọ́ na vivẹ́, na alọ Jehovah tọn ko lilẹ́ jẹagọdo mi.”+ 14  Yé sọ vọ́ viavi daga, bọ enẹgodo Ọlpa donùnùgo na asu-nọ̀ etọn bo lẹkọ dedo. Ṣigba, Luti tẹdo asu-nọ̀ etọn go. 15  Enẹwutu, Naomi dọmọ: “Pọ́n! Asuṣiọsi hatọ towe ko lẹkọ dedo omẹ etọn lẹ po yẹwhe etọn lẹ po dè. Lẹkọ hodo asuṣiọsi hatọ towe.” 16  Ṣigba, Luti dọmọ: “A vẹ̀ mi nado jo we do bo lẹkọ sọn hihodo we mẹ blo; na fihe hiẹ yì wẹ yẹn na yì, podọ fihe a dọ́ wẹ yẹnlọsu na dọ́. Omẹ towe lẹ wẹ na lẹzun omẹ ṣie lẹ, podọ Jiwheyẹwhe towe wẹ na lẹzun Jiwheyẹwhe ṣie.+ 17  Fihe a kú do wẹ yẹn na kú do, podọ finẹ wẹ n’na yin dìdì do. Na Jehovah ni sayana mi sinsinyẹn* eyin nudevo depope klan mi sọn gowe adavo okú.” 18  Whenue Naomi mọdọ Luti tẹkudeji nado hodo e, e masọ tẹnpọn nado diọlinlẹnna ẹn ba. 19  Yé omẹ awe lẹ sọ zindonukọn to gbejizọnlin yetọn mẹ kaka yé do wá Bẹtlẹhẹm.+ Whenue yé jẹ Bẹtlẹhẹm, e paṣa tòdaho lọ pete bọ yọnnu lẹ to didọmọ: “Be e ma yin Naomi die?” 20  Ewọ sọ nọ dọna yọnnu lọ lẹ dọmọ: “Mì sọ ylọ mi dọ Naomi* ba blo. Mala* wẹ mì ni nọ ylọ mi dọ, na Ganhunupotọ lọ ko hẹn gbẹzan ṣie zun vivẹ́ taun.+ 21  Gigọ́ wẹ n’zọ̀n do tọ́njẹgbonu, ṣigba Jehovah hẹn mi lẹkọwa asigbá-alọgbá. Naegbọn mìwlẹ nado ylọ mi dọ Naomi, to whenuena e yindọ Jehovah wẹ diọnukunsọ mi bọ Ganhunupotọ lọ wẹ hẹn nugbajẹmẹji wá ji e?”+ 22  Mọ wẹ Naomi lẹkọwa sọn aigba Moabi tọn ji do,+ to pọmẹ hẹ ovisi etọn Moabinu, Luti. Yé lẹkọwa Bẹtlẹhẹm to bẹjẹeji ojlẹ jibẹwawhé balekun tọn.+

Nudọnamẹ Odò Tọn

Kavi “to gandu.”
Kavi “lẹdo.”
Zẹẹmẹdo “Jiwheyẹwhe Ṣie Wẹ Ahọlu.”
Zẹẹmẹdo “Awuvivi Ṣie.”
Vlavo sọn hogbe Heblugbe tọn de mẹ he zẹẹmẹdo “lẹzun madogánnọ; jẹazọ̀n.”
Zẹẹmẹdo “Mẹhe to Gánvọ̀; Mẹhe Jei Vivọnu.”
To paa mẹ, “akla.”
To paa mẹ, “gbọjẹtẹn.”
To Heblugbe mẹ, “Na Jehovah ni wàmọ na mi bosọ yidogọ.”
Zẹẹmẹdo “Awuvivi Ṣie.”
Zẹẹmẹdo “Vivẹ́.”