Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Luku 9:1-62

NUHE E BẸHẸN LẸ

  • Devi 12 lẹ mọ anademẹ lẹ yí na lizọnyizọn lọ (1-6)

  • Hẹlọdi jẹflumẹ na Jesu tọn wutu (7-9)

  • Jesu na núdùdù gbẹtọ 5 000 (10-17)

  • Pita do Klisti lọ hia (18-20)

  • Dọdai gando okú Jesu tọn go (21, 22)

  • Devi-yinyin nugbo (23-27)

  • Jesu diọwunmẹ (28-36)

  • Visunnu he tindo gbigbọ aovi tọn de jẹgangan (37-43a)

  • Dọdai devo gando okú Jesu tọn go (43b-45)

  • Devi lẹ dọnnu do kiklo-yinyin ji (46-48)

  • Mẹhe ma jẹagọdo mí tin po mí po (49, 50)

  • Samalianu delẹ gbẹ́ Jesu dai (51-56)

  • Lehe yè nọ hodo Jesu do (57-62)

9  To whenẹnu, e ylọ Omẹ Wiawe lẹ pli dopọ bo na yé huhlọn po aṣẹ po do aovi lẹpo ji+ podọ nado hẹn azọ̀n lẹ gbọ.+  E sọ do yé hlan nado dọyẹwheho Ahọluduta Jiwheyẹwhe tọn podọ nado hẹnazọ̀ngbọ,  e sọ dọna yé dọmọ: “Mì hẹn nudepope na gbejizọnlin lọ blo, yèdọ opò kavi aglò núdùdù tọn kavi núdùdù kavi akuẹ* blo; mọdopolọ mì hẹn awù awe* blo.+  Ṣigba, fidepope he mì biọ owhé de gbè te, mì nọ finẹ kaka mì nado tọ́n sọn tòdaho lọ mẹ.+  Podọ fidepope he gbẹtọ lẹ ma yí mì te, to whenue mì to tintọ́n sọn tòdaho enẹ mẹ, mì húnhún kọ́gudu sẹ̀ sọn afọ mìtọn lẹ go, na okunnu de sọta yé.”+  Enẹgodo, to whenue yé jẹ yìyì ji, yé gbọn aigba lọ pete ji sọn gbétatò de mẹ jẹ gbétatò de mẹ, bo to wẹndagbe lọ lá bosọ to azọ̀nhẹngbọ to filẹpo.+  Todin, Hẹlọdi,* yèdọ ogán agbegbe tọn* lọ, sè nuhe to jijọ lọ lẹpo, ewọ sọ jẹflumẹ tlala, na mẹdelẹ to didọ dọ Johanu ko yin finfọn sọn oṣiọ lẹ mẹ wutu,+  ṣigba mẹdevo lẹ to didọ dọ Elija ko sọawuhia, ṣogan mẹdevo lẹ to didọ dọ dopo to yẹwhegán hohowhenu tọn lẹ mẹ ko fọ́n.+  Hẹlọdi dọmọ: “Yẹn ko gbòtana Johanu.+ To whelọnu lo, mẹnu wẹ yin mẹlọ he go yẹn to onú ehelẹ sè gando?” Enẹwutu, ewọ to tintẹnpọn nado mọ ẹn.+ 10  To whenue apọsteli lẹ lẹkọ, yé na linlin nuhe yé ko wà lẹpo tọn Jesu.+ Enẹwutu, e plan yé bo yì tòdaho he to olá de mẹ, he nọ yin Bẹtsaida.+ 11  Ṣigba, to whenue gbẹtọgun lọ lẹ yọnẹn, yé hodo e. Podọ e yí homẹdagbe do yí yé bo jẹ hodọna yé ji gando Ahọluduta Jiwheyẹwhe tọn go, e sọ hẹnazọ̀ngbọna mẹhe tindo nuhudo azọ̀nhẹngbọ tọn lẹ.+ 12  Todin, azán lọ jei vivọnu. Omẹ Wiawe lẹ wá bo dọna ẹn dọmọ: “Do gbẹtọgun lọ hlan, na yé nido yì gbétatò po glètoho he to lẹdo lọ mẹ lẹ po mẹ nado yì dín fihe yé na nọ po nuhe yé na dù po, na fihe to olá de wẹ mí te.”+ 13  Ṣigba, e dọna yé dọmọ: “Mì na nude yé nado dù.”+ Yé sọ dọmọ: “Mí ma tindo nude hú akla atọ́n po whèvi awe po, adavo mílọsu lẹ ni yì bo họ̀ núdùdù na omẹ ehe lẹpo.” 14  Na nugbo tọn, yé diblayi sunnu 5 000 to finẹ. Ṣigba, e dọna devi etọn lẹ dọmọ: “Mì dike yé ni sinai, yèdọ nudi omẹ kandeao-kandeao to gọnu-gọnu.” 15  Yé sọ wàmọ bọ yemẹpo sinai. 16  Todin, e yí akla atọ́n po whèvi awe lọ lẹ po bo pọ́n olọn bosọ dona yé. Enẹgodo, e wẹ́n yé bo jẹ yíyí na devi etọn lẹ ji, na yé nido na gbẹtọgun lọ. 17  Gbọnmọ dali, yemẹpo dù bo gọ́ho, yé sọ bẹ dupò lẹ pli, bọ e gọ́ ohà 12.+ 18  To gbèdopo, to whenue e to dẹ̀ho edeṣo, devi lẹ pli do e dè, e sọ kanse yé dọmọ: “Mẹnu wẹ gbẹtọgun lọ lẹ to didọ dọ yẹn yin?”+ 19  Yé gblọn dọmọ: “Johanu Baptizitọ, ṣigba mẹdevo lẹ nọ dọ Elija, podọ mẹdevo lẹ sọ nọ dọ, dopo to yẹwhegán hohowhenu tọn lẹ mẹ ko fọ́n.”+ 20  To whenẹnu, e dọna yé dọmọ: “Ṣigba mìwlẹ, mẹnu wẹ mì nọ dọ dọ yẹn yin?” Pita gblọn dọmọ: “Klisti Jiwheyẹwhe tọn.”+ 21  To whenẹnu, e gbẹ́ na yé sinsinyẹn ma nado nọ dọ ehe na mẹdepope,+ 22  ṣigba e dọmọ: “Visunnu gbẹtọ tọn dona jiya nususu tọn bọ mẹho lẹ, yẹwhenọgán lẹ po wekantọ lẹ po na gbẹ́ ẹ dai bo hù i+ bọ e na yin finfọn to azán atọ̀ntọ gbè.”+ 23  Enẹgodo, e zindonukọn nado dọna yemẹpo dọmọ: “Eyin mẹdepope jlo nado hodo mi, mì gbọ e ni mọ́n ede+ bo ze yatin* etọn egbesọegbesọ bosọ to hihodo mi zọnmii.+ 24  Na mẹdepope he jlo na whlẹn ogbẹ̀* etọn na hẹn ẹn bu, ṣigba mẹdepope he hẹn ogbẹ̀* etọn bu na yẹn tọn wutu, omẹ enẹ wẹ na whlẹn ẹn.+ 25  Na taun tọn, ale tẹwẹ tin to e mẹ na gbẹtọ eyin e duale aihọn lọ pete tọn ṣigba bo hẹn ogbẹ̀ ede tọn bu kavi hẹn nulẹpo bu?+ 26  Na mẹdepope he kuwinyan ṣie podọ na ohó ṣie lẹ, Visunnu gbẹtọ tọn nasọ kuwinyan ewọ tọn ga to whenue e na wá to gigo etọn, Otọ́ tọn po angẹli wiwe lẹ tọn po mẹ.+ 27  Ṣigba, nugbo wẹ yẹn dọna mì dọ, delẹ to mẹhe to ote tofi lẹ mẹ ma na dọ́ okú pọ́n to aliho depope mẹ kaka yé nado mọ Ahọluduta Jiwheyẹwhe tọn whẹ́.”+ 28  Na nugbo tọn, nudi azán ṣinatọ̀n to ohó ehelẹ didọ godo, e plan Pita, Johanu po Jakọbu po bo hẹji yì osó ji nado hodẹ̀.+ 29  Podọ dile e to dẹ̀ho, awusọhia nukunmẹ etọn tọn diọ bọ avọ̀ etọn lẹzun wewe tété. 30  Humọ, pọ́n! dawe awe to hodọ hẹ ẹ; Mose po Elija po wẹ. 31  Omẹ ehelẹ sọawuhia po gigo po bo jẹ hodọ ji gando yìyì etọn he na mọ hẹndi to Jelusalẹm to madẹnmẹ go.+ 32  Todin, amlọn to tuklado Pita po mẹhe to finẹ hẹ ẹ lẹ po, ṣigba to whenue amlọn ko họ́n na yé pete, yé mọ gigo etọn+ po dawe awe he to ote hẹ ẹ lẹ po. 33  Podọ dile omẹ ehelẹ to tintọ́n sọn e dè, Pita dọna Jesu dọmọ: “Nuplọnmẹtọ, e yọ́n taun dọ mí ni nọfi. Enẹwutu, gbọ mí ni gbá gòhọ atọ̀n, dopo na hiẹ, dopo na Mose, podọ dopo na Elija.” Ewọ ma yọ́n nuhe dọ e te. 34  Ṣigba, dile e to onú ehelẹ dọ, aslọ de sọawuhia bo jẹ ṣinṣinyọn yé ji. To whenue aslọ lọ ko ṣinyọ́n yé, yé dibu. 35  To whenẹnu, ogbè de+ dọho sọn aslọ lọ mẹ dọmọ: “Ehe wẹ Visunnu ṣie, mẹhe ko yin dide lọ.+ Mì nọ dotoaina ẹn.”+ 36  To whenue ogbè lọ yin sisè, Jesu kẹdẹ wẹ yé mọ. Ṣigba, yé nabọẹ bo ma dọ nuhe yé mọ lẹ depope na mẹde to azán enẹlẹ mẹ.+ 37  To aihọngbè, to whenue yé jẹte sọn osó lọ ji, gbẹtọgun daho de wá pé e.+ 38  Podọ pọ́n! dawe de sọn gbẹtọgun lọ mẹ dawhá dọmọ: “Mẹplọntọ, yẹn vẹ̀ we nado yìnnukun pọ́n visunnu ṣie, na ewọ wẹ ovi dopo akàn ṣie wutu.+ 39  Podọ pọ́n! gbigbọ de nọ ze e, bọ ewọ nọ dawhá to ajiji mẹ, e sọ nọ húnhún in gìgìgì bọ e nọ to fútúfútú tún sọn nùmẹ, bọ po huhlọn po wẹ e nọ jo e do to whenue e ko gbleawuna ẹn pó godo. 40  Yẹn sọ vẹ̀ devi towe lẹ nado yàn ẹn jẹgbonu, ṣigba yé ma pé e go.” 41  Jesu gblọn dọmọ: “Whẹndo mayisenọ podọ bublunọ E,+ nawẹ yẹn na nọ mì dè bo na sinyẹnlin hẹ mì dẹnsọ? Plan visunnu towe wáfi.”+ 42  Ṣigba, dile ewọ tlẹ ko to dindọnsẹpọ, aovi lọ dlan ẹn do kọmẹ bo húnhún in gìgìgì. Etomọṣo, Jesu gbẹnuna gbigbọ mawé lọ bo hẹnazọ̀ngbọna visunnu lọ bosọ gọ̀ ẹ jo na otọ́ etọn. 43  Huhlọn gigonọ Jiwheyẹwhe tọn sọ hẹn awuji yemẹpo. Dile awuji yemẹpo gando nuhe ewọ to wiwà lẹ go, e dọna devi etọn lẹ dọmọ: 44  “Mì dotoai po sọwhiwhe po bo hẹn ohó ehelẹ do ayiha mẹ, na Visunnu gbẹtọ tọn na yin didehia do alọ gbẹtọ lẹ tọn mẹ.”+ 45  Ṣigba, yé ma mọnukunnujẹ nuhe dọ e te lẹ mẹ. Na nugbo tọn, e yin whiwhla do yé, na yé nikaa mọnukunnujẹemẹ, yé sọ dibu nado kannubiọ ẹ gando hodidọ ehe go. 46  Enẹgodo, nudindọn de fọ́n to ṣẹnṣẹn yetọn gando mẹhe klohugan to yé mẹ go.+ 47  Na Jesu yọ́n nuhe lẹn yé te to ahun yetọn mẹ wutu, e ylọ yọpọvu de bo hẹn ẹn ṣite to ede dè, 48  bo dọna yé dọmọ: “Mẹdepope he yí yọpọvu ehe to oyín ṣie mẹ, yí yẹnlọsu ga; podọ mẹdepope he yí mi, yí Mẹhe do mi hlan ga.+ Na ewọ he ze ede whè to mìmẹpo ṣẹnṣẹn wẹ mẹlọ he klo.”+ 49  Johanu gblọn dọmọ: “Nuplọnmẹtọ, mí mọ mẹde bọ e to aovi lẹ yàn jẹgbonu to oyín towe mẹ podọ mí tẹnpọn nado glọnalina ẹn, na ewọ ma yin dopo to mí mẹ wutu.”+ 50  Ṣigba, Jesu dọna ẹn dọmọ: “Mì tẹnpọn nado glọnalina ẹn blo, na mẹdepope he ma jẹagọdo mì tin po mì po.” 51  Dile azán he gbè e na yin zize yì olọn mẹ lẹ to sisẹpọ,*+ e magbe bo ze ayiha etọn lẹpo do Jelusalẹm yìyì ji. 52  Enẹwutu, e do wẹnsagun lẹ hlan nado jẹnukọnna ẹn yì. Podọ yé yì bo biọ gbétatò Samalianu lẹ tọn de mẹ nado wleawudaina ẹn. 53  Ṣigba yé ma yí i,+ na e ko magbe nado yì Jelusalẹm* wutu. 54  To whenue devi Jakọbu po Johanu po+ mọ ehe, yé dọmọ: “Oklunọ, be hiẹ jlo dọ mí ni ylọ miyọ́n nado flẹ sọn olọn bo hù yé sudo ya?”+ 55  Ṣigba, e lilẹ́ bo gbẹnuna yé. 56  Enẹwutu, yé yì gbétatò devo mẹ. 57  Todin, dile yé to yìyì to aliji, mẹde dọna ẹn dọmọ: “Yẹn na hodo we yì fidepope he hiẹ na yì.” 58  Ṣigba, Jesu dọna ẹn dọmọ: “Owọ̀ lẹ tindo odò lẹ podọ ohẹ̀ agahomẹ tọn lẹ tindo adọ́ lẹ, ṣigba Visunnu gbẹtọ tọn ma tindo fidepope he e na ze ota etọn bọdai do.”+ 59  Enẹgodo, e dọna mẹdevo dọmọ: “Lẹzun hodotọ ṣie.” Dawe lọ dọmọ: “Oklunọ, nagbè mi nado yì bo dì otọ́ ṣie whẹ́.”+ 60  Ṣigba, e dọna ẹn dọmọ: “Gbọ oṣiọ lẹ+ ni dì oṣiọ yetọn lẹ, ṣigba hiẹ ni yì bo lá Ahọluduta Jiwheyẹwhe tọn pé.”+ 61  Podọ mẹdevo sọ dọmọ: “Oklunọ, yẹn na hodo we, ṣigba nagbè mi nado dọ e yì whedenu na mẹhe tin to whédo ṣie mẹ lẹ whẹ́.” 62  Jesu dọna ẹn dọmọ: “Mẹdepope he doalọ glepọnu go bo pọ́n nuhe to godo lẹ+ ma jẹna Ahọluduta Jiwheyẹwhe tọn.”+

Nudọnamẹ Odò Tọn

To paa mẹ, “fataka.”
Kavi “awù devo.”
Enẹ wẹ, Hẹlọdi Antipa. Pọ́n Zẹm.
To paa mẹ, “tẹtlalkes.” Ahọvi lẹdo tọn he nọ ze afọ ahọluigba-gán Lomu tọn dai.
Pọ́n Zẹm.
Kavi “alindọn.”
Kavi “alindọn.”
To paa mẹ, “pipé.”
To paa mẹ, “ko ze nukunmẹ etọn do Jelusalẹm yìyì ji.”