Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Luku 24:1-53

NUHE E BẸHẸN LẸ

  • Jesu yin finfọnsọnku (1-12)

  • To aliji jei Emausi (13-35)

  • Jesu sọawuhia devi lẹ (36-49)

  • Jesu hẹji yì olọn mẹ (50-53)

24  Ṣigba, to azán tintan* osẹ lọ tọn gbè, yé wá yọdò* lọ kọ̀n to afọnnu fuu, bo hẹn nuwhẹ́nkun he yé ko wleawuna lẹ.+  Ṣigba, yé mọ bọ zannu lọ ko yin bibli sẹ̀ sọn yọdò* lọ nù,+  podọ to whenue yé biọ e mẹ, yé ma mọ oṣiọ Oklunọ Jesu tọn.+  Dile yé jẹflumẹ na ehe wutu, pọ́n! dawe awe delẹ he do awù he to sisẹ́ ṣite to yé dè.  Yọnnu lọ lẹ dibu bo dokọdò, enẹwutu dawe lọ lẹ dọna yé dọmọ: “Naegbọn mì to mẹhe to ogbẹ̀ dín to oṣiọ lẹ mẹ?+  Ewọ ma tin tofi, ṣigba ko yin finfọn. Mì flin nuhe e dọna mì to whenue e gbẹ́ pò to Galili,  dọ Visunnu gbẹtọ tọn dona yin zizedo alọ sunnu ylandonọ lẹ tọn mẹ bo yin hùhù do pòtin ji, ṣogan na fọ́n to azán atọ̀ntọ gbè.”+  Whenẹnu, yé flin nuhe e dọ lẹ,+  yé sọ lẹkọ sọn yọdò* lọ kọ̀n bo dọ onú ehe lẹpo na Omẹ Widopo lẹ gọna devi he pò lẹpo.+ 10  Yewlẹ wẹ Malia Magdaleni, Joana po Malia onọ̀ Jakọbu tọn po. Podọ ga, yọnnu he pò to yé dè lẹ to onú ehelẹ dọna apọsteli lẹ. 11  Ṣigba, ohó ehelẹ taidi nulunu hlan yé bọ yé ma yí yọnnu lọ lẹ sè. 12  Ṣigba, Pita fọ́n bo họ̀nwezun yì yọdò* lọ kọ̀n, podọ dile e dẹ́ hlan nukọn, e mọ alavọ lẹ kẹdẹ. Enẹwutu, e yì, bọ nuhe ko jọ lọ to pipaṣa ẹ. 13  Ṣigba, pọ́n! to azán enẹ dopolọ gbè, awe to yé mẹ to gbejizọnlinzin jei gbétatò de he nọ yin Emausi mẹ, he to nudi kilomẹtlu widopo* do Jelusalẹm, 14  podọ yé to hodọ hẹ ode awetọ do nuhe ko jọ ehe lẹpo ji. 15  Todin, dile yé to hodọdopọ bo to nulẹnpọn do onú ehelẹ ji, Jesu lọsu dọnsẹpọ bo jẹ zọnlinzin hẹ yé ji, 16  ṣigba yé ma penugo nado yọ́n ewọ.+ 17  E dọna yé dọmọ: “Whẹho tẹlẹ ji wẹ mì to nudọn do to mìdelẹ ṣẹnṣẹn dile mì to yìyì?” Yé sọ nọte ṣúdúdú bọ nukunmẹ yetọn kúṣiọ. 18  Mẹhe nọ yin Kleopasi gblọnna ẹn dọmọ: “Be jonọ de wẹ hiẹ bo nọ nọ̀ dewe ṣo to Jelusalẹm bọ hiẹ ma do yọ́n* nuhe ko jọ to finẹ to azán ehelẹ gbè ya?” 19  Ewọ kanse yé dọmọ: “Onú tẹlẹ wẹ?” Yé dọna ẹn dọmọ: “Nuhe gando Jesu Nazalẹti tọn go lẹ wẹ,+ mẹhe do ede hia taidi yẹwhegán huhlọnnọ de to azọ́n po ohó po mẹ to Jiwheyẹwhe po gbẹtọ lẹpo po nukọn;+ 20  podọ lehe yẹwhenọgán mítọn lẹ po ogán lẹ po ze e jo, na yè nido dawhẹ okú tọn na ẹn+ bo whè e do pòtin go do. 21  Ṣigba, míwlẹ tindo todido dọ dawe ehe wẹ mẹlọ he na whlẹn Islaeli.+ Mọwẹ, podọ gbọnvona ehe lẹpo, azán atọ̀ntọ die he onú ehelẹ ko jọ. 22  Humọ, yọnnu delẹ sọn mí mẹ sọ hẹn avò vò mí, na yé ko yì yọdò* lọ kọ̀n to afọnnu fuu+ 23  bọ whenue yé ma mọ oṣiọ etọn, yé wá bo to didọ dọ yé sọ mọ numimọ jiawu angẹli lẹ tọn ga, he dọ dọ ewọ to ogbẹ̀. 24  Enẹgodo, delẹ to mẹhe tin po mí po lẹ mẹ yì yọdò* lọ kọ̀n,+ bo mọ domọ, kẹdẹdile yọnnu lọ lẹ ko dọ do, ṣigba yé ma mọ ewọ.” 25  Enẹwutu, e dọna yé dọmọ: “Mì gugutọ podọ mì he ahun mìtọn tliji nado yí nulẹpo he yẹwhegán lẹ dọ sè lẹ emi! 26  Be e ma yin dandan na Klisti nado jiya onú ehelẹ tọn+ podọ nado mọ gigo he jẹ lọ yí ya?”+ 27  Podọ e bẹjẹeji sọn Mose po Yẹwhegán lẹ po ji+ bo detana nuhe gando ewọ lọsu go lẹ to Owe-wiwe lẹpo mẹ na yé. 28  To godo mẹ, yé dọnsẹpọ gbétatò lọ fie yé to gbejizọnlinzin jei, bọ e basi di dọ gbejizọnlin etọn gbẹ́ zindonukọn wẹ nkọ. 29  Ṣigba, yé vẹ̀ ẹ dọmọ: “Nọ mí dè, na owhè ko jai bọ ozán ko dibla kú.” Enẹwutu, e biọ whégbè nado nọ yé dè. 30  Podọ dile e to núdù* hẹ yé, e yí akla, bo dona, bosọ wẹ́n ẹn bo jẹ yíyí na yé ji.+ 31  To whenẹnu, nukun yetọn lẹ hùn hezeheze bọ yé yọ́n ewọ; ṣigba e bu sọn ṣẹnṣẹn yetọn.+ 32  Yé sọ dọna ode awetọ dọmọ: “Be ahun mítọn ma yin whinwhàn sinsinyẹn to ohò mítọn mẹ dile ewọ to hodọna mí to aliji, bo to Owe-wiwe lẹ hùn na mí to gigọ́ mẹ* ya?” 33  Podọ to gànhiho enẹ dopolọ mẹ, yé fọ́n bo lẹkọyi Jelusalẹm, yé sọ mọ Omẹ Widopo lọ lẹ po mẹhe pli dopọ hẹ yé lẹ po, 34  he dọmọ: “Na nugbo tọn, Oklunọ ko yin finfọn podọ e sọawuhia Simọni!”+ 35  Enẹgodo, yelọsu na linlin nuhe jọ to aliji lẹ tọn podọ lehe yé wá yọ́n ẹn gbọn to whenue e wẹ́n akla godo.+ 36  Dile yé to hodọdo onú ehelẹ ji, ewọ lọsu ṣite to ṣẹnṣẹn yetọn bo dọna yé dọmọ: “Jijọho ni tin hlan mì.”+ 37  Ṣigba, na yé dibu bọ ahun yetọn gbàdo wutu, yé lẹndọ gbigbọ de mọ wẹ yé te. 38  Enẹwutu, e dọna yé dọmọ: “Naegbọn mì do biọ bẹwlu mẹ, podọ naegbọn mì do tindo ayihaawe to ahun mìtọn mẹ? 39  Mì pọ́n alọ ṣie po afọ ṣie lẹ po, dọ yẹnlọsu wẹ; mì doalọ go e bo pọ́n, na gbigbọ ma nọ tindo agbasalan po ohú lẹ po dile mì mọdọ yẹn tindo do.” 40  Podọ dile e dọ ehe, e do alọ etọn po afọ etọn lẹ po hia yé. 41  Ṣigba, dile yé ma yise janwẹ, na ayajẹ yetọn gọfla bọ awú gbẹ́ to jiji yé wutu, e dọna yé dọmọ: “Be mì tindo nude to finẹ nado dù ya?” 42  Enẹwutu, yé ze whèvi hìhì de na ẹn, 43  ewọ sọ yí i bo dù i to nukun yetọn mẹ. 44  Whenẹnu, e dọna yé dọmọ: “Ehelẹ wẹ ohó ṣie lẹ he yẹn dọna mì whenue yẹn gbẹ́ pò to mì dè,+ dọ nulẹpo he yin kinkan do Osẹ́n Mose tọn mẹ podọ do Yẹwhegán lẹ po Salmu lẹ po mẹ gando yẹn go dona yin hinhẹndi.”+ 45  To whenẹnu, e hùn ayiha yetọn to gigọ́ mẹ nado mọnukunnujẹ zẹẹmẹ Owe-wiwe lẹ tọn mẹ,+ 46  e sọ dọna yé dọ, “Nuhe yin kinkandai wẹ yindọ: Klisti na jiya bo na fọ́n sọn oṣiọ lẹ mẹ to azán atọ̀ntọ gbè,+ 47  podọ to dodonu oyín etọn tọn ji, yẹwheho lẹnvọjọ tọn na jona ylando lẹ tọn+ na yin didọ to akọta lẹpo mẹ+—yèdọ bẹsọn Jelusalẹm.+ 48  Mìwlẹ wẹ na yin kunnudetọ onú ehelẹ tọn.+ 49  Podọ mì pọ́n! nuhe Otọ́ ṣie ko dopagbe etọn, yẹn na do e hlan mì. Ṣigba, mìwlẹ ni gbọṣi tòdaho lọ mẹ kaka mì nado mọ huhlọn yí sọn oji aga.”+ 50  Enẹgodo, e plan yé kaka yì Bẹtani, ewọ sọ ze alọ etọn lẹ daga bo dona yé. 51  Dile e to didona yé, e to yìyì sọn yé dè bo yin zize yì olọn mẹ.+ 52  Yé sọ litaina* ẹn bo yí ayajẹ daho do lẹkọ do Jelusalẹm.+ 53  Yé sọ gbọṣi tẹmpli mẹ bo to Jiwheyẹwhe pà.+

Nudọnamẹ Odò Tọn

Enẹ wẹ, azán he nọ yin yiylọ todin dọ Sẹgbe. Na Ju lẹ, e yin azán tintan osẹ tọn.
Kavi “yọdò oflin tọn.”
Kavi “yọdò oflin tọn.”
Kavi “yọdò oflin tọn.”
Kavi “yọdò oflin tọn.”
To paa mẹ, “stade 60.” Stade dopo sọzẹn hẹ m 185. Pọ́n Nud. B14.
Kavi vlavo, “Be hiẹ wẹ jonọ dopo gee he to Jelusalẹm bo ma yọ́n?”
Kavi “yọdò oflin tọn.”
Kavi “yọdò oflin tọn.”
Kavi “jagla to tafo kọ̀n.”
Kavi “to zẹẹmẹ Owe-wiwe lẹ tọn basi na mí hezeheze.”
Kavi “dẹ́ do odò na.”